1 Piɛ 2:20 - Nouveau Testament en Ngienboum

²⁰ Pi zɔɔn ńcʉ́’ʉ leshÿɔg ngɔ́’, éshÿɔg gie e kúu gẅi ńtí nò tepòŋ gie pi gÿǒ, mbà mé ge ná mekù’ mí nà kɔ́? Tá pi ké ńgÿo nò mbòŋo, mé náa gẅi ngɔ́’, pi shÿɔg, mbà wɛ̌ léshÿɔg aa mvfò Ssé ńgwɔ́ nò mbòŋo.

1 Piɛ 2:20 ပူးပေါင်းရင်းမြစ်များ

Matio 26:67

Pɔ́ leen ńké ńtsɔg metyé shÿó Yěsô, ńtsẅiŋe yé, petsɔ́ pʉ̀a ne ńtéme mbwó letuŋó yé,

Matio 5:47

Pi lɔɔn ńtsyɛ’te pɔ́ ndà’ mefɛ́ pí, mbà pi gÿǒ kɔ́ yé sẅé? Pàte zsé Ssé gíŋe ne ńgÿo yɔ́b pɔ́ pú’u.

Malékuse 14:65

Petsɔ́ pʉ̀a zye létsɔg metyé ná ye, ńkwɛ́ shÿó we, ńně ńcúa yé, ńgɔɔn né ye ngie: Lɔgɔ nò *ntsẅì nkʉ̀ Ssé jú yɛ̌, ńkeme nyìŋ gẅie à cǔa gú. Pàpyɛ́bɛ nɔ’ɔ *nùŋe pwɔ́’ we lÿò ne ńcúa metuŋó mé.

Lukase 6:32

Pi lɔɔn ńkwoŋ pɔ́ ndà’ pʉ̀a pie pɔ́ kwoŋo gẅí, mbà mé ge gíŋe ná ndǎg né pi nà kɔ́? Megàŋ mefʉ̀a zɔ́ɔn ńkwoŋ yɔ́b pɔ́ pʉ̀a pie pɔ́ kwoŋo wɔ́b.

1 Korento 4:11

Enzyè ee zɔ́gɔ légyáŋa wég. Agága yég zɔ́gɔ léshÿó. Nzsǒ ma’ e tè wó wɔ́. Mé ee zɔ́gɔ pɔ́ lécúa wég. Atsɔ̌ le gwɔ́ gẅie ńgwɔ́ peg pʉ́le ńnéŋe tà’a jʉ’ à tè wó wɔ́.

Galatia 4:18

Tá á gʉa ná mèŋ, mèŋ n kwoŋo gẅí, tà ńgwɔ́ pi jÿó pì yɔ́ɔn ngwòŋ fʉ̀’ ntsèm, tà á le gwɔ́ pɔ́ ndà’ fʉ̀’ gie mèŋ n gee tsetsɛ̀ɛ pi wɔ́.

Efeso 5:10

Pi gwaa gÿo kɔ̀ɔkɔ́ɔ wɔ́, ńta’ menò, lézsé mie é poŋo mbwo Cʉ̀apʉ̀a.

Filipo 4:18

Á gʉa nà shúm sie pi ka tǔm ńna né mèŋ, mbà mèŋ m bǔ ńgyá. N gẅiin shúm fʉ̀’ɔɔn tà é gyɔ́ɔn tɛ’. Mèŋ n gyǎ shúm ŋwɛ́ sie Epafolodite lɔ̌g ńtó. N te gíŋe ne ńzága tsɔ́ mmó wɔ́. Eshúm ŋwɛ́ poŋó wɔ̀ɔn tɛ’, ńgwɔ́ pɔ́ pá’ shúm pwɔ́’ sie mé lɔ́ɔn ńnuŋe mvfò Ssé, é poŋo yé tɛ’ la.

1 Piɛ 2:19

Pi zsé ngie pi lɔɔn ńdɔg pá’ pi ne ńkwoŋo léké ńzsé pɔ́ Ssé ndà’, éshÿɔg ngɔ́’ gie é kúu gẅi ńtíi mmó gie pi kaa gÿo, mbà aa nò mbòŋo.

1 Piɛ 3:14

Pi ke fó lyɛ̌’ ńgwɔ gyá ngɔ́’, á gwɔ́ nue pi ne ńgÿo mmó gie áa ndʉŋ ndʉŋ mvfò Ssé, mbà pi ee pà shÿó mbòŋo. Tà pi mɔ́ɔn tà ḿbɔ́g pʉ̀a mesoŋ. Tà ntʉ́m nyìŋ gẅi mɔ́ɔn tà ḿvɛ.

1 Piɛ 3:17

Mvfò aa nyìŋ légwɔ gyá ngɔ́’ ńne ńgÿo pɔ́ nò mbòŋo pá’ Ssé lɔɔn ńkwoŋ ngie à gwɔ́ pú’u, ńcʉa pá’ ńgwɔ́ nyìŋ gwaa gyá ngɔ́’ ńne ńgÿo nò tepòŋ.