1 Piɛ 4:10 - Nouveau Testament en Ngienboum

¹⁰ Awɔ̌wɔ́ɔ lɔgɔ yé fù’ gie Ssé lɔ̌g ńcÿó gʉm yé, ńkẅéte mefɛ́ pé. Pi gwɔ́ pá’ megàŋa fà’ pe mbòŋo pie pɔ́ ne ńkú’te fù’ mentí mentí gie Ssé náa mbwo pɔ́b pá’ á ge kẅéte petsɔ́ pʉ̀a.

1 Piɛ 4:10 ပူးပေါင်းရင်းမြစ်များ

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Matio 24:14

Mé ge lá’ tsẅi wɔɔn nkʉ̀ mbòŋo we nò *lefùɔ Ssé á nzɔ̌ nzɔ̌ ndùmo ssé tsetsá’, légwɔ́ gie melá’ melá’ ntsèm ge jú’, njÿó leen ńké ḿmag.

Matio 24:21

«Á nue ngʉ̀ngʉ̀ gie e ge lá’ kú pʉ̀a, ge lá’ gyɔ́ɔn tɛ’, tà mbà mé laa zɔɔn ńgyá tsɔ̌ pú’u wɔ́, tà fó pá’ Ssé la nuŋe njÿó, ńgʉa kú fʉ̀’ɔɔn», mé ké le la’ ngíŋe ńgyá tsɔ̌ pú’u, wɔ́.

Matio 24:45

Ngàŋa fà’ gẅie à jǔ’, ḿbiŋ ńgẅiin legye à gwá’a la? Aa gẅie tá fà’ we la cʉ́me pʉ̀a pé mbwó yé, pá’ à ge cʉ́’ ná shúm léjÿó mbwó pɔ́b á nà fʉ̀’ gie á ne ńzɛ́te.

Matio 25:17

Nyìŋ gẅie mé la nyé ye pàg nkÿo pʉ́a, gíŋe ńjÿó yé tsɔ̌ pàg nkÿo pʉ́a.

Matio 25:44

Pɔ́b yɔ́b e gíŋe ńgɔɔn ngie: Cʉ̀apʉ̀a, peg la gyá gú síŋe, nzyè ne ńgyáŋa gú, ńgyá gú síŋe, àgág jú ne shÿó, ńgyá gú síŋe, ɔ̀ gwɔ́ ngʉ̀, ńgyá gú síŋe ɔ̀ gwɔ́ tè nzsǒ, ńgyá gú síŋe, ɔ̀ ne ńguɔ, ńjú’ síŋe ɔ̀ gwɔ́ ndá tsǎŋ, peg tè gú kẅéte?

Malékuse 10:45

*Míŋ Nyìŋ la zɔɔn tè tóo ndùmo ssé tsetsá’ pɔ́ pá’ pʉ̀a mesoŋ ge fa’a mbwo yé wɔ́, à la tó pɔ́ léfa’a mbwo pʉ̀a mesoŋ, éfa’ fa’ tà gíŋe ńnáa twó yé lélɔg ńcu’ pʉ̀a tà ńgyɔ́ɔn.

Lukase 12:42

Yěsô tsɔ́’ɔ mbwo yé ngie: Ngàŋa fà’ we nénʉ́, á gẅie à gẅiin legyè, aa pé’e ńgwɔ́ wɛ̌? Aa gẅie tá fà’ ge gÿo gwaa gʉa, é gɔɔn né yé ngie: Afà’ gie mèŋ n nyě mbwo gù á yɔɔn, cʉ́’ ná shúm léjÿó mbwo petsɔ́ megàŋa fà’ á nà fʉ̀’ gie á ne ńzɛ́te.

Lukase 19:13

Á gwaa gʉa, ńtóŋ megàŋa fà’ pé legém, ńnáa pàga nkáb gie áa tʉ̀ nzẅìŋ mbwo wɔ̌ɔwɔ́ɔ, ńgɔɔn né pɔ́b ngie: Pi cʉ́’ ńně ńtáŋa nkáb yɛ̂ tà mèŋ n dá’ ḿbiŋ,

Lukase 8:3

ńgÿo Jâne, nzwě Shuza gẅie à laa mentsindá fùɔ *Herôd, tà mbɔɔ Sesánɔɔn, ńgÿo petsɔ́ pànzwě. Pɔ́ metsèm gwɔ́ nzèm Yěsô ńdɔgɔ nkáb yɔb ńtóonte Yěsô lâ *ngàŋa kwò yé nà fa’a yɔ́b.

