1 Piɛ 2:21 - Nouveau Testament en Ngienboum

²¹ E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.

1 Piɛ 2:21 ပူးပေါင်းရင်းမြစ်များ

Matio 10:38

Nyìŋ lɔɔn tè kaa yé tÿǒ nkǐ, ńdɔg ńzẅíŋe lékwé tá ńcʉ́me nzèm mèŋ wɔ́, mbà ńgwɔ́ á le ku’u légwɔ́ *ngàŋa kwò wɔ̀ɔn mɔ́

Matio 11:29

Pi píi *kɔ̌’ yɔ́ɔn ńjÿɔ́gɔ lóŋ pi, ḿbiŋ ńzẅíŋ ngie mèŋ n zí’i gẅi pá’ pi ge gÿo, á nue m bʉlé, ntʉ́m wɔ̀ɔn piŋ ńké tè cÿɔ́gte. Mèŋ n ge náa jʉ’ gie pi ge sẅéte ntʉ́m gẅi wó

Matio 16:24

Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Lukase 24:26

Pi kaa zsé ngie, á ka ne ńzɛ́te ngie *Nzà’nkÿo vɔg ńgyá ngɔ́’ tá ńkúu tsɛ̀ɛ legú’ we wɔ́ ka?

Ŋwà’ne Jâŋ 13:15

Mèŋ n nyɛɛ gẅi fʉ̀’ légwɔ́ gie pi gí pi ge gÿo pá’ pi gyǎ mèŋ n gÿo.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Megàŋ ntúm 17:3

Pɔl ne ńnyɛte ńkyagte shwóŋó wɔ́b ngie a *Nzà’nkÿo gẅie mé ka ne ḿbyɛ́bɛ la, ka gẅiin légyá ngɔ́’, ńkwé, ḿbiŋ ńzíme nà legwé. A *Nzà’nkÿo áwɛ̌ aa Yěsô gẅie yé shwóŋó wɔ́b lɔɔn.

Megàŋ ntúm 9:16

Kwà’ mèŋ n ge zɔɔn gÿo, à pú ńzsé nzẅìŋ ngɔ́’ gie à ge gyá é tí nò yɔ́ɔn.

Roma 8:29

Á nue pʉ̀a pie e Ssé la tʉ́ njÿó ńtsɔ́’ɔ wɔ́b, à la gíŋe ntʉ́ njÿó ńzáb ngie mémmó ge lá’ ne kúbe ná pɔ́b kubé, tà pɔ́ sẅé Míŋ we. À cʉa pú’u, Míŋ we gwɔ́ mûɔ ndÿò á nùɔ mefɛ́ pé pie é gyɔ́ɔn.

1 Korento 11:1

Pi gwɔ́ pʉ̀a pie pi píi fʉ̀’ ná mèŋ, ndʉŋ ndʉŋ pá’ mèŋ m bíi fʉ̀’ ná Kristo.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

Filipo 2:5

Pi gẅiin nkwaŋá gẅie Yěsô Kristo la gẅiin.

1 Tesalonika 3:3

légwɔ́ gie ngʉ̀ngʉ̀ gie pi ne ńgyá fʉ̀’ɔɔn, e tè gÿo tsɔ̌ nyìŋ tsetsɛ̀ɛ pi pɔ́g, ńgwá’a nò Ssé wɔ́. Pi zɔɔn ne ńzsé gí ngie ngʉ̀ngʉ̀ gẅiin lékúu wégè pàzáb ntʉ́m nà Ssé.

1 Tesalonika 4:2

Pi zɔɔn ne ńzsé mmó gie peg la lɔg lezíŋ Cʉ̀apʉ̀a Yěsô ńtsẅi ngie pi gÿo.

2 Timote 3:12

ńgwɔ́ nyìŋ zɔɔn le la nnɛ́ ná Yěso Kristo tà ńne ńkwoŋo légÿo mmó gie Ssé ne ńkwoŋo, mé nyé té kʉ́e yé kʉ́e wɔ́.

Heber 2:10

E Ssé la gÿo shúm ntsèm sie ée tsɛ̀ɛ njÿó é gwɔ́ wó, ńgwɔ́ pɔ́ shúm sé. Pá’ à la piŋ ne ńkwoŋo ngie pʉ̀a tà ńgyɔ́ɔn ge cʉ́’ púɔ pé, é gwɔ́ tsɛ̀ɛ legú’ we la, Yěsô zɔ̌ piŋ ńgẅiin légÿo pɔ́ tsẅɛ́ la, á la ne ńzɛ́te ngie à gÿo Yěsô fó nà ngɔ́’ gie à gyǎ, ńku’u nyìŋ gẅie à ge gÿo pɔ́ tsẅɛ́.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Piɛ 3:9

Tà pi lɔgɔ nò tepòŋ ńtsɔ́’ɔ nò tepòŋ. Tà mé zoonte gẅi pi pʉŋe. Tà ńcʉ́’ pú’u, pi gɔɔn ngie e Ssé gwɔ́ nê ngàŋ, e Ssé la tsɔ́’ɔ gẅi pɔ́ pá’ à ge gwɔ́ né pi.

1 Piɛ 4:1

Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.

1 Piɛ 4:13

Pi cʉ́’ ńkág kág á nue pi ne ńgyá gi ngɔ́’ pá’ kristo, à cʉa pú’u, pi gÿo ńgwɔ́ tà ńgyá legú’ we ńgíŋe ńgẅiin gí máamáa lekág.

1 Jâŋ 2:6

Nyìŋ lɔɔn ńgɔɔn ngie: Peg Ssé léen ńtemte, á zɛ́te ngie ngÿǒ menò mé gwɔ́ pá’ me Yěsô Kristo laa pú’u.

1 Jâŋ 3:16

Nkwòŋe ee kɔ́ mmó? Pege ee fʉ̀’ɔɔn, mbà pege zsé ngie: Yěsô la náa twó yé ńtí wégè. Pú’u la, á ne ńzɛ́te ngie pege náa twó yégè ńtí mefɛ́ pégè.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.