1 Piɛ 3:14 - Nouveau Testament en Ngienboum

¹⁴ Pi ke fó lyɛ̌’ ńgwɔ gyá ngɔ́’, á gwɔ́ nue pi ne ńgÿo mmó gie áa ndʉŋ ndʉŋ mvfò Ssé, mbà pi ee pà shÿó mbòŋo. Tà pi mɔ́ɔn tà ḿbɔ́g pʉ̀a mesoŋ. Tà ntʉ́m nyìŋ gẅi mɔ́ɔn tà ḿvɛ.

1 Piɛ 3:14 ပူးပေါင်းရင်းမြစ်များ

Matio 10:28

Tà pi pɔ́g pʉ̀a mesoŋ, pɔ́ ku’ pɔ́ ndà’ lézẅé nyìŋ, ḿbiŋ ńké tè ku’u légÿo tà ńtɔ́g pú’u wɔ́. Pi pɔ́g pɔ́ ndà’ Ssé, á nue ńgwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g.

Matio 10:31

Pú’u la, pi pɔ́ɔn légíŋe ḿbɔ́g, pi ee mbwó Ssé ńgwɔ́ mmó tʉ̀ nzẅìŋ ńcʉa mejʉŋé tà ńgyɔ́ɔn.

Matio 10:39

Nyìŋ lɔɔn ngie à ge pɔ́ɔn we légwɔ́ wó, mbà à ge pyé, tá nyìŋ gẅie à pǐŋ ńzẅíŋe lépyé mélà’ mɔ́ɔn zɔ gÿó ńgwɔ́ wó.

Matio 16:25

Nyìŋ gẅie á ge zɔɔn fa’a lépɔ́ɔn we le gwɔ́, zɔɔ nyìŋ gẅie à ge pyé we le gwɔ́ wó ŋwɛ́. Tá’ nyìŋ gẅie à kě ḿbyé we le gwɔ́ wó mélà’ mɔ́ɔn, mbà wɛ̌ nyìŋ ge lá’ gwɔ́ wɔ́.

Matio 19:29

Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.

Malékuse 10:29

Yěsô tsɔ́’ ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le nyé ndá ye, ńnyé mefɛ́ pé pe mbàŋa mbɔɔ pe pànzwě, ńnyé má we pɔ́ tá we, ńnyé pènkʉ́ pé pâ menká’ mé, mélà’ mɔ́ɔn mbɔɔ mélà’ nkʉ̀ mbòŋo gẅie à gee ntsẅǐ,

Malékuse 8:35

Nyìŋ gẅie à ge zɔɔn fa’a lépɔ́ɔn we le gwɔ́ zɔɔ nyìŋ gẅie à ge pyé we le gwɔ́ ŋwɛ́. Tá’ nyìŋ gẅie à kě ḿbyé we le gwɔ́ mélà’ mɔ́ɔn mbɔɔ mélà’ nkʉ̀ mbòŋo gẅie à gʉ̌a ntsẅǐ, mbà à ge lá’ gwɔ́ wó.

Ŋwà’ne Jâŋ 14:1

Yěsô giŋe ńgɔɔn mbwo *ngàŋa kwò ye ngie: Tà ntʉ́m gẅi gíŋe ḿvɛ. Pi záb ntʉ́m gẅi nà Ssé, ńgíŋe ńzáb ntʉ́m gẅi ná mèŋ.

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

Megàŋ ntúm 9:16

Kwà’ mèŋ n ge zɔɔn gÿo, à pú ńzsé nzẅìŋ ngɔ́’ gie à ge gyá é tí nò yɔ́ɔn.

2 Korento 12:10

Áa mmó gie á gÿo n gwɔ́ tà ne ńgyá ngɔ́’, mélà’mie mèŋ n gee nyìŋ Kristo, anò poŋo wɔ̀ɔn, ńgwɔ́ tà ne ńzága mmó, kà mé ne ńkʉ́e wɔ̀ɔn kʉ́e wɔ́, kà mèŋ ne sáŋa pɔ́ tsɔ́ menò kékáŋ wɔ́, anò poŋo wɔ̀ɔn poŋ, á nue n gwɔ́ tá ne ḿbÿɛ́ɛ pÿɛ̌ tá ńdeen ńké ńjú’ ńgẅiin tʉ̀.

Filipo 1:29

A la cÿó gʉm gí, pi gwɔ́ pʉ̀a Kristo, tá á ké tè gwɔ́ pɔ́ ndà’ pú’u wɔ́, á gíŋe ńgwɔ́ mbɔɔ légyá ngɔ́’ ńtí Kristo.

Ŋwà’ne Jâg 1:12

Ashÿó mbòŋo, aa nyìŋ gẅie ngʉ̀ngʉ̀ kúu yé á tʉte tʉte, á nue pá’ ngʉ̀ngʉ̀ lʉŋté yé á tʉte tʉte lá, e Ssé ge tɔ’ ngú’ twó yé. E lɔgɔ ńgwɔ́ le gwɔ́ tèmì gẅie à la ka’a mbwo wɔ̌ɔwɔ́ɔ gẅie à kwoŋo yé Ssé.

Ŋwà’ne Jâg 5:11

Pi gyá pá’ pege tóŋo pʉ̀a pie é la tʉte tʉte lê pà shÿó mbòŋo. Pi la jú’ pá’ mé la la’te ntí gie Job la lɔg shÿɔg pú’u. Pi piŋ ńzsé mmó gie à la cʉ́’ʉ lézsote Cʉ̀apʉ̀a gÿo ná yé, á nue Cʉ̀apʉ̀a gẅiin pòŋo ntʉ́m tɛ’, ńtsɔ́ɔn mezìŋe pɔ́ pú’u.

1 Piɛ 3:6

pá’ Sara gẅie à lɔ̌ɔn ńjú’u ncwò ndǔm we Ábalam, ńtóŋo yé lê Ndè wé. Pi ee fʉ̀’ɔɔn pɛ́’ɛ ńgwɔ́ gie pi lɔɔn ńgÿo nò mbòŋo té pɔ́gɔ tsɔ́ mmó, mbà pi ge cʉ́’ púɔ pé pe pànzwě.