1 Piɛ 2:19 - Nouveau Testament en Ngienboum

¹⁹ Pi zsé ngie pi lɔɔn ńdɔg pá’ pi ne ńkwoŋo léké ńzsé pɔ́ Ssé ndà’, éshÿɔg ngɔ́’ gie é kúu gẅi ńtíi mmó gie pi kaa gÿo, mbà aa nò mbòŋo.

1 Piɛ 2:19 ပူးပေါင်းရင်းမြစ်များ

Lukase 6:32

Pi lɔɔn ńkwoŋ pɔ́ ndà’ pʉ̀a pie pɔ́ kwoŋo gẅí, mbà mé ge gíŋe ná ndǎg né pi nà kɔ́? Megàŋ mefʉ̀a zɔ́ɔn ńkwoŋ yɔ́b pɔ́ pʉ̀a pie pɔ́ kwoŋo wɔ́b.

Ŋwà’ne Jâŋ 15:21

Pɔ́ gÿo pú’u ná pi ńtí nue pi ee pʉ̀a pɔ́ɔn, pɔ́ piŋ ńké tè ne ńzsé nyìŋ gẅi à la túmo wɔ̀ɔn mɔ́.

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Roma 13:5

Áa mmó gie á gÿo tá á ne ńzɛ́te lésẅí’i mbùm ńnáa ssé mvfò pàsá’ ngwòŋ. Mé lě ńnáa á gwɔ́ pɔ́ ndà’ lélɔg ḿbɔ́g ngie Ssé ge gyáŋa lóŋ wɔ́, á gíŋe ńgwɔ́, mélà’mie ntʉ́m wégè ne ńzɛ́te ngie pege gÿo pú’u.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 8:1

Mefɛ́ pég, peg ne fa’a légÿo pi zsé mmó gie e Ssé ka cÿó gʉm mecú’tè pʉ̀a Kristo mie ée Makedonia pɔ́ gÿo.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

Heber 10:2

Á laa pé’e lenùŋe pwɔ́’ mvfò Ssé ná yɛ̌ ntí kẅile *lɔ̌’ ná pʉ̀a tà ntʉ́m wɔ́b té gíŋe ńŋaga wɔ́b nà tsɔ́ nò wɔ́, mbà mé ée ńcʉ́’ʉ ńnuŋe tsɔ́ pwɔ́’ wɔ́.

1 Piɛ 2:20

Pi zɔɔn ńcʉ́’ʉ leshÿɔg ngɔ́’, éshÿɔg gie e kúu gẅi ńtí nò tepòŋ gie pi gÿǒ, mbà mé ge ná mekù’ mí nà kɔ́? Tá pi ké ńgÿo nò mbòŋo, mé náa gẅi ngɔ́’, pi shÿɔg, mbà wɛ̌ léshÿɔg aa mvfò Ssé ńgwɔ́ nò mbòŋo.

1 Piɛ 4:15

ḿbɔ́ɔn nyìŋ gẅi légwaa gyá ngɔ́’ á gwɔ́ ngie à zẅě nyìŋ, ngie à jʉ̌, kà pɔ́ ngie à gÿǒ nò tepòŋ wɔ́, kà pɔ́ ngie à gyǎ nò nyìŋ ńkúu mǒ wɔ́.