1 Piɛ 3:1 - Nouveau Testament en Ngienboum

¹ Mbɔɔ pi gí pànzwě, pi sẅí’i mbùm gi ńnáa ssé mvfò melúm pí, à cʉa pú’u, ńgwɔ́ gie tsɔ́ pʉ̀a tsetsɛ̀ɛ pɔ́b ne ńdʉ’ʉ lézáb ntʉ́m nà shwóŋè Ssé, pɔ́ cʉ́me nzèm pi té gwɔ́ gie pi gɔ̌ɔn nò, éfó ná tsẅé gí.

1 Piɛ 3:1 ပူးပေါင်းရင်းမြစ်များ

Matio 18:15

Àfɛ́ gù lɔɔn gÿo no tepoŋ na gù, ɔ̀ gʉa ńgyá yé, pi yé tyé jʉ’ mépʉ́a, ɔ̀ shwóŋó yé. Á jú’, tà ńzẅíŋe mefʉa, mbà ɔ̀ kẅilé yé ná mánzsè tepòŋ

Roma 10:16

Tá’ pʉ̀a metsèm la tè jú’ nkʉ̀ mbòŋo ńzẅíŋ wɔ́. *Ntsẅì nkʉ̀ Ssé Esǎya la zɔɔn ńgɔɔn ngie: «Cʉ̀apʉ̀a, peg la gɔɔn nò jú à wɔ̌ ké ńzẅíŋ»?

Roma 6:17

Pege ké sie Ssé, mélà’mie pi laa tsɔ́ fʉ̀’ ńgwɔ́ nkwɔɔn nò tepòŋ, pi ee fʉ̀’ɔɔn, mbà pi kéen ńdɔg ntʉ́m gẅi ntsèm, ńzẅíŋe mmó gie mé ka zí’i gẅí. Á gwɔ́ gie á ne ńzɛ́te ngie pi vɔg ńzsé,

Roma 7:2

Pege pí fʉ̀’ ná manzwě nzɔ̌’. Andǔm we nyé ntentʉ́, à tè gẅiin lényé yé ńgʉa ńtsɛ́ɛ tsɔ̌ mámbàŋa pɔ́ yé zɔ́’ wɔ́, *lepʉ̌ lʉ’ pú’u. Tá andǔm we vɔg tà ńkwé, *lepʉ̌ zẅíŋ ngie aa ńgwɔ́ á gʉa ńtsɛ́ɛ tsɔ́ mámbàŋa pɔ́ yé zɔ́’.

1 Korento 11:3

Áa mbòŋ tá’, ammó ké nyé wó gie n ne ńkwoŋo ngie pi zsé mboŋó. Nyìŋ gẅie à gẅiin nyìŋ mbàŋa ntsèm aa Kristo, nyìŋ gẅie à piŋ ńgẅiin manzwě aa mámbàŋa, nyìŋ gẅie à gẅiin Kristo aa Ssé.

1 Korento 14:34

pi lɔɔn ńgwɔ́ tsɛ̀ɛ cú’tè, pànzwě ná’a ńdáŋte. Pɔ́ té gẅiin lékẅé shwóŋè ńgɔɔn nò wɔ́. Pɔ́ gẅiin lépʉ́le ńnéŋe, ńzẅí’te nò gie mé ne ńgɔɔn, á gwɔ́ pá’ *lepʉ̌ Mǒsê é gɔɔn pú’u.

1 Korento 7:16

Á zɔɔn ńgwɔ gwɔ́, gu gẅie ɔ́ɔ manzwě, ńgwɔ́ nyìŋ Kristo, ńgwɔ́ ɔ̀ gǎ tà ńkwa’ ńzsé ngie ɔ̀ ge lá’ gÿo tà ndúm gù tsẅɛ́? Kà gu gẅie ɔ́ɔ mámbàŋa, ńgwɔ́ nyìŋ Kristo, ńgwɔ́ ɔ̀ gǎ tá ńzsé ngie ɔ̀ ge lá’ gÿo tà nzwě gù tsẅɛ́?

Efeso 5:33

Tá ńké ńgíŋe ńgɔɔn mbɔɔ ná pi gí. Á ne ńzɛ́te ngie wɔ̌wɔ́ɔ mámbàŋa wɔ́ kwoŋo nzwě we pá’ à kwoŋo twó mbùm yé, wɔ̌wɔ́ɔ manzwě wɔ́ gÿo mekù’ ndǔm we.

Kolosia 3:18

Pi pànzwě pie pi zɔ̌’, wɛ̌ nyìŋ wɔ́ ná pi, ná mbùm ye ssé mvfò ndùm we. Áa pá’ á poŋ ngie manzwě gẅie à la nnɛ́ ná Cʉ̀apʉ̀a gÿo.

Kolosia 4:5

Á gʉa ná pʉ̀a pie é té pʉ̀a Kristo wɔ́, pi zsé ntí gie pi ge lɔg ńnéŋe tsetsɛ̀ɛ pɔ́b. E Ssé ná shʉa létsẅi Nkʉ̀ Mbòŋo mbwo pɔ́b, tà pi cʉ́’ yɛ̌ fʉ̀’ tɔ́g.

2 Tesalonika 1:8

À ge lá’ gwaa tó pege gyá mmɔ̌g tÿɔ́’ɔ yé ńnéŋ soŋ, à gÿo pʉ̀a pie pɔ́ la lʉ’ Nkʉ̀ Mbòŋo wé gyá ngɔ́’.

Heber 11:8

Á la fó pɔ́ ná pá’ Ábalam la záb ntʉ́m wé nà Ssé, tá e Ssé tóŋo yé á jú’ ncwò wé, ńgʉa lê tsɛ̀ɛ tsɔ́ ngwòŋ gẅie e lɔ́ɔn ńge gÿo cʉ́’ gwɔ́ pɔ́ we, ńdu ssé ńgʉa té zsé jʉ’ gie à gee tà kúu wó.

Heber 5:9

ḿbiŋ ńjú’ tà ńku’u nyìŋ gẅie ńgwɔ́ á gÿo pʉ̀a pie é jú’u ncwò wé pú ńtsẅɛ́ ndà’ ndà’.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Piɛ 3:2

Mbà pɔ́ gyǎ kwò legìŋ gí gie *lɔ̌’ té mǒ wɔ́, á piŋ ńgẅiin mekù’.

1 Piɛ 3:7

Mbɔɔ pi gí mbàŋa pi gẅiin pànzwě pi mboŋó, ńkímte pá’ pànzwě gwɔ́ pɔ́ pʉ̀a nzɔbte zɔbté. Pi ná mekù’ mɔ́b, á nue e Ssé la pú ńcÿó gʉm gia pɔ̌ métsèm, ńgÿo pá’ pi ge lá’ gẅiin kwà’ le gwɔ́. Pi gÿo pú’u, ńne sẅíŋte Ssé, atsɔ́ mmó le gẅi táte.

1 Piɛ 4:17

Afʉ̀’ áa pá’ɔɔn, mbà á kú’ pá’ Ssé ge zá’ ntsaŋ pʉ̀a mesoŋ, à ge zye pɔ́ nà pʉ̀a pé. À lɔɔn ńzye ná pege, mbà á ge cʉ́’ʉ nzsoté é gwɔ́ lêkɔ́ ná pʉ̀a pie pɔ́ té kwoŋo lézẅíŋ nkʉ̀ mbòŋo we Ssé wɔ́?