1 Piɛ 2:8 - Nouveau Testament en Ngienboum

⁸ Ńgíŋe ńgwɔ́ tóon gẅie à ge gÿo mé gwe ssé, á máa tóon gẅie mé ge kwɔɔnte mǒ. Pɔ́ kwɔɔnte mǒ, mélà’mie pɔ́ lʉ’ʉ lé jú’u shwóŋè Ssé. Á ké ńgwɔ́ pɔ́ pá’ Ssé la záb ngie á ge lá’ gwɔ́ pɔ́ pú’u, ná pɔ́b.

1 Piɛ 2:8 ပူးပေါင်းရင်းမြစ်များ

Lukase 2:34

Simeon cʉ́me wɔ́b mbwo Ssé ńdêen ńké ńgɔɔn né Malîɛ ngie: Míŋ ɔ̀ wɔɔn aa pá’ɔɔn ńké ńgwɔ́ gẅie Ssé ge cʉa nzèm yé gÿo eshʉ́ kú pʉ̀a tà ńgyɔ́ɔn Israel wɔɔn, é piŋ gÿo mé ná mékù’ lelÿò pʉ̀a, mélà’mie aa nyìŋ gẅie Ssé lɔgɔ yé ńnyɛɛ mmó gie à ne ńgÿo, tá pʉ̀a mesoŋ ke ńgwága yé gwág.

Roma 9:22

Áa ndʉŋ ndʉŋ pá’ e Ssé gÿo nà pʉ̀a mesoŋ. À la kwoŋo lényɛ ngie lóŋ we ne ńgyáŋa ná menò mie pʉ̀a mesoŋ gÿo, mé fó mǒ ńgyá pá’ à tʉ pú’u. Tá, mbà á la gʉa nà pʉ̀a pie, à lɔ̌ɔn ge gyáŋa lóŋ ná pɔ́b, á ke ńdɔg pɔ́ kwɔ́gɔ nnɛ́ éshÿɔg shÿɔg. Tá mbà á la gwaa gwɔ́, mbà pɔ́ kǔ’ pá’ à ge pyága wɔ́b pyág.

1 Korento 1:23

Tá á ké ńgʉa ná peg, peg ne sá’a pɔ́ nò Kristo gẅie mé la kime yé nà tÿǒ nkǐ. Yɛ̌ nò gwɔ́ mbwo pà Yuda ńgwɔ́ nò gie ngwɔ́ mé zɔɔn le kím tà shwóŋó nyìŋ wɔ́, ńgwɔ́ mbwo pʉ̀a pie é té pà Yuda wɔ́ ńgwɔ́ pɔ́ menò pʉ̀a.

2 Korento 2:16

Yɛ̌ gyě áa mbwó pʉ̀a pie é ne ḿbyé ńgwɔ́ gyě legwé gie á náa legwé, ńgwɔ́ mbwo pʉ̀a pie é ne ńtsẅɛ́ɛ, ńgwɔ́ gyě le gwɔ́ wó gie á gÿo mé gwɔ́ wó, tà áa pá’ɔɔn, ńgwɔ́ wɔ̌ ku’u légwɔ́ mmó gie mé ge lɔg fa’a yɔɔn fà’?

Galatia 5:11

Mefɛ́ pɔ́ɔn, n gwé’e ńgíŋe ne sá’a ngie pʉ̀a gÿo mé pú’u wɔ́b, mbà pà Yuda gíŋe ńkʉ́e wɔ̀ɔn mélà’a kɔ́? Mbà le gwɔ́ gẅie Kristo la kwé nà tÿǒ nkǐ à tè gíŋe ńgege wɔ́b gwɔ́.

1 Tesalonika 5:9

E Ssé la zɔɔn tè tsɔ́’ɔ wégè pɔ́ légyáŋa lóŋ ná pege, pege gyá ngɔ́’ wɔ́, à la tsɔ́’ɔ wégè pɔ́ légÿo pege cʉa nzèm Cʉ̀apʉ̀a wege Yěsô Kristo ńgẅiin letsẅɛ́.

1 Piɛ 2:6

Mé la ŋwe’e tsɛ̀ɛ ŋwà’ne Ssé ngie: Pi gyá, mèŋ n kǎ tóon lezẅé ndá, ńnuŋe tÿǒsoŋ Sioŋ, á gwɔ́ tóon ńgẅiin shÿó ḿbiŋ ńgwɔ́ tʉ̀ nzẅìŋ ńgwɔ́ gẅie nyìŋ lɔɔn ńzáb ntʉ́m ná yé, eshʉ́ le lá’ ńkúu ngàŋ wɔ́.

1 Piɛ 2:7

Àa mbwo pi pàzáb ntʉ́m ná yé, ńgwɔ́ mmó mekù’. Tá ńgʉa ná pʉ̀a pie pɔ́ té ne ńzába ntʉ́m nà wɛ̌ tóon wɔ́, mbà mé la ŋwe’e ngie: Tóon gẅie pàpwóon ndá la gwá’ léen ńcʉ́’ʉ tóon lezẅé ndá.

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.