1 Piɛ 3:13 - Nouveau Testament en Ngienboum

¹³ Pi lɔɔn ńnéŋe twó ńgÿo pɔ́ nò mbòŋo, mbà wɔ́ ge gÿo nò tepòŋ ná pi?

1 Piɛ 3:13 ပူးပေါင်းရင်းမြစ်များ

Roma 13:3

Pàgÿo nò mbòŋo té gẅiin lépɔ́g pàsá’ ngwòŋ wɔ́, pàgÿo nò tepòŋ zɔ̌ gẅiin lépɔ́gɔ wɔ́b. Ɔ̀ lɔɔn tè ne ńkwoŋo lépɔ́g pàsá’ ngwòŋ wɔ́, ɔ̀ gÿo nò mbòŋo, pɔ́ ná ngɔ́ɔnte jù.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

1 Korento 14:1

Pú’u lá pi vɔg ńkag tʉ̀ ńgÿo tà’a mmó, à gwɔ́ lékwoŋo nyìŋ mesoŋ, pi piŋ ńtsɔ́ɔn shúm ntí ntí sie Zẅìge Ndʉalʉ̌a lɔg ńcÿó gem pʉ̀a, ńtʉʉ lelÿò ńtsɔ́ɔn létsẅi nkʉ̀ gẅie é fóo mbwo Ssé,

Efeso 5:1

Pi púɔ Ssé, e Ssé kwoŋo gẅi tɛ’, pú’u la pi pí fʉ̀’ ná yé.

1 Tesalonika 5:15

Pi pɔ́ɔn lélɔgɔ nò tepòŋ ńtsɔ́’ɔ nò tepòŋ. Pi gÿo pɔ́ nò mbòŋo tsetsɛ̀ɛ pi té tyɛ̀’te.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

3 Jâŋ 1:11

Ashǔ wɔ̀ɔn we tʉ̀ nzẅìŋ, pɔ́ɔn lépí fʉ̀’ nò tepòŋ, pí pɔ́ fʉ̀’ nò mbòŋo. Nyìŋ gẅie à gÿo nò mbòŋo aa Míŋ Ssé, nyìŋ gẅie à gÿo nò tepòŋ à tè Ssé zsé,