1 Piɛ 2:6 - Nouveau Testament en Ngienboum

⁶ Mé la ŋwe’e tsɛ̀ɛ ŋwà’ne Ssé ngie: Pi gyá, mèŋ n kǎ tóon lezẅé ndá, ńnuŋe tÿǒsoŋ Sioŋ, á gwɔ́ tóon ńgẅiin shÿó ḿbiŋ ńgwɔ́ tʉ̀ nzẅìŋ ńgwɔ́ gẅie nyìŋ lɔɔn ńzáb ntʉ́m ná yé, eshʉ́ le lá’ ńkúu ngàŋ wɔ́.

1 Piɛ 2:6 ပူးပေါင်းရင်းမြစ်များ

Matio 12:18

À la gɔɔn ngie: «Wɔ̀ɔn aa ngàŋa fà’ wɔ̀ɔn mie n deen ńtsɔ́’. N kwoŋo yé tɛ’, yé zɔ gÿo ntʉ́m wɔ̀ɔn kág. Mèŋ n ge gÿo ńnéŋe Zẅìge yɔ́ɔn ná yé, à gÿo ńnyɛ ntí lesá’a lá’ gie ee ndʉŋ ndʉŋ mbwó melá’ mie e té pà Israel wɔ́.

Malékuse 12:10

Á lɔɔn tè kɔ́ wɔ́, mbà pi léen ńtóŋo jʉ’e ŋwà’ne Ssé gie á gɔɔn ngie: «Tóon gẅie pàpwóon ndá la gwá’ léen ńcʉ́’ʉ tóon gẅie yé zɔ pi’ ndá».

Lukase 20:17

Yěsô leen ńké ńdíe wɔ́b tà ńgɔɔn ngie: Tà wɔɔn nkaŋ ŋwà’ne gẅie ée tsɛ̀ɛ ŋwà’ne Ssé ée pá’ɔɔn ńdɔgɔ ńgɔɔn ngie kɔ́: «Tóon gẅie pàpwóon ndá la gwá’, léen ńcʉ́’ʉ tóon gẅie yé zɔ pǔ ḿbi’ ndá»?

Lukase 23:35

Alá’ la tyé ńne ńdíe pá’ mé kime Yěsô. Pàsá’a lá’ ne ńzoonte Yěsô ńgɔɔn ngie: À la kẅé petsɔ́ pʉ̀a ncwò legwé, à gíŋe ńkẅé kwà’ yé twó, pá’ à lɔɔn ńgɔɔn tà shwóŋó nò ngie aa *Nzà’nkÿo gẅie Ssé la tsɔ́’.

Ŋwà’ne Jâŋ 7:38

Nyìŋ gẅie à zǎb ntʉ́m wé ná mèŋ la, mbà nò gie ŋwà’ne Ssé gɔɔn ge pumte: «Ntse ge fó tsɛ̀ɛ ntʉ́m wé kẅɛ ne cwóŋo pá’ ntse gẅie é fóo lesá’a la».

Megàŋ ntúm 1:16

Mefɛ́ mefɛ́, á ka ne ńzɛ́te ngie ammó gie Zẅìge Ndʉalʉ̌a la lɔg ncwò fùɔ Ndavíd ḿbÿé, mé ŋwe’e tsɛ̀ɛ ŋwà’ne Ssé à pumte. Á nò gie à la tʉ́ njÿó ńgɔɔn ntí Jẅidas gẅie yé zɔ kéen ńkẅɛɛ nnyɛ̀ nzsè tá mé gwoon Yěsô.

Roma 10:11

Á lɔgɔ ńzɔɔn ńcʉ́me nà pá’ ŋwà’ne Ssé la gɔɔn ngie: «Nyìŋ lɔɔn ńzáb ntʉ́m ná yé, mbà shʉ́ té gÿo kúu ngàŋ wɔ́»

Efeso 1:4

mbà à la cʉa ná Kristo ńtsɔ́’ɔ wégè, ńdɔg ńgÿo pʉ̀a pé tà fó ńnyé pɔ́ tè nyɛte njÿó pá’ pege ge gwɔ́ mvfò yé é gwɔ́ pʉ̀a ndʉalʉ̌a, é gwɔ́ pàtèfʉa. Á la lɔg pá’ à kwoŋo wégè,

Efeso 2:20

Pi cʉ̌’ ńgwɔ́ pɔ́ pá’ mbelég gie mé lɔ̌g ḿbwóon ndá. Acÿó ndá gwɔ́ ngàŋ ntúm Yěsô pâ pà *ntsẅì nkʉ̀ Ssé, Yěsô Kristo lê twó yé gwɔ́ tóon gẅie à pi’ ndá.

2 Timote 3:16

Mé la gwaa ŋwe’e kɔ̀ɔkɔ́ɔ tsɛ̀ɛ ŋwà’ne Ssé wɔ́, á fóo pɔ́ ncwò Ssé. Pú’u ammó gie mé la ŋwe’e, à ku’u lélɔg ńzí’i pʉ̀a nò gie áa nénʉ́, ńku’u lélɔg ńdʉ’ʉ nò gie á té nò wɔ́, ńku’u lélɔg ńtÿɔ́gte pʉ̀a, ḿbiŋ ńku’u lélɔg ńzí’i pʉ̀a pá’ à lɔɔn ńgwɔ́ pɔ́ gÿo tá ńnéŋe nà ntí gie e Ssé ne ńkwoŋo.

1 Piɛ 2:4

Pi sẅɛ’te nnɛ́ ńtó nê lejʉ́ŋ yé, yé zɔ náa kwà’ le gwɔ́. À lɔgɔ ńgwɔ́ tóon gẅie ŋwà’ne Ssé gɔɔn ngie pʉ̀a mesoŋ la gwá’, tá’ e Ssé kaŋa yé, á gwɔ́ mmó tʉ̀ nzẅìŋ mbwo yé.

1 Piɛ 2:8

Ńgíŋe ńgwɔ́ tóon gẅie à ge gÿo mé gwe ssé, á máa tóon gẅie mé ge kwɔɔnte mǒ. Pɔ́ kwɔɔnte mǒ, mélà’mie pɔ́ lʉ’ʉ lé jú’u shwóŋè Ssé. Á ké ńgwɔ́ pɔ́ pá’ Ssé la záb ngie á ge lá’ gwɔ́ pɔ́ pú’u, ná pɔ́b.

2 Piɛ 1:20

Ammó gie pi gẅiin lévɔg ńzsé á gwɔ́ ngie: Á tsɔ́ shwóŋè *ntsẅì nkʉ̀ Ssé gie áa tsɛ̀ɛ ŋwà’ne Ssé, ńgwɔ́ gie à lɔɔn ńgwɔ́ nyìŋ lɔg legyè sé gílé yé ńkyagte á té wó wɔ́

2 Piɛ 3:16

À gɔɔn yɛ̌ nò tsɛ̀ɛ meŋwà’ne mie à ŋwe’e ntsèm, á fʉ̀’ gie à gɔɔn nò tà ńkíme yɔɔn twó nò. Mejʉ’ mie é tʉʉ lé jú’ ée tsɛ̀ɛ meŋwà’ne mé. Áa mmó gie á gÿó pʉ̀a pie é mwoonte mwoonte, ńnyé tè kwà’ ńzsé jʉ’ gie pɔ́ tyé wó, kúbe nò gie é lɔgɔ ńgɔɔn. Á gíŋe ńgwɔ́ pɔ́ pá’ pɔ́ gÿo ná metsɔ́ mejʉ’ ŋwà’ne Ssé. Pɔ́ ké ńgÿo pú’u, ńdɔg ńtóŋo ndoon ńnéŋe twó pɔ́b.