1 Piɛ 3:20 - Nouveau Testament en Ngienboum

²⁰ Mɛ̌ mezẅige gwɔ́ me pʉ̀a pie é la tʉʉ twó mbwo Ssé á fʉ̀’ gie Nóa la ne ńnyɛte kanú’, e Ssé ne ńdɔgɔ kwɔ́gɔ nnɛ́ ńzẅí’te pʉ̀a zẅí’te. Tá’ pʉ̀a lefɔ̌ɔn ndà’ zɔ̌ gÿo ńkúu tsɛ̀ɛ kanú’ tà ńtsẅɛ́ ntse.

1 Piɛ 3:20 ပူးပေါင်းရင်းမြစ်များ

Matio 7:14

Tá ncwò nká’ gẅie é gee lá’ letsẅɛ́ temi, kʉ́mte kʉmtě. Mánzsè piŋ ńtege tege, pà pfó wɛ̌ té gyɔ́ɔn.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Megàŋ ntúm 2:41

Pʉ̀a tà ńgyɔ́ɔn la jú’u nò gie Piɛ gɔ̌ɔn, ńzẅíŋ, mé nu’u wɔ́b ntse. Mé la nu’ pʉ̀a ntse lyɛ’ó tà ńgwaa ńgwɔ́ pɔ́ gwɔ́ ntsá’ tá. Pɔ́ kẅi’i nà nùɔ pʉ̀a Yěsô.

Roma 9:22

Áa ndʉŋ ndʉŋ pá’ e Ssé gÿo nà pʉ̀a mesoŋ. À la kwoŋo lényɛ ngie lóŋ we ne ńgyáŋa ná menò mie pʉ̀a mesoŋ gÿo, mé fó mǒ ńgyá pá’ à tʉ pú’u. Tá, mbà á la gʉa nà pʉ̀a pie, à lɔ̌ɔn ge gyáŋa lóŋ ná pɔ́b, á ke ńdɔg pɔ́ kwɔ́gɔ nnɛ́ éshÿɔg shÿɔg. Tá mbà á la gwaa gwɔ́, mbà pɔ́ kǔ’ pá’ à ge pyága wɔ́b pyág.

Efeso 5:26

ńgÿo pú’u, ńdɔg faga cú’tè yé ńnáa mbwo Ssé. Á gwaa gwɔ́, mbà à lɔ̌g ntse sɔgɔ wɔ́b, ńgíŋe ńdɔgɔ shwóŋè ńkẅile *lɔ̌’ ná pɔ́b.

Heber 11:7

Á la fó pɔ́ ná pá’ Noah zǎb ntʉ́m wé nà Ssé, à tè lɔgɔ mmó gie Ssé tʉ̌ njÿó ńnyɛɛ yé, ńdɔg ḿma’a kwàŋ wɔ́. À piŋ ńgwɔ́ mmó gie mé la nyé tè gyá. Áa yɛ̌ Noah kwóon *máamáa kanú’, lélɔg ńgÿo ngẅɛ̀ ye kúu tsoló ńtẅɛ́, ńdɔg pú’u, ńnyɛ ngie ntsaŋ ee twó petsɔ́ pʉ̀a, tá mbà á gʉa ná yé, á fó ná pá’ à zǎb ntʉ́m wé nà Ssé, e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Piɛ 1:9

Pi kága nue, pi ne ńgee ńgẅiin mmó gie pi kɔ̌ɔn ńzába ntʉ́m nà Ssé ńtí yɛ̌, á gwɔ́ pá’ Ssé ge gÿo pi tsẅɛ́.

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

1 Piɛ 3:19

A Zẅìge Ndʉalʉ̌a ŋwɛ́ gÿo á gʉa lá’ mepfó é shwóŋó nò Ssé mbwo mezẅige pʉ̀a mesoŋ mie é laa ndá tsǎŋ.

1 Piɛ 4:19

Pú’u la, á poŋ ngie pʉ̀a pie pɔ́ gwaa ne gyá ngɔ́’, á gwɔ́, mélà’mie pɔ́ ne ńgÿo mmó gie e Ssé ne ńkwoŋo, pɔ́ cʉ́me yɔ́b nò ntsèm á mbwo mbù’ ngwòŋ gẅie, à ka’a mmó, ńgÿo ńná, ńcʉ́me pú’u, ńkẅi’i ńgÿo pɔ́ nò mbòŋo.

2 Piɛ 2:5

Tà mbɔɔ ngwòŋ we fʉ̀’ʉ mvfò gẅie pʉ̀a mesoŋ laa tsoló, ńgwɔ́ ngàŋ mefʉa e Ssé la tè nyé. À la gÿo ntse fó meshÿó meshÿó ńkwɔ́’, ńjÿó tsetsá’, mengàŋ mbù pé fÿɛ́ɛ tsoló. Á gÿo ndà’ Nóa, gẅie à la ne shwóŋó lá’ mmó gie e Ssé ne ńkwoŋo, lê pʉ̀a sɔɔn mbʉ́a zɔ̌ tsẅɛ́.

2 Piɛ 3:15

Tà’a mmó gẅie á píŋ ně ńzɛ́te ngie pi kímte á gwɔ́ pɔ́ ngie, Cʉ̀apʉ̀a pʉ́le ńzẅí’te, à těen ńtɔ́gɔ ńtóo wɔ́, léná shÿó pá’ ńgwɔ́ pʉ̀a tsẅɛ́. Á gíŋe ńgwɔ́ pɔ́ mmó gie Pɔl, fɛ́ wege, ńgwɔ́ shǔ wege la gɔɔn tsɛ̀ɛ meŋwe’e mie à la náa mbwo pi. À la lɔg pɔ́ zse nò gie Ssé la náa mbwo yé tá ńdɔg ńgɔɔn.