Roma 15:25

Tá’ áa nà fʉ̀’ɔɔn mèŋ n ne ńgee nê Yerósalem léná nkáb mbwo pʉ̀a Ssé pie ée tsɛ̀ɛ yɛ̌ tÿǒsoŋ.

Roma 15:27

Pɔ́ zɔ ka pʉlé ńgyá pú’u tá’, é zɔɔn ńgwɔ́ pɔ́ njǔ gie pɔ́ gẅiin létoŋo mbwo pɔ́b. Á nue á lɔɔn ńgwɔ́ gie pʉ̀a pie é té pà Yuda wɔ́ kéen ńgẅiin yɔ́b mmó nà shúm sie Ssé la pu’ ssé ńná pɔ́ né pà Yuda, mbà pɛ̌ pʉ̀a gẅiin pá’ pɔ́ ge gʉa ná shúm sie ée sɔ́b, é pi tsɔ́ é ná mé lɔg ńkẅéte pà Yuda.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

1 Korento 3:10

E Ssé ka cÿó gem yɔ́ɔn, mèŋ n nuŋe cÿó ndá pá’ ngàŋ levfò we mbòŋo. Mèŋ n ka nuŋe cÿó ndá, wetsɔ́ nyìŋ ne ńdɔgɔ fà’ ńgee mvfò. À ne ńkwɛ́ɛ ndá ndùmó. Tá’ awɔ̌wɔ́ɔ laga twó yé nà ntí gie à lɔgɔ ńkwɛ́ɛ ndá ndùmó.

1 Korento 4:7

Akɔ́ zɔɔn ńgÿo ɔ̀ kwaŋ ngie ɔ̀ cʉ́a petsɔ́ pʉ̀a? Ɔ̀ gẅiin kɔ́ tà á té gwɔ́ pɔ́ gie e Ssé la ná né gù wɔ́? À lɔɔn ńgwɔ́ gie e Ssé la ná né gù nǎ, mbà ɔ̀ piŋe ńdɔgɔ ńŋá’te pɔ́ pá’ fʉ̀’ gie e Ssé la tè ná né gù nǎ wɔ́ mélà’a kɔ́?

2 Korento 6:1

Pá’ pega Ssé zɔ puté ne fa’a la, peg ne ńkẅiŋte gẅi ngie tà pi gÿo ná ntí gie, légwɔ́ gie é Ssé tsɔ̌ɔn gẅí, ńcÿó gʉm gí, à ge cʉa sẅɛ̀ɛ.

2 Korento 9:1

Á gʉa nà mmó lɔg ńkẅéte mefɛ́ mefɛ́ pie ée Yerósalem, mbà mèŋ n gyǎ ngie á té ne ńzɛ́te ngie mèŋ n gíŋe ne ńŋwe’e nò mǒ ŋwe’e wɔ́.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Efeso 4:11

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

2 Timote 1:18

Mèŋ n ne sẅíŋte ngie Cʉ̀apʉ̀a lá’a lyɛ’ɛ́ létsɔ́’te ntsaŋ ńgÿo nò mbòŋo ná ye. Kwà’ gù ne ńzsé pá’ n da nyé Efeso á kẅéte wɔ̀ɔn pú’u.

Titus 1:7

Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

1 Piɛ 5:12

Silase ka kẅéte wɔ̀ɔn léŋwe’e wɔɔn mûɔ méŋwà’ne. Àa mbwo mèŋ ńgwɔ́ fɛ́ gẅie à zsé yé pɔ́ ndà’ nò Yěsô. Mèŋ n náa yɔɔn ŋwà’ne mbwo pi lélɔg ńkẅiŋte gẅi mbɔɔ lélɔg ńnyɛte shwóŋó gẅi ntí gie e Ssé la lɔg menò mbòŋo ńcÿó gʉm yégè, kwà’ pá’ mèŋ n ŋwe’é lɔɔn. Pi tʉte nà menò ŋwɛ́ mboŋó.