1 Piɛ 4:1 - Nouveau Testament en Ngienboum

¹ Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.

1 Piɛ 4:1 ပူးပေါင်းရင်းမြစ်များ

Malékuse 3:3

Yěsô gɔɔn mbwo kwè pwó ŋwɛ́ ngie: Lu ssé ńtó ńtyé mvfò,

Roma 6:11

Mbɔɔ pi gí, pi líe twó mbùm gí pá’ pʉ̀a pie pɔ́ ée nà nò tepòŋ, ńcʉ́’ pɔ́ mepfó. Pi cʉ́’ ńgwɔ́ pɔ́ pʉ̀a pie é lɔg pá’ pɔ́ la nnɛ́ ná Kristo, ńcʉ́’ ńgẅiin pɔ́ ntí ye sẅé pá’ pɔ́ ge fa’a fà’ Ssé.

Roma 6:2

Ngǎŋ! Ńgwɔ́ pege é le pú’u, gÿo. Pá’ á zɔɔn ńgwɔ́ nà légÿo nò tepòŋ, mbà pege léen ńkwé lá, ńgwɔ́ pege gǎ tá ńgíŋe ne ńgÿo pɔ́ nò tepòŋ?

Roma 6:7

Nyìŋ zɔɔn ńgwɔ́ tà ńkwé, à tè gíŋe ńku’u légÿo tsɔ́ mmó wɔ́, nkÿo nò tepòŋ fó ná yé ńkyɛ́’ɛ.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Efeso 6:13

Áa mmó gie á gÿo tá á ne ńzɛ́te ngie, pi kaa shúm ncù Ssé pɔ́ ntsèm, tá ńku’u légwɔ́ gie lyɛ’ɛ́ lá’ tepòŋ ge tó, pi ma’ ncù meshÿó meshÿó tà ńtsẅé jʉ’, é ké le ŋele.

Filipo 2:5

Pi gẅiin nkwaŋá gẅie Yěsô Kristo la gẅiin.

Heber 12:3

Pi zɔɔn ńnéŋe ńkwaŋte pɔ́ Yěsô, megàŋ mefʉa lɔ́ɔn ḿbʉa yé, ńgege yé, á ké shÿɔgɔ shÿɔg. Pi gÿo pú’u, ńzsé ngie ntʉ́m gẅi té pÿɛ́ pi kʉ́a wɔ́.

Heber 4:10

Á nue nyìŋ gẅie à kǔ tsɛ̀ɛ sẅétè gie e Ssé la nyɛte ńtí yé, à giŋé ńzẅɛte yé nà mefà’ mé pá’ e Ssé la fa’ mé yé tà ńzẅɛte

1 Piɛ 2:21

E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.