1 Piɛ 2:12 - Nouveau Testament en Ngienboum

¹² !Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 2:12 ပူးပေါင်းရင်းမြစ်များ

Matio 10:25

Mé lɔɔn ḿvɔg ńtóŋo ngàŋ ndá ngie: Bɛlzebùl, mbà mé ge kúu nà pʉ̀a ndá pé, tá nyé té tóŋo wɔ́b pú’u, keen? Á lɔɔn ńgwɔ́ gie kɔ́ la gÿo tsítsà wɔ́, mbà yɛ̌ mmó ge lá’ gÿo nyìŋ gẅie à ne ńzí’i nò yé, ńgwɔ́ gie kɔ́ la gÿo tá pà nkwɔɔn wɔ́, mbà yɛ̌ mmó ge gíŋe lá’ gÿo nkwɔɔn yé.

Matio 5:11

«Pi ee pàshÿó mbòŋo ná fʉ̀’ gie mé ge ne zoonte gẅí, é ne kʉ́e gẅí, é tÿɔ́gɔ sóon ntí ntí twó pi mélà’ mɔ́ɔn».

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Matio 9:8

Àlá’ gyá yɔ̀ɔn nò á kʉ’ʉ wɔ́b, pɔ́ ne ńgu’te Ssé ná pá’ à nǎ yɔ̀ɔn ntí metʉ̀ mbwó pʉ̀a mesoŋ.

Lukase 1:68

Pege zɔb ntse ńgú’te Cʉ̀apʉ̀a Ssé pà Israel, à tǒ ńkẅéte pʉ̀a pé, ńcu’u wɔ́b ndá nkwɔ̀ɔn.

Lukase 19:44

Pɔ́ ge gÿo tó, é gwɔ’ɔ gẅi lâ gubé gí ntsèm, é gíŋe tágte tÿǒsoŋ gí tà pɔ́ le nyé tóon á gíŋe ńzɛ́be nà tsɔ̌ wɔ́. Á zɔɔn ńgwɔ́ pú’u, mélà’mie pi kaa zsé fʉ̀’ gie e Ssé too légÿo nò mbòŋo ná pi wɔ́.

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Ŋwà’ne Jâŋ 13:31

Jẅidas gwɔ́ tà fó ndá ńkẅɛ, Yěsô gɔɔn ngie: Áa fʉ̀’ɔɔn pá’ɔɔn, mbà mé nǎ legú’ mbwo *Míŋ Nyìŋ. Mbà *Míŋ Nyìŋ ka náa legú’ mbwo Ssé.

Megàŋ ntúm 15:14

Simo lǔ ssé lékímte wégè nò gie e Ssé ka gÿo nà pʉ̀a pie é té pà Yuda wɔ́. Yɛ̌ nò gwɔ́ ngie tà fó nzyetě, e Ssé záb ngie à ge gʉa tsetsɛ̀ɛ pʉ̀a pie é té pà Yuda wɔ́, é tsɔ́’ pʉ̀a lɔg gÿo pʉ̀a pie ée pé.

Megàŋ ntúm 24:13

Menò mɛ mie pʉ̀a tÿɔ́gɔ twó mèŋ lɛ, mé lɔɔn ngie megàŋ píte pɔ́ le zsé lépíte wɔ́.

Megàŋ ntúm 25:7

Pɔl tó. Pà Yuda pie pɔ́ fǒ Yerósalem ńcwóŋ ńtó, tÿɔ́’ɔ yé ńnéŋe sòŋ, ńtÿɔ́g menò mie é tʉ tʉ twó yé tà é gyɔ́ɔn gyɔ̌ɔn. Nyìŋ wɔb gẅie à ge ké píte tà metwó kẅɛ ké tè wó wɔ.

Megàŋ ntúm 28:22

Tá’ peg kě ne ńkwoŋo ngie ɔ̀ cwoŋo ńkyagte mmó gie áa lóŋ gù éshwóŋó wég. Peg gɔɔn pá’ɔɔn tá ńké ńzɔɔn ne ńzsé ngie mé ée nzɔ̌ nzɔ̌ wɔ́, éshwóŋè pɔ́ te pòŋ á nà nùɔ pàfag nnɛ́ gie ɔ́ɔ mǒ lɛ.

Roma 12:17

Tà pi tsɔ́’ɔ piŋé nò tepòŋ ńnáa nò tepòŋ. Tà ńcʉ́’ pú’u, pi fa’ shÿó ńgÿo pɔ́ nò gie wɔ̌wɔ́ɔ ge gyá é zẅíŋ ngie áa mbòŋ.

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.

Roma 14:18

Nyìŋ lɔɔn fa’a fà’ Kristo lê yɔɔn ntí, mbà nò yé ge poŋ Ssé, epʉ̀a mesoŋ piŋ ńná mekù’ ngàŋ.

Roma 15:9

Kristo lɔ̌ɔn ńgíŋe ńtóo légwɔ́ gie epʉ̀a pie é té pà Yuda wɔ́ ge gu’te Ssé é tíi pòŋo ntʉ́m yé ná pɔ́b. Á zɔɔn ńgwaa gwɔ́ ŋwà’ne Ssé gɔɔn ngie: Áa mmó gie á ge gÿo mèŋ n tyé tsetsɛ̀ɛ pʉ̀a pie é té pà Yuda wɔ́ ńgu’te gú MÀbiŋ ńzɔb ńgu’te lezíŋ shú.

