1 Piɛ 3:9 - Nouveau Testament en Ngienboum

⁹ Tà pi lɔgɔ nò tepòŋ ńtsɔ́’ɔ nò tepòŋ. Tà mé zoonte gẅi pi pʉŋe. Tà ńcʉ́’ pú’u, pi gɔɔn ngie e Ssé gwɔ́ nê ngàŋ, e Ssé la tsɔ́’ɔ gẅi pɔ́ pá’ à ge gwɔ́ né pi.

1 Piɛ 3:9 ပူးပေါင်းရင်းမြစ်များ

Matio 19:29

Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 5:39

!Tá’ mèŋ n gɔɔn né pi ngie: Tà pi tsɔ́’ɔ piŋé nò nyìŋ gẅie à gÿǒ nò tepòŋ ná pi ńnáa yetsɔ́. Nyìŋ cúɔ pwó letuŋó nyìŋ, á sele yetsɔ́ gwǒŋ á mege ńcúɔ.

Matio 5:44

!Tá’, mèŋ n gɔɔn né pi ngie: Pi kwoŋ megàŋ mbù pi. [Pi sẅíŋte Ssé nà twó pʉ̀a pie pɔ́ nyɛɛ gẅi ngɔ́’].

Malékuse 10:17

Yěsô gÿo ńtyé mánzsè ńne ńgee, atsɔ̌ nyìŋ kÿote ńtó ńkẅí’te mvfò yé, ńzɛ́te yé ngie: Tsítsà, gù zɔɔ kwà’ nyìŋ mbòŋo. Mèŋ n ge gÿo yɔ́ɔn lêkɔ́ tá gẅiin le gwɔ́ tèmì?

Lukase 10:25

Atsɔ̌ nkyàgte *lepʉ̌ Mǒsê jú’u shwóŋè Yěsô tà ńdu ssé, ńdʉŋte yé, ńzɛ́te yé ngie: Tsítsà, à lɔɔn ńgwɔ́ mèŋ n gÿo yɔ́ɔn lêkɔ́ tá ńgẅiin le gwɔ́ tèmì?

Lukase 18:18

Atsɔ̌ ńkěm pà Yuda tó ńzɛ́te Yěsô ngie: Tsítsà we mbòŋo, à lɔɔn ńgwɔ́ mèŋ n gÿo lêkɔ́ tá ńgẅiin le gwɔ́ tèmì?

Roma 12:14

Pi tsɔ́ɔn pɔ́ nò mbòŋo á nà twó pʉ̀a pie pɔ́ ne ńgÿo pi gyá ngɔ́’. Pi tsɔ́ɔn pɔ́ nò mbòŋo, tà pi tsɔ́ɔn nò tepòŋ.

Roma 12:17

Tà pi tsɔ́’ɔ piŋé nò tepòŋ ńnáa nò tepòŋ. Tà ńcʉ́’ pú’u, pi fa’ shÿó ńgÿo pɔ́ nò gie wɔ̌wɔ́ɔ ge gyá é zẅíŋ ngie áa mbòŋ.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

Roma 8:30

Pʉ̀a pie e Ssé la tʉ́ njÿó ńtsɔ́’ɔ wɔ́b, á lêen ńgíŋe ńtóŋ pɔ́ wɔ́b, ńtóŋo wɔ́b ńgíŋe ńcʉ́’ʉ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé, á té ku’ pɔ́ ndà’ pú’u wɔ́, à la gíŋe ńnáa legú’ mbwo pɔ́b.

Galatia 3:14

Yɔɔn nò gwɔ́ pá’ɔɔn légwɔ́ gie e Ssé ge fó nà mmó gie Yěsô Kristo, gẅie aa nà ngẅɛ̀ Ábalam gÿǒ, é pú néŋ mbʉ́lè ná pʉ̀a pie é té pà Yuda wɔ́, é cʉa ná Ábalam, mbɔɔ légwɔ́ gie pege ge lɔg pá’ pege záb ntʉ́m ná Kristo é gẅiin Zẅìge gie e Ssé la ka’a mbwo pege.

Efeso 4:32

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

1 Tesalonika 5:15

Pi pɔ́ɔn lélɔgɔ nò tepòŋ ńtsɔ́’ɔ nò tepòŋ. Pi gÿo pɔ́ nò mbòŋo tsetsɛ̀ɛ pi té tyɛ̀’te.

Heber 12:17

Pi cwoŋo ńne ńzsé ngie afʉ̀’ gie tá we lɔ̌ɔn ńge ńnéŋ mbʉ́lè ná yé la gÿo ńku’, tá we cʉ́’ ḿbe’e yé pe’e. Á lɔgɔ lélʉa, éfa’ shÿó pá’ tá we ge kúbe nkwaŋá wé, á tè mǒ ku’.

Heber 6:14

ńgɔɔn ngie: «Mèŋ n gɔɔn tà shwóŋó nò, mèŋ n ge gÿo néŋ mbʉ́lè ná gù tɛ’, é gÿo ngẅɛ̀ jù pú ńgyɔ́ɔn tɛ’».

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.