1 Piɛ 3:11 - Nouveau Testament en Ngienboum

¹¹ Á poŋ ngie à lÿɔ́’ɔ nò tepòŋ, ńgÿo pɔ́ nò mbòŋo, é fa’ mbʉ́lè, ńzsete nzèm yé.

1 Piɛ 3:11 ပူးပေါင်းရင်းမြစ်များ

Matio 5:45

Pi lɔɔn ńgÿo pú’u, mbà pi ge gwɔ́ kwà’ púɔ Tá gẅi gẅie aa tÿǒ lepwó. À gÿo nèm we tʉ́a ná pʉ̀a tèpòŋ mbɔɔ nà pʉ̀a membòŋo, ḿbiŋ ńgÿo mbʉ̀ŋ luu ná pʉ̀a pie é kú’te *lepʉ̌ sé mbɔɔ pie é té kú’te.

Matio 5:9

Pàshÿó mbòŋo ee pʉ̀a pie pɔ́ ne ńdɔgɔ mbʉ́lè ńtáŋte menò, «mélà’mie mé ge lá’ tóŋo wɔ́b lê púɔ Ssé».

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Malékuse 14:7

Pi ge ne gyá mepóŋ pɔ́ fʉ̀’ ntsèm, ńgwɔ́ gie pi lɔɔn ńkwoŋ pɔ́ fʉ̀’e kɔ́ wɔ́, pi gÿo nò mbòŋo ná pɔ́b. Tá ńgʉa ná mèŋ, mbà pege tè gwɔ́ pɔ́ fʉ̀’ ntsèm wɔ́.

Lukase 1:79

ńkyɛ’ pʉ̀a pie é ńnéŋe tsɛ̀ɛ nzěm, legwé piŋ ńne nÿɔgɔ wɔ́b, é tsege wɔ́b ńnéŋe tsɛ̀ɛ sẅétè.

Lukase 6:35

Ammó gie á poŋ ngie pi gÿo gwɔ́ pɔ́ ngie: Pi kwoŋ megàŋ mbù pí, ńgÿo pɔ́ nò mbòŋo ná pɔ́b. Pi fu nkáb mbwo nyìŋ té sáŋ ngie ngàŋ ge gÿo tsɔ́’. Pi lɔɔn ne ńgÿo pú’u, mbà Ssé ge lá’ náa gẅi máa ntsɔ’ɔ́ fà’, pi gíŋe ńgwɔ́ púɔ Ssé gẅie à pi’i kɔ̀ɔkɔ́ɔ, ńtí nue kwà’ yé ne ńgÿo nò mbòŋo ná pàjÿó ńjÿɔg ncwò, mbɔɔ ná megàŋ sóon.

Lukase 6:9

Yěsô lêen ńké ńgɔɔn mbwo pàkyàgte ŋwà’ne Ssé pâ pà *farisay ngie: N ge zɛ́te gẅi tà’a nò. Áa pé’e *lepʉ̌ sége tsẅi ngie mé gÿo kɔ́ lyɛ̌’ɛ nzsé yégè? Ngie mé gÿo nò mbòŋo kà nò tepòŋ? Ngie mé gÿo nyìŋ tsẅɛ́ kà pɔ́ ngie mé zẅé yé?

Ŋwà’ne Jâŋ 17:15

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

Roma 12:18

Mbàa yɛ̌ nò wɔ́ lɔɔn ńgwɔ́ ssé, tà shÿó gwɔ́ mbwo gù, ɔ̀ gÿo pɔ́ légwɔ́ gie pia pʉ̀a métsèm ge ńnéŋe lê mbʉ́lè.

Roma 14:17

Á zɔɔn ńgwaa gwɔ́, anò *lefùɔ Ssé té nò shúm léjÿó kà nò melù’ wɔ́ wɔ́. Anò *lefùɔ Ssé á gwɔ́ pɔ́ légÿo menò mie é fóo mbwo Zẅìge Ndʉalʉ̌a. Á gwɔ́ pɔ́ légÿo menò mie ée ndʉŋ ndʉŋ mvfò Ssé, ńgwɔ́ léńnéŋe lê sẅéte, ńgwɔ́ léńnéŋe nê lekág.

Roma 14:19

Pú’u la, pege fa’a mmó gie á ge gÿo pege ńnéŋe ńnéŋe lê sẅéte, ḿbiŋ ńkẅi’i ńtóonte mennɛ́ mégè ná lezáb ntʉ́m nà Ssé.

Roma 5:1

Pá’ à la cʉa nà lezǎb ntʉ́m nà Yěsô Kristo, e Ssé cʉ́’ ńdíe wégè pege gwɔ́ pɔ́ ndʉŋ ndʉŋ mvfò yé la, pega Ssé ee fʉ̀’ɔɔn ńnéŋe mboŋó, ńzẅɛ́’ɛ Cʉ̀apʉ̀a wege Yěsô Kristo.

Roma 7:19

Mèŋ n tè gÿo nò mbòŋo gie mèŋ n tsɔ̌ɔn légÿo wɔ́, mèŋ n gÿo pɔ́ nò tepòŋ gie mèŋ n tè tsɔ́ɔn.

Roma 7:21

N dɔgɔ pú’u, ńgyá ngie áa ngwòŋ fʉ̀’ ntsèm, n ngie kɔ tà mèŋ n gÿo nò mbòŋo, esɔ́ɔn *lepʉ̌ gwɔ́ ngie mèŋ n gÿo pɔ́ nò tepòŋ.

Roma 8:6

Nyìŋ lɔg pɔ́ ntí gie mbùm ye ne shwóŋó yé ńdɔg ńnéŋe, mbà ngàŋ aa ná mánzsè legwé. Tá nyìŋ gẅie à lɔg ntí gie Zẅìge Ndʉalʉ̌a ne shwóŋó yé ńdɔg ńnéŋe, mbà ngàŋ aa ná mánzsè le gwɔ́, à gǐŋ ńgwɔ́ mánzsè mbʉ́lè.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

Kolosia 3:15

Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.

1 Timote 6:18

Tsẅi né pɔ́b ngie pɔ́ gÿo nò mbòŋo. Lefa’ mefà’ mbòŋo, à gwɔ́ yɔ́b fù’, ńgie pɔ́ zí’i légaba pwó, ńdɔg shúm sɔ́b ńkẅéte pʉ̀a.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

Heber 13:16

Tà pi lege légÿo nò mbòŋo mbɔɔ lélɔgɔ mmó gie pi gẅiin ńkẅéte pʉ̀a, á nue legÿo mɛ̌ menò áa lii pwɔ́’ gie á poŋ Ssé.

Ŋwà’ne Jâg 4:17

Pú’u la, nyìŋ gẅie à zsé légÿo nò gie áa mbòŋ, ḿbiŋ ńké tè gÿo, à lɔgɔ ńgÿo nò tepòŋ, ńdɔgɔ ńgwe ntsaŋ.

1 Piɛ 3:12

Á nue menÿɔ́g Cʉ̀apʉ̀a tyé nà pʉ̀a pie pɔ́ gÿo mmó gie áa ndʉŋ ndʉŋ mvfò yé. Metuŋó mé ne ńzẅí’te pá’ pɔ́ sẅíŋte yé. Tá’ Cʉ̀apʉ̀a kě ńtém pɔ́ nzèm pʉ̀a pie pɔ́ gÿo nò tepòŋ.

3 Jâŋ 1:11

Ashǔ wɔ̀ɔn we tʉ̀ nzẅìŋ, pɔ́ɔn lépí fʉ̀’ nò tepòŋ, pí pɔ́ fʉ̀’ nò mbòŋo. Nyìŋ gẅie à gÿo nò mbòŋo aa Míŋ Ssé, nyìŋ gẅie à gÿo nò tepòŋ à tè Ssé zsé,