1 Piɛ 2:1 - Nouveau Testament en Ngienboum

¹ Pú’u la, pi lêen ńké ńgwá’ menò tepòŋ ntsèm, tà pi gíŋe fʉte pʉ̀a, tà pi gíŋe ńgwɔ́ pà nkwòŋ menÿɔ́g, tà pi gíŋe ńgẅiin kègɔ́’ ná shúm pʉ̀a, tà pi gíŋe ńzẅɛ́te nzèm pʉ̀a.

1 Piɛ 2:1 ပူးပေါင်းရင်းမြစ်များ

Matio 15:7

Pi ee pà nkwòŋ menÿɔ́g! Esǎya á *ntsẅì nkʉ̀ Ssé, lɔ̌ɔn fɔ́ɔn ńgɔɔn pá’a shwóŋó nò, pá’ à la gɔɔn ná mà lá’ gẅi ngie e Ssé gɔ̌ɔn ngie:

Matio 23:28

Á gíŋe ńgwɔ́ pɔ́ ndʉŋ ndʉŋ pá’ mé líe gẅi gí, ńgyá pi gwɔ́ mvfò pʉ̀a mesoŋ, ńgwɔ́ pʉ̀a Ssé tɛ’, tá ńgwɔ́ megàŋ mepàb, nkwaŋá tepòŋ gwɔ́ ntʉ́m pi tá ńdúe.

Matio 24:51

é tó, é néŋ ngʉ̀ngʉ̀ twó yé tɛ’, é jwoŋo yé, à gʉa né jʉ’ gie mé jwoŋo pʉ̀a tepòŋ ńnáa wó, é ńnéŋe jʉ’ó ne lʉa, lóŋ we ne ffó.

Matio 7:5

Ànkwoŋ menÿɔ́g! Vɔg ńkẅile kúmo gẅie aa lejÿɔ́g gù, tà ne ńcwoŋo ńgyá jʉ’ tá ńku’u lékẅile fùbe pǐŋ á tsɛ̀ɛ lejÿɔ́g fɛ́ gù.

Malékuse 12:15

Yěsô gyá pá’ pɔ́ gwɔ́ pɔ́ pà nkwòŋ menÿɔ́g, ńtsɔ́’ɔ mbwo pɔ́b ngie: Pi kwà’te wɔ̀ɔn mélà’a kɔ́? Pi lɔgɔ pàga nkáb ńtó ńnyɛɛ wɔ̀ɔn, pɔ́ lɔgɔ pàga nkáb ńtó, á zɛ́te wɔ́b ngie:

Lukase 11:44

Ndòon ee twó pi, pi leen ńgwá’a lesyé té liŋé sie nyìŋ lɔɔn ńgiŋe mǒ, mbà à ge zyɛ́’ nzsè té zsé, é kaa *lɔ̌’.

Lukase 12:1

Yěsô ne shwóŋe pú’u, alá’ ne ńkẅi’i ńkwɔ́’ɔ ńtóo lejʉ́ŋ yé, ejʉ’ sẅɛ́ sẅɛ̌ tà mé ne néŋte mekwò pʉ̀a. Á gwaa gɔɔn nò mbwo lá’, ḿvɔg ńgɔɔn mbwo ngàŋa nkwò yé ngie: Pi laga twó gí, ḿbɔ́ɔn *mvòŋ pʉ̀a *farisay, tà pi cʉ́’ ngàŋ mepàb pá’ pɔ́b.

Lukase 6:42

Ngwɔ́ ɔ̀ gǎ tá ńgɔɔn né fɛ́ gù ngie: Afɛ̌, cʉ́’ n kẅile fùbe pǐŋ yɛ gie ee lejÿɔ́g gù lɛ, ńgwaa gɔɔn éfó le ne ńgyá kúmo gẅie à nuŋe nà shú wɔ́ wɔ́? Ɔ̀ɔ ngàŋ melɔ̀ɔn, vɔg ńkẅile kúmo gẅie aa lejÿɔ́g gù, tà ne ńcwoŋo ńgyá jʉ’ tá ńku’u lékẅile fùbe pǐŋ tsɛ̀ɛ lejÿɔ́g fɛ́ gù.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Roma 1:29

Menò mie Ssé tè ne ńkwoŋo wɔ́ pú ńjÿó wɔ́b, pɔ́ gÿo menò tepòŋ, ńgẅiin kègɔ́’, ńgwɔ́ pʉ̀a ńcÿɔ́g cÿɔ́g, légyá mmó nyìŋ ńkwɔ́’ɔ lóŋ mǒ pú ńjÿó wɔ́b, pɔ́ zẅéte pʉ̀a, ńnéŋe ńtág pɔ́ melà’, ńgẅiin fʉte, akɔ́ sá’a twó pɔ́b gwɔ́ pɔ́ gÿo gÿo, ńzáb menò twó pʉ̀a,