1 Korento 14:25

Eshúm sie é kɔ’ɔ́ tsɛ̀ɛ ntʉ́m yé, á lelyěen, é kẅɛɛ mángyɛ̌, á kẅí’te ssé, ésɔb shÿó wé ssé, ńgwɔ ne gu’te Ssé, é ne gɔɔn ngie: Áa nénʉ́ e Ssé kwà’ ńgwɔ́ tsetsɛ̀ɛ pi.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 13:7

Peg ne sẅíŋte Ssé ngie à kẅéte gẅi tà pi le gÿo sɔɔn nò tepòŋ wɔ́. N ké tě ńdɔgɔ fa’a pú’u, pɔ́ légÿo tá pi gyá ngie peg ee ngàŋ ntúm Yěsô Kristo wɔ́. Peg tsɔ́ɔn pɔ́ ndà’ ngie pi gÿo nò mbòŋo tà mbɔɔ pá’ fà’a yég ge gwɔ́ pɔ́ pá’ fà’ gie mé gwág gwǎg.

2 Korento 8:21

Peg ne ńtsɔ́ɔn légÿo mmó gie á té poŋ pɔ́ ndà’ mbwo Ssé wɔ́, peg ne ńtsɔ́ɔn légÿo gie á ge gíŋe poŋ mbɔɔ mbwo pʉ̀a mesoŋ.

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

Efeso 4:22

mbà á ne ńzɛ́te ngie pi kẅɛɛ ná nzẅìŋe mà gẅie mé la lɔg ńzyé gẅí, ndʉŋ ndʉŋ pá’ nyìŋ sẅɛɛ nzẅìŋe nzsǒ ná yé ńgwá’a la. Wɛ̌ mà aa gẅie à kɔ̌ɔn ńcʉa nà shúm tepòŋ sie à kɔ̌ɔn ńtsɔ́ɔn, ńkẅi’i ḿbÿɔ́g pÿɔ́g. Sɛ̌ shúm tepòŋ gwɔ́ shúm sie é fʉte nyìŋ fʉte.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

1 Tesalonika 4:12

ńzsé ngie pʉ̀a pie é té pʉ̀a Kristo wɔ́, ge gyá pú’u, é gɔ’te gi ntí leńnéŋe. Pi piŋ ńké le cʉ́’ʉ pì’ mbwo tsɔ́ nyìŋ wɔ́.

1 Timote 2:2

Mé ne sẅíŋte Ssé nà twó mefùɔ, tà mbɔɔ ná twó petsɔ́ pʉ̀a pie é sá’a lá’. Légwɔ́ gie pege ge ńnéŋe mboŋó, à lá’a yege gwɔ́ lá’a mbʉ́lè. Pege gwɔ́ pʉ̀a pie é gÿo mmó gie á poŋ Ssé, ńgẅiin tsẅé gie á gẅiin mekù’.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

Heber 13:18

Pi ké ńne sẅíŋte Ssé sẅíŋte nà twó ség. Peg kwa’ ńne ńjú’u ngie mbùm yeg tè ne ńcúa wég nà tsɔ́ nò wɔ́, á nue peg ne ńtsɔ́ɔn légwɔ́ gie kɔ́ zɔ̌ lɔɔn ńtyé ssé wɔ́, peg gÿo pɔ́ mmó gie á ne ńzɛ́te.

Heber 13:5

Tà pi kwoŋ nkáb kwoŋ tà é cʉ́’ʉ sá’a gẅi sá’, pi kág kág nà kɔ́ wɔ́ gie pi gẅiin, á nue e Ssé la gɔɔn né nyìŋ mesoŋ ngie: «N te lá’ gwá’a gú wɔ́, é ké le nyé té ne ńdíe gú wɔ́.»

Ŋwà’ne Jâg 3:13

Nyìŋ lɔɔn ńgwɔ́ tsetsɛ̀ɛ pi, ńne ńkwaŋa ngie à gẅiin zse nò, ḿbiŋ ńgẅiin legyè, á lɔgɔ tsẅé mbòŋo yé ńnyɛ, ńgíŋ ńdɔg mefà’ mie é nyɛɛ ngie aa nyìŋ mbʉ́le pʉlé ńgwɔ́ nzsè nò, ńnyɛ.

1 Piɛ 2:15

Áa mmó gie e Ssé kwoŋ ngie pi gÿo, ńzsé ngie pi ge lɔgɔ légÿo nò mbòŋo, é jÿɔ́’ ncwò megʉ̀gʉ̀ pie pɔ́ lʉ’ʉ nò Ssé, pɔ́ le gíŋe shwóŋte ná pi wɔ́.

1 Piɛ 3:16

Pi cʉ́’ʉ léshwóŋó yé ńdɔg pɔ́ ndɔ́ɔn ndɔ́ɔn, ńdɔg mekù’. Á poŋ ngie tà mbùm gi gwɔ gwɔ́ ńne ńcúɔ gẅi ná tsɔ́ mmó, tá à cʉa pú’u, ńgwɔ́ gie pʉ̀a lɔɔn ńne ńtÿɔ́gɔ sóon twó pi, éfó ná pá’ pɔ́ ne ńzoonte leńnéŋe gẅi we pʉ̀a Kristo, gẅie à gwɔ́ pɔ́ mbòŋ, eshʉ́ kúu wɔ́b.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

2 Piɛ 3:11

Pá’ shúm asɛ̌ ge gÿo pú mag lɔɔn, á lɔgɔ shwóŋó gẅi ntí gie á póŋ ngie pi ńnéŋe pú’u. Á ne ńzɛ́te ngie pi ńnéŋe pɔ́ nà ntí gie Ssé ne ńkwoŋo, ńzsé pɔ́ ndà’ yé,