1 Piɛ 3:15 - Nouveau Testament en Ngienboum

¹⁵ Tá ńcʉ́’ pú’u, pi gwɔ́ tsɛ̀ɛ ntʉ́m gẅí, ńne ńnáa pɔ́ mekù’ Kristo ngie yé zɔɔ Ndè gẅi. Pi gwɔ́ fʉ̀’ ntsèm ńtyé pɔ́ pá’ nyìŋ zɛ́te gẅi ngie mélà’a kɔ́ pi tÿɔ́g nkwaŋá gẅi ná Kristo wɔ́, pi kyɛ́’te shwóŋó ngàŋ.

1 Piɛ 3:15 ပူးပေါင်းရင်းမြစ်များ

Megàŋ ntúm 21:39

Pɔl tsɔ́’ ngie: Mèŋ, n gee nyìŋ Yuda, mé zyé wɔ̀ɔn tsɛ̀ɛ tÿǒsoŋ Tarso, á nà pàga ngwòŋ Silisia. Mèŋ n gee nyìŋ tÿǒsoŋ gie mé ée nzɔ̌ nzɔ̌ ńzsé lezíŋ sé. Tsetsɔ́’, léen ńzẅíŋ mèŋ n gɔɔn nò mbwo lá’.

Megàŋ ntúm 24:25

Pɔl tó tà ńzye lékyagte ntí gie nyìŋ lɔɔn ńdɔg ńnéŋe, mbà ngàŋ ge gwɔ́ nyìŋ gẅie à gÿo mmó gie á poŋo mbwo Ssé, ńne ńkyagte mbɔɔ pá’ à lɔɔn ńgwɔ́ nyìŋ kú’te mbùm ye pú’u, ńne ńkyagte shwóŋó yé ngie Ssé ge gÿo ŋag pʉ̀a metsèm. Ngúmnɔ́ɔn Felese jú’ pú’u, ńcʉ́’ʉ ńcÿɔ’ɔ cÿɔ’, ńgɔɔn né Pɔl ngie: Á nà fʉ̀’ɔɔn, fó lejʉ́ŋ mèŋ ńgʉa. Afʉ̀’ gÿo ńgíŋe ńku’, tá mèŋ n gíŋe ńtsẅi mé tóŋo gú ńné mèŋ.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

Kolosia 1:5

Pi gÿo pú’u, nue pi ne ńzẅí’te mmó gie e Ssé la cwoŋte ńzába tÿǒ lepwó ńtí gẅí. Pi ka gwɔ zsé yɛ̌ mmó, éfó nà nò nénʉ́ gie mé ka shwoŋó gẅí, yɛ̌ nò nénʉ́ fóo ná Nkʉ̀ Mbòŋo.

Kolosia 4:6

Pi gwɔ́ fʉ̀’ ntsèm ńgẅiin pɔ́ ncwò mbòŋo, ńgɔɔn pɔ́ nò gie á ge kẅéte, ńtsɔ́’ɔ nò mbwo nyìŋ pɔ́ pá’ á kě ḿboŋ ngie mé tsɔ́’.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

Heber 6:1

Áa mmó gie á gÿo á ne ńzɛ́te ngie tà pege zso ndà’ ná mendùŋ mvfò menò mie pege la zye mǒ lézsé nò kristo. Pege kag tʉ̀ ńzí’i menò mé mie mé zí’i pʉ̀a pie é cÿɔgté nà nò yé, tà pege é le lá’a ńzɔ́gɔ ńnuŋe pɔ́ cÿɔ̌ ndá wɔ́. Mé gɔɔn légíŋe ḿbiŋe nà menò pá’ letěm nzèm mefà’ mie é náa pɔ́ legwé, pá’ lezǎb ntʉ́m nà Ssé,

1 Piɛ 1:17

Pi gʉa fʉ̀’ ntsèm gie pi ne sẅíŋte Ssé, pi tóŋ Ssé lê Tá gẅi, pú’u la, pi lɔg melyɛ’ɛ́ lá’ mie pi nyě ńgẅiin tsɛ̀ɛ yɔɔn njÿó, ńnyɛɛ tsɛ̀ɛ gẅi leńnéŋe ngie pi ne ńnáa mekù’ mé. Aa nyìŋ gẅie à zá’ ntsaŋ pʉ̀a mesoŋ té gẅiin tyɛ̀’te, éfó pɔ́ nà mmó gie nyìŋ gÿǒ tá ńzá’ ntsaŋ ngàŋ.

1 Piɛ 3:2

Mbà pɔ́ gyǎ kwò legìŋ gí gie *lɔ̌’ té mǒ wɔ́, á piŋ ńgẅiin mekù’.

1 Piɛ 3:4

Á poŋ ngie à gí kẅìŋe nnɛ́ fó pɔ́ tsɛ̀ɛ ntʉ́m gẅí. Yɛ̌ áa kẅìŋe nnɛ́ gie á ge lá’a zɔ́gɔ ńnéŋe, à gwɔ́ lépʉ́le pʉlé té fa’ ntsaŋ. Áa mbwo Ssé ńgwɔ́ máamáa kẅìŋ.