1 Piɛ 3:16 - Nouveau Testament en Ngienboum

¹⁶ Pi cʉ́’ʉ léshwóŋó yé ńdɔg pɔ́ ndɔ́ɔn ndɔ́ɔn, ńdɔg mekù’. Á poŋ ngie tà mbùm gi gwɔ gwɔ́ ńne ńcúɔ gẅi ná tsɔ́ mmó, tá à cʉa pú’u, ńgwɔ́ gie pʉ̀a lɔɔn ńne ńtÿɔ́gɔ sóon twó pi, éfó ná pá’ pɔ́ ne ńzoonte leńnéŋe gẅi we pʉ̀a Kristo, gẅie à gwɔ́ pɔ́ mbòŋ, eshʉ́ kúu wɔ́b.

1 Piɛ 3:16 ပူးပေါင်းရင်းမြစ်များ

Matio 5:11

«Pi ee pàshÿó mbòŋo ná fʉ̀’ gie mé ge ne zoonte gẅí, é ne kʉ́e gẅí, é tÿɔ́gɔ sóon ntí ntí twó pi mélà’ mɔ́ɔn».

Megàŋ ntúm 24:16

Áa mmó gie á gÿo tá mèŋ n ne ńkaga tʉ̀ légiŋ ndʉŋ ndʉŋ á mvfò Ssé, mbɔɔ mvfò pʉ̀a mesoŋ.

Megàŋ ntúm 28:22

Tá’ peg kě ne ńkwoŋo ngie ɔ̀ cwoŋo ńkyagte mmó gie áa lóŋ gù éshwóŋó wég. Peg gɔɔn pá’ɔɔn tá ńké ńzɔɔn ne ńzsé ngie mé ée nzɔ̌ nzɔ̌ wɔ́, éshwóŋè pɔ́ te pòŋ á nà nùɔ pàfag nnɛ́ gie ɔ́ɔ mǒ lɛ.

Roma 9:1

Anò gie n ge gɔɔn áa nénʉ́. Pá’ mèŋ n déen ńda nnɛ́ ná Kristo la, mèŋ n tě ńgee shwóŋ cÿɔ̌ nò wɔ́. A Zẅìge Ndʉalʉ̌a ne ńgÿo ntʉ́m wɔ̀ɔn shwóŋó wɔ̀ɔn ngie nò gie mèŋ n gɔɔn áa nénʉ́.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 4:2

Peg tè nà mentí lɔg fa’a fà’ mie ée me ntsèm, ńgíŋ ńgwɔ́ me shʉ́ wɔ́, atsɔ̌ nkÿonkÿo tè ná kwò legiŋ yég wɔ́, peg piŋ ńké tè ne ńdɔgɔ tsɔ́ menò ḿvoŋo shwóŋè Ssé wɔ́, tà ńcʉ́’ pú’u, peg lɔg pá’ peg ee mvfò Ssé ńdá’te pɔ́ nò nénʉ́ á mbwo pʉ̀a mesoŋ, tà ńgwɔ́ gie à lɔɔn ńgwɔ́ nyìŋ léla’a wég ná tsɔ́ nò wɔ́.

1 Timote 1:19

Ɔ̀ lɔɔn ńcʉ́’ʉ lélÿɔ́’ wɛ̌ ncù, ɔ̀ lɔg pɔ́ lézáb ntʉ́m nà Ssé, ḿbiŋ ḿbɔ́ɔn légÿo mmó gie mbùm jù ge cúa gú mǒ. Mbùm tsɔ̌ lelÿò pʉ̀a la cúa wɔ́b, pɔ́ lʉ’ʉ lé jú’, wɔb lézáb ntʉ́m nà Ssé kúu pyé.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

2 Timote 1:3

Mèŋ n ne ńnáa ndǎg mbwo Ssé nà twó jú, e Ssé gie mèŋ n gu’te lê ntʉ́m mbòŋo pá’ pà mangʉa njʉ’ peg la gu’te yɔ́b. Áa fʉ̀’e zsó kà lêtsẅɛ́’ wɔ́, mèŋ n gwɔ́ sẅíŋte Ssé, n te nyé té kím lezíŋ shú wɔ́.

Titus 2:8

Gɔɔn nò à tyé ndʉŋ ndʉŋ, á gie à lɔɔn ńgwɔ́ mé lezoŋ, ńzsé ngie pʉ̀a pie é lʉ’ʉ nò gie ɔ̀ gɔɔn, ge zág sóon gie pɔ́ ge zába nà pege, éshʉ́ kúu wɔ́b.

Heber 13:18

Pi ké ńne sẅíŋte Ssé sẅíŋte nà twó ség. Peg kwa’ ńne ńjú’u ngie mbùm yeg tè ne ńcúa wég nà tsɔ́ nò wɔ́, á nue peg ne ńtsɔ́ɔn légwɔ́ gie kɔ́ zɔ̌ lɔɔn ńtyé ssé wɔ́, peg gÿo pɔ́ mmó gie á ne ńzɛ́te.

Heber 9:14

Á lɔɔn ńgwɔ́ gie á laa pú’u, mbà ngʉ̀a shÿɔ́’ɔ ná pá’ metse Kristo ge gwɔ́? Á Kristo gẅie Zẅìge tèmì la gÿo, á lɔgɔ twó yé ńnuŋe pwɔ́’ gẅie *lɔ̌’ té mǒ wɔ́, á mvfò Ssé. Metse mé ge lá’ sɔg ncÿǒ mefà’ mie é náa pɔ́ legwé gẅie ée ná pege tà ntʉ́m wégè é le gíŋe ńŋaga wégè wɔ́, légwɔ́ gie pege ge fa’a mbwo Ssé gẅie aa ńgwɔ́ pɔ́ wó.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 2:15

Áa mmó gie e Ssé kwoŋ ngie pi gÿo, ńzsé ngie pi ge lɔgɔ légÿo nò mbòŋo, é jÿɔ́’ ncwò megʉ̀gʉ̀ pie pɔ́ lʉ’ʉ nò Ssé, pɔ́ le gíŋe shwóŋte ná pi wɔ́.

1 Piɛ 2:19

Pi zsé ngie pi lɔɔn ńdɔg pá’ pi ne ńkwoŋo léké ńzsé pɔ́ Ssé ndà’, éshÿɔg ngɔ́’ gie é kúu gẅi ńtíi mmó gie pi kaa gÿo, mbà aa nò mbòŋo.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

1 Piɛ 4:4

Á piŋ ńgwɔ́ nà fʉ̀’ɔɔn pà tèzsé Ssé cʉ́’ʉ ńgyá gi ntí ḿmɔɔn mɔɔn, á nue pia pɔ̌ cʉ’ʉ́ ńteme kwò ńgiŋe légÿo menò mie pɔ́ gyo é gwɔ́ pɔ́ menò shʉ́ wɔ́. Pɔ́ lêen ńké ńcʉ́’ʉ ńzoon gẅi zoon.