1 Piɛ 2:17 - Nouveau Testament en Ngienboum

¹⁷ Pi ná mekù’ mânyìŋ ntsèm, ńkwoŋ mefɛ́ pi pʉ̀a Kristo, ḿbɔ́g Ssé, ńná mekù’ fùɔ.

1 Piɛ 2:17 ပူးပေါင်းရင်းမြစ်များ

Matio 22:21

Pɔ́ tsɔ́’ɔ mbwó yé ngie: Ée we Kása, lezíŋ gíŋ ńgwɔ́ pɔ́ sé. Yěsô leen ńké ńgɔɔn né pɔ́b ngie: Á lɔɔn ńgwɔ́ pú’u, pi náa mmó gie áa yé Kása á mbwó Kása, ńnáa yé Ssé á mbwó Ssé.

Ŋwà’ne Jâŋ 13:35

Pi lɔɔn ńkwoŋe pi né pi, mbà mânyìŋ ntsèm ge zsé ngie pi ee *ngàŋa kwò yɔ́ɔn.

Roma 12:10

Pi lɔg pá’ pi ee mefɛ́ mefɛ́, ńkwoŋe pi né pi, nyìŋ gẅi à vɔg ńná mekù’ fɛ́ we.

Roma 13:7

Pú’u la, á gʉa nà pàsá’ ngwòŋ, pi náa mmó gie á ne ńzɛ́te ngie pi náa mbwo wɛ̌ nyìŋ wɔ́ né yé. E lɔɔn ńgwɔ́ ncùb ngwòŋ, pi náa mbwo nyìŋ gẅie à kẅé ncùb ngwòŋ, ńgwɔ́ nkáb gie *lepʉ̌ ne ńzɛ́te mbwo pi ná tsɔ́ nò, pi náa mbwo nyìŋ gẅie à kẅé yɛ̌. Pi jú’ ncwò nyìŋ gẅie á ne ńzɛ́te ngie mé jú’ ncwò wé, ńná mekù’ nyìŋ gẅie á ne ńzɛ́te ngie mé ná mekù’ mé.

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

Efeso 5:21

Pi lɔg pá’ pi ná mbùm gi Ssé mvfò Kristo, wɔ̌wɔ́ɔ ná mbùm ye Ssé mvfò fɛ́ we.

Filipo 2:3

Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.

1 Timote 6:1

Á gʉa ná pʉ̀a pie pɔ́ ée ndá nkwɔɔn, mbà á ne ńzɛ́te ngie pɔ́ zsé ngie pɔ́ gẅiin légÿo mekù’ pʉ̀a pie pɔ́ gẅiin wɔ́b, ńzsé ngie mé té ge kím lezíŋ Ssé té poŋ wɔ́, é ké le gwága nò gie mé zí’i pʉ̀a ná Yěsô Kristo wɔ́.

Heber 13:1

Pi kẅi’i ńgẅiin nkwòŋe tsetsɛ̀ɛ pi, pá’ á ne ńzɛ́te ngie pʉ̀a Kristo gÿo pú’u, tsetsɛ̀ɛ pɔ́b.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Piɛ 2:13

!Pi cʉa nà lezíŋ Cʉ̀apʉ̀a ńjú’ ncwò pàsá’a lá’ métsèm. Pi jú’ ncwò Kasa gẅie à tyé mvfó pàsá’a lá’ métsèm,

1 Piɛ 5:5

Á gʉa ná pi gí pûɔ shùm, pi ná nnɛ́ ssé mvfò pàkẅé mvfò tsɛ̀ɛ cú’tè, ńgʉa ná pʉ̀a metsèm, tà pi ne ńgÿo tsɔ́ mmó, nyìŋ gẅi kwaŋ ngie à cʉa wetsɔ̌. Á nue ŋwà’ne Ssé gɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.