1 Korento 14:20

Mefɛ́ pɔ́ɔn, tà pi cʉ́’ʉ lésáŋa nò, ésáŋ pá’ pènkʉ́ la. Pi gʉa nà nò tepòŋ ńgwɔ́ pɔ́ mecʉ̀cʉ̀ŋ. Tá’ ńgʉa nà lesaŋá nò, ńnyɛ ngie pi cÿɔgté.

1 Korento 5:8

Pú’u la, pege jÿó línɔ́ɔn *páskà nê *mbelég té mvòŋ, nê ntʉ́m ndʉalʉ̌a, é ntʉ́m gẅie é shwóŋó nò nénʉ́. Tà pege pfɛ́ mbelég gie mé lɔgɔ́ *mvòŋ nzẅìŋe mà ńdɔg ńnyɛte, ée mefà’ tepòŋ, ńgíŋe ńgwɔ́ ye nò tepòŋ.

2 Korento 12:20

N zɔɔn ne ḿbɔ́gɔ légwɔ́ gie à lɔɔn ńgwɔ́ n gÿo tóo lá’ pi, ńgyá pi le gwɔ́ nà ntí gie mèŋ n ne ńkwoŋo wɔ́. Mèŋ yɔ́ɔn n ké le gwɔ́ nà ntí gie pi ne ńkwoŋo wɔ́. Mèŋ n ne ḿbɔ́gɔ ngie ńgwɔ́ n gwɔ́ tó mencwò mencwò gwɔ́ tsetsɛ̀ɛ pi, kègɔ́’ gwɔ́ wó, acÿɔ́g gwɔ́ wó, lézoŋ jʉ’ gwɔ́ wó, lekimé nyìŋ tepòŋ gwɔ́ wó, shwóŋte gwɔ́ wó, aŋá’te nɛ́ gwɔ́ wó, atág gwɔ́ wó.

Efeso 4:31

Pi pú ńkẅile shúm sie ée ntʉ́m pi ńgÿo ncwò gẅi pÿɔ́gɔ, ńkẅile lézá’ lekwɔɔn nyìŋ, ńkẅile gyáŋa lóŋ, tà pi gíŋe ńtág ntsaŋ, tà pi twó ncwò, pi pú ńgwá’ fʉ̀’ nò ntí ntí,

1 Tesalonika 2:3

Anò gie peg zɔɔn ne shwóŋó pʉ̀a, á té nò gie á téŋe wɔ́, peg tè gẅiin nkwaŋá tepòŋ wɔ́, ńké těen ḿbá’a pɔ́ legyè wɔ́.

1 Timote 3:11

Á gíŋe ńzɛ́te ngie pànzwě pɔ́b gíŋe ńgẅiin mekù’, pɔ́ le gwɔ́ ngàŋ melɔ̀ɔn wɔ́, pɔ́ légÿo tsɔ́ mmó tà á cʉa wɔ́, ńgwɔ́ pʉ̀a pie à lɔɔn ńgwɔ́ pɔ́ gÿo kɔ̀ɔkɔ́ɔ gie mé cʉmé mbwo pɔ́b tà mé le lɔ̌’ mǒ gyá.

Titus 2:3

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge gɔɔn lé pànzwě pie é zẅǐŋ ngie pɔ́ gẅiin mà gẅie à poŋ Ssé, ngie tà pɔ́ shwóŋte nà mezíŋ pʉ̀a, ńgie tà pɔ́ ma’ mbùm yɔb nà melù’. Á zɛ́te ngie pɔ́ nyɛɛ mà mbòŋo,

Heber 12:1

Á gʉa ná pege, pʉ̀a ŋwɛ́ métsèm tÿɔ́’ɔ wégè ńnéŋe soŋ, ńne ńnyɛɛ wégè mánzsè. Pú’u la, pege tsó kɔ̀ɔkɔ́ɔ gie á ne ńtáte wégè ńgwá’, té lege menò tepòŋ, é kú’te wégè, ḿbiŋ ńdúe ńcʉ́’ʉ mà. Pege gwá’, ńtɔ́ɔnte yégè ndʉ̌ gẅie e Ssé gɔɔn ngie à lɔɔn ńgwɔ́ pege kÿo. Pege gwɔ́ tà ńne ńkÿo tà pege kʉ́a.

Ŋwà’ne Jâg 1:21

Pú’u la, pi gwá’ menò ncÿǒ ntsèm, ńgwá’a mà gẅie à fóo nà lecÿɔ́g cÿɔ́g. Pi nuŋe ssé mvfò Ssé, ńzẅíŋe shwóŋè gie á ka pye tsɛ̀ɛ ntʉ́m pi. Á nue à ku’u légÿo pi tsẅɛ́.

Ŋwà’ne Jâg 3:14

Tá ńké ńgwɔ́ gie pi lɔɔn ńgẅiin kègɔ́’ gẅie à léen ńgá’ mbɔɔ lʉŋte nnɛ́ tsɛ̀ɛ ntʉ́m pi, tà pi gíŋ ńŋá’te ngie pi ee pàzsé nò, tà pi lɔg cÿɔ̌ nò, ḿbyága nò nénʉ́.

Ŋwà’ne Jâg 4:11

Mefɛ́ pɔ́ɔn, tà zẅɛ́te gwɔ́ tsetsɛ̀ɛ pi. Nyìŋ lɔɔn ńzẅɛ́te ná fɛ́ we, kà ńtú pɔ́ *lɔ̌’ yé wɔ́, mbà à zẅɛ́te pɔ́ nà *lepʉ̌, ḿbiŋe ńtúu pɔ́ *lɔ̌’ lepʉ̌. Nyìŋ lɔɔn ńké ńtúu lɔ̌’ɔ lepʉ̌, mbà à tè gíŋe ńgwɔ́ nyìŋ gẅie à kú’te lepʉ̌ wɔ́, à cʉ’ʉ́ ńtúu lɔ̌’ɔ lepʉ̌ tú.

Ŋwà’ne Jâg 4:5

Pi kwǎŋ ngie ŋwà’ne Ssé gɔɔn ngie: E Ssé pǔ tè zẅíŋ ngie pege nyé tsɔ̌ nyìŋ á jÿó jʉ’ Zẅìge gie à la ńnéŋe ná pege wɔ pé’e, ḿmeen, meen ńgɔɔn keen?

Ŋwà’ne Jâg 5:9

Mefɛ́ pɔ́ɔn, pi pɔ́ɔn légẅiin zẅɛ́te tsetsɛ̀ɛ pi, ńzsé ngie Ssé tè gÿo gɔɔn ngie pi gwě ntsaŋ wɔ́, à ntsɔ́’te mentsaŋ tǒ tà ńtyé ncwò ndá.

1 Piɛ 2:16

Pi lɔgɔ mà gẅi ńgwɔ́ pá’ pʉ̀a pie mé ka kẅile wɔ́b ndá nkwɔɔn. Tá’, tà wɛ̌ légwɔ́ ké ńcʉ́’ʉ mbwo pi ńgwɔ́ nkǔɔ gie pi ge lɔg lÿoon menò tepòŋ. Pi lɔgɔ mà gẅi ńgwɔ́ pɔ́ menkwɔɔn pe yé Ssé.

1 Piɛ 2:22

Yé Kristo la tè tsɔ́ nò tepòŋ gÿo, ńké tè shwóŋ cÿɔ̌ nò wɔ́.

1 Piɛ 3:10

Mé la zɔɔn ńŋwe’e tsɛ̀ɛ ŋwà’ne Ssé ngie: Nyìŋ lɔɔn ńne ńkwoŋo léńnéŋe mboŋó, ḿbiŋ ńgẅiin melyɛ̌’ lá’ mbòŋo, á poŋ ngie ngàŋ sele lʉ́m yé tá ńgɔɔn nò, ḿbɔ́gɔ nò tepòŋ, ḿbɔ́ɔn ncwò we, ḿbɔ́g cÿɔ̌ nò.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.

1 Piɛ 4:4

Á piŋ ńgwɔ́ nà fʉ̀’ɔɔn pà tèzsé Ssé cʉ́’ʉ ńgyá gi ntí ḿmɔɔn mɔɔn, á nue pia pɔ̌ cʉ’ʉ́ ńteme kwò ńgiŋe légÿo menò mie pɔ́ gyo é gwɔ́ pɔ́ menò shʉ́ wɔ́. Pɔ́ lêen ńké ńcʉ́’ʉ ńzoon gẅi zoon.

Ŋwà’ne Ngyà jʉ’ 14:5

mbà mé laa mé ńjú’ cÿɔ̌ nò kẅɛɛ ncwò pɔ́b wɔ́, *alɔ̌’ɔ yɔ́b té wó wɔ́.