1 Piɛ 3:10 - Nouveau Testament en Ngienboum

¹⁰ Mé la zɔɔn ńŋwe’e tsɛ̀ɛ ŋwà’ne Ssé ngie: Nyìŋ lɔɔn ńne ńkwoŋo léńnéŋe mboŋó, ḿbiŋ ńgẅiin melyɛ̌’ lá’ mbòŋo, á poŋ ngie ngàŋ sele lʉ́m yé tá ńgɔɔn nò, ḿbɔ́gɔ nò tepòŋ, ḿbɔ́ɔn ncwò we, ḿbɔ́g cÿɔ̌ nò.

1 Piɛ 3:10 ပူးပေါင်းရင်းမြစ်များ

Matio 19:17

Yěsô zɛ́te yé ngie: Mélà’a kɔ́ ɔ̀ zɛ́te wɔ̀ɔn nò ná mmó gie áa mbòŋ? Nyìŋ mbòŋo gwɔ́ pɔ́ wémɔ’ɔ́. Ɔ̀ lɔɔn ne ńkwoŋo ngie pi Ssé gwɔ́, ɔ̀ kú’te mbʉ̌ mé.

Malékuse 8:35

Nyìŋ gẅie à ge zɔɔn fa’a lépɔ́ɔn we le gwɔ́ zɔɔ nyìŋ gẅie à ge pyé we le gwɔ́ ŋwɛ́. Tá’ nyìŋ gẅie à kě ḿbyé we le gwɔ́ mélà’ mɔ́ɔn mbɔɔ mélà’ nkʉ̀ mbòŋo gẅie à gʉ̌a ntsẅǐ, mbà à ge lá’ gwɔ́ wó.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Ŋwà’ne Jâŋ 12:25

Nyìŋ lɔɔn ńkwoŋo we le gwɔ́, mbà à ge pyé le gwɔ́ ŋwɛ́. Nyìŋ ké ńgwága nò ná we le gwɔ́ tsɛ̀ɛ yɔɔn njÿó, mbà à ge lá’ gẅiin le gwɔ́ tèmì.

Ŋwà’ne Jâg 1:26

Nyìŋ lɔɔn ńne ńkwaŋa ngie aa nà nò Ssé, ncwò wé piŋ tè poŋ, mbà à fʉte twó mbùm yé. À we légwɔ́ ná nò Ssé gwɔ́ pɔ́ sẅɛ̀ɛ.

1 Piɛ 2:1

Pú’u la, pi lêen ńké ńgwá’ menò tepòŋ ntsèm, tà pi gíŋe fʉte pʉ̀a, tà pi gíŋe ńgwɔ́ pà nkwòŋ menÿɔ́g, tà pi gíŋe ńgẅiin kègɔ́’ ná shúm pʉ̀a, tà pi gíŋe ńzẅɛ́te nzèm pʉ̀a.

1 Piɛ 2:22

Yé Kristo la tè tsɔ́ nò tepòŋ gÿo, ńké tè shwóŋ cÿɔ̌ nò wɔ́.

Ŋwà’ne Ngyà jʉ’ 14:5

mbà mé laa mé ńjú’ cÿɔ̌ nò kẅɛɛ ncwò pɔ́b wɔ́, *alɔ̌’ɔ yɔ́b té wó wɔ́.