1 Piɛ 1:6 - Nouveau Testament en Ngienboum

⁶ Pi gyá mmó gie á gÿo pi ne ńkága kǎg, tà mbɔɔ pá’ áa fʉ̀’ɔɔn ńne ńzɛ́te ngie pi ná’a ḿmÿɔgɔ nà ngʉ̀ngʉ̀ mentí mentí gie é ne ńkúu gẅí.

1 Piɛ 1:6 ပူးပေါင်းရင်းမြစ်များ

Matio 11:28

Pi metsèm pie pi kǎ pì’ á zɛɛ gẅi tà pi kʉ́a, pi tó ńtsɛ́ɛ wɔ̀ɔn, n gÿo pi zẅɛte.

Matio 26:37

éfaga piɛ pâ penkʉ́ Zebede mépʉ́a, pâ pɔ̌ gʉa, á zye lé jú’ kekáŋ ntʉm ye, legwé pfɛ́ɛ yé,

Matio 5:12

Pi kág ńzɔb ńzíŋ, mélà’mie e Ssé nyɛté máa máa ntsɔ’ɔ́ fà’ né ńdɔgɔ ńzẅí’te gẅí. Pi zɔɔn ńzsé ngie á gíŋe ńgwɔ́ pɔ́ ndʉŋ ndʉŋ pá’, mé la gÿo nà pà *ntsẅì nkʉ̀ Ssé pie é la vɔg ńtó tá pi tó.

Lukase 1:47

Ntʉ́m wɔ̀ɔn ne ńkága tɛ’ ńtí pá’ à gÿǒ mèŋ n tsẅɛ́.

Lukase 10:20

Mbɔɔ pú’u, tà pi kág pɔ́ pá’ *messé tepòŋ jǔ’ ncwò gẅí, pi kág pá’ Ssé ŋwe’é mézíŋ mí tsɛ̀ɛ ŋwà’ne tÿǒ lepwó.

Lukase 2:10

Tá *cÿɔ́’ Ssé ŋwɛ́ gɔɔn né pɔ́b ngie: Tà pi pɔ́g, mèŋ n tóo pɔ́ lépÿé gẅi nò mbòŋo, á gwɔ́ gie á ge náa máa lekág tsɛ̀ɛ ngwòŋ gẅí.

Ŋwà’ne Jâŋ 16:22

Áa ndʉŋ ndʉŋ pá’ pi ee fʉ̀’ɔɔn ńne ḿmÿɔgɔ mÿɔg, tá mèŋ n ge gÿo gíŋe gyá gẅí, pi lêen ńké ńcʉ́’ʉ ńkága kǎg. Atsɔ̌ nