1 Piɛ 2:5 - Nouveau Testament en Ngienboum

⁵ Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.

1 Piɛ 2:5 ပူးပေါင်းရင်းမြစ်များ

Roma 12:1

Mefɛ́ pɔ́ɔn, pá’ Ssé léen ḿbú ńtsɔ́ɔn mezìŋe mégè la, mèŋ n ne ńgɔɔn mbwo pi ngie pi pú ńná mbùm gi mbwo yé pá’ shúm pwɔ́’ la, ńcʉ́’ʉ ńnéŋe ńjú’u pɔ́ mbwo yé, ńgwɔ́ pɔ́ pʉ̀a pé ndà’, ńgÿo pɔ́ mmó gie á ge poŋo yé. Legÿo pú’u, aa legu’te Ssé nà ntí yé mbòŋo.

Roma 15:16

ńdɔgɔ wɔ̀ɔn ńgÿo nyìŋ gẅie à ge ne fa’a fà’ Yěsô Kristo á nùɔ pʉ̀a pie é té pà Yuda wɔ́. À la tsɔ́’ɔ wɔ̀ɔn légwɔ́ gie n ge cʉ́’ʉ tsẅii pɔ́ nkʉ̀ mbòŋo mbwo pɔ́b, Zẅìge Ndʉalʉ̌a lɔgɔ wɔ́b ńgÿo pʉ̀a Ssé, mèŋ n náa wɔ́b mbwo Ssé, pɔ́ gwɔ́ pá’ shúm pwɔ́’ sie é poŋ Ssé.

1 Korento 3:16

Pi tè ne ńzsé ngie pi ee pɛ́’ɛ̀ ńgwɔ́ *jʉ’ʉ Ssé, à Zẅìge Ssé tsẅé tsoló wɔ́ ka?

1 Korento 3:9

Á nue peg puté ńně fa’a pɔ́ fà’a Ssé. Pi gwɔ́ nká’ Ssé, ńgíŋ ńgwɔ́ ndá gie Ssé ne ńkwɛ́ɛ.

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Filipo 2:17

À gẅi lézáb ntʉ́m ná Yěsô aa pá’ shúm pwɔ́’ sie pi nuŋe mvfò Ssé, ńgwɔ́ gie mé lɔɔn ńzẅé wɔ̀ɔn, mbà é lɔgɔ ńgwɔ́ pá’ wɔ̀ɔn pwɔ́’ gẅie mèŋ n nuŋé mvfò Ssé. Á tó ńgwɔ́ pú’u, mbà mèŋ n gee shÿó mbòŋo, mbà pege ge pú kág.

Filipo 4:18

Á gʉa nà shúm sie pi ka tǔm ńna né mèŋ, mbà mèŋ m bǔ ńgyá. N gẅiin shúm fʉ̀’ɔɔn tà é gyɔ́ɔn tɛ’. Mèŋ n gyǎ shúm ŋwɛ́ sie Epafolodite lɔ̌g ńtó. N te gíŋe ne ńzága tsɔ́ mmó wɔ́. Eshúm ŋwɛ́ poŋó wɔ̀ɔn tɛ’, ńgwɔ́ pɔ́ pá’ shúm pwɔ́’ sie mé lɔ́ɔn ńnuŋe mvfò Ssé, é poŋo yé tɛ’ la.

Kolosia 3:17

Pi lɔɔn ne ńgÿo pɔ́ kɔ́ wɔ́, kà shwóŋó pɔ́ kɔ́ wɔ́, pi záb pɔ́ lezíŋ Cʉ̀apʉ̀a Yěsô mvfò, ńne ńnáa ndǎg mbwo Tá wege Ssé, ńcʉa ná Yěsô

1 Timote 3:15

légwɔ́ gie n dɔɔn tè tɔ́g ńtó wɔ́, ɔ̀ tóŋo yɔɔn ŋwà’ne, ńjú’ pá’ pʉ̀a pie e Ssé ee tá wɔ́b gẅiin légiŋ pú’u, á tsɛ̀ɛ cú’tè yɔ́b. Yɛ̌ cú’tè áa ye pʉ̀a Ssé gie ee ntentʉ́. Á tÿɔ́g ntóon gie e tyé ndʉŋ ndʉŋ á nà nò gie áa nénʉ́ tà ńgíŋ ńjÿɔ́’ tsɔ̌.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

1 Piɛ 4:17

Afʉ̀’ áa pá’ɔɔn, mbà á kú’ pá’ Ssé ge zá’ ntsaŋ pʉ̀a mesoŋ, à ge zye pɔ́ nà pʉ̀a pé. À lɔɔn ńzye ná pege, mbà á ge cʉ́’ʉ nzsoté é gwɔ́ lêkɔ́ ná pʉ̀a pie pɔ́ té kwoŋo lézẅíŋ nkʉ̀ mbòŋo we Ssé wɔ́?

Ŋwà’ne Ngyà jʉ’ 1:6

À la lɔgɔ wégè ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wégè ńgÿo pànuŋe pwɔ́’ pá’ pege ge fa’a mbwo Tá we Ssé. Legú’ mbɔɔ metʉ̀ e lá’a ńgwɔ́ pɔ́ mbwo yé Yěsô Kristo á nà ngù’ nkɔ́ɔn nê nkɔ̌ɔn. *Amen

Ŋwà’ne Ngyà jʉ’ 20:6

Pàshÿó mbòŋo, ée pʉ̀a pie é ge zíme nà legwé ná ndùŋ mvfò lezím, ée pʉ̀a pie ée kwà’ pe Ssé. Legwé we mbɔ́ɔntè yépʉ́a tè gíŋe ńku’u lé kíbe wɔ́b gwɔ́. Pɔ́ ge gÿo gwɔ́ pànuŋe pwɔ̀’ pe Ssé, mbɔɔ pe Kristo, pâ Kristo sá’ jÿó nà ngù’ ntsá’.

Ŋwà’ne Ngyà jʉ’ 3:12

Nyìŋ gẅie à ge lÿɔ́’ ncù tà cʉa nò tepòŋ, Mèŋ n ge gÿo lɔgɔ ngàŋ é tÿɔ́g ntóon nà jʉ’e Ssé yɔ̀ɔn, angàŋ le lá’ fóo jʉ’ó, ńgʉ́a tsɔ́ jʉ’ wɔ́. Mèŋ n ge gÿo ŋwe’e lezíŋ Ssé yɔ̀ɔn á ná ngàŋ, é gíŋ ŋwe’e lezíŋ tÿǒsoŋ ye Ssé yɔ̀ɔn á nà ngàŋ. Yɛ̌ tÿǒsoŋ gwɔ́ Yerósalem ye sẅé gie á fóo tÿǒ lepwó, á lejʉ́ŋ Ssé yɔ̀ɔn, ésẅɛ́’ɛ. Mèŋ n ge gíŋ ŋwe’e mbɔɔ lezíŋ sɔ́ɔn se sẅé á ná ngàŋ.

Ŋwà’ne Ngyà jʉ’ 5:10

Ɔ̀ la lɔgɔ wɔ́b ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wɔ́b ńgÿo pànuŋe pwɔ́’ pá’ pɔ́ ge fa’a mbwo Ssé yege. Mbɔɔ pá’ pɔ́ ge gÿo sá’ pʉ̀a ndùmo ssé tsetsá’.