1 Piɛ 2:9 - Nouveau Testament en Ngienboum

⁹ Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

1 Piɛ 2:9 ပူးပေါင်းရင်းမြစ်များ

Matio 4:16

Pi pie pi ka neŋé tsɛ̀ɛ nzěm, gi njÿó kwǎ’ ńdʉ́a. Nèm sǎ’ tà ne ńtʉ́a ná pʉ̀a pie e ka neŋé tsɛ̀ɛ ngwòŋ gẅie ssé nzěm we legwé à kaa wó».

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Lukase 1:79

ńkyɛ’ pʉ̀a pie é ńnéŋe tsɛ̀ɛ nzěm, legwé piŋ ńne nÿɔgɔ wɔ́b, é tsege wɔ́b ńnéŋe tsɛ̀ɛ sẅétè.

Ŋwà’ne Jâŋ 17:19

Ńgʉa ná mèŋ, m bǔ ná mbùm yɔ̀ɔn mbwo gù ńtí wɔ́b, ńzsé ngie pɔ́ gee fó nà nò nénʉ́, é cʉ́’ pʉ̀a pú tá shwóŋó nò.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Megàŋ ntúm 26:28

Fùɔ Agrippa tsɔ́’ɔ mbwo Pɔl ngie: Ɔ̀ kwǎŋ ngie ɔ̀ ge ná’a lɔg pɔ́ pɛ́’ɛ̀ é gÿo n cʉ́’ʉ nyìŋ Kristo keen?

Roma 9:24

Pɛ̌ pʉ̀a lɔgɔ ńgwɔ́ pɔ́ wégè wɔɔn, á wégè gẅie à tsɔ’ɔ́ nùɔ pà Yuda mbɔɔ nùɔ pʉ̀a pie é té pà Yuda wɔ́.

1 Korento 3:17

Nyìŋ lɔɔn ńtágte *jʉ’ʉ Ssé, mbà Ssé ge gÿo tágte ngàŋ é gwá’. Á nue *jʉ’ʉ Ssé á gwɔ́ pɔ́ yé gílé ye. Pi piŋ ńgẅiin le zsé ngie *jʉ’ʉ Ssé ŋwɛ́ á lɔgɔ ńgwɔ́ pɔ́ gẅi wɛ̂.

Efeso 1:14

A Zẅìge Ndʉalʉ̌a lɔgɔ ńgwɔ́ zyè ssé nà fù’ gie e Ssé la cwoŋte ńzáb lénáa mbwo pʉ̀a pé. E Ssé lɔgɔ ńnyɛte shwóŋó wégè ngie pege ge lá’ gẅiin setsɔ́ á fʉ̀’ gie à ge lá’ pú kẅile wégè nà nò tepòŋ. Pá’ áa pú’u la, pege ne ńgu’te Ssé á nue à gú’ tɛ’.

Efeso 1:6

À la lɔgɔ wégè ńgÿo púɔ pé le gwɔ́ gie pege ge gu’te yé ná máa nò té fʉ̀’ gẅie à la gÿo. Á la cʉa ná pá’ à la temte wégà Míŋ we gẅie à kwoŋe yé tɛ’, ńcÿó gʉm yégè, pú’u á gwɔ́ kwà’ máamaa nò tɛ’.

Efeso 3:21

Agù’te gwɔ́ mbwo yé tsɛ̀ɛ cú’tè pʉ̀a Kristo, ńcʉa ná Yěsô Kristo, á nà mengù’ mengù’, té zá’a pàa! *Amen.

Filipo 3:14

Mèŋ n gee mánzsè ńtsaa pɔ́ ndʉ̌ lékúu jʉ’ gie n gee wó ńkẅé ntsɔ’ɔ́ fà’ gẅie e Ssé la ka’ lénáa mbwo pege á tÿǒ lepwó ńtí nò gie Kristo la kwé nà twó ségè.

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

1 Piɛ 2:5

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

Ŋwà’ne Ngyà jʉ’ 1:6

À la lɔgɔ wégè ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wégè ńgÿo pànuŋe pwɔ́’ pá’ pege ge fa’a mbwo Tá we Ssé. Legú’ mbɔɔ metʉ̀ e lá’a ńgwɔ́ pɔ́ mbwo yé Yěsô Kristo á nà ngù’ nkɔ́ɔn nê nkɔ̌ɔn. *Amen

Ŋwà’ne Ngyà jʉ’ 20:6

Pàshÿó mbòŋo, ée pʉ̀a pie é ge zíme nà legwé ná ndùŋ mvfò lezím, ée pʉ̀a pie ée kwà’ pe Ssé. Legwé we mbɔ́ɔntè yépʉ́a tè gíŋe ńku’u lé kíbe wɔ́b gwɔ́. Pɔ́ ge gÿo gwɔ́ pànuŋe pwɔ̀’ pe Ssé, mbɔɔ pe Kristo, pâ Kristo sá’ jÿó nà ngù’ ntsá’.

Ŋwà’ne Ngyà jʉ’ 5:10

Ɔ̀ la lɔgɔ wɔ́b ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wɔ́b ńgÿo pànuŋe pwɔ́’ pá’ pɔ́ ge fa’a mbwo Ssé yege. Mbɔɔ pá’ pɔ́ ge gÿo sá’ pʉ̀a ndùmo ssé tsetsá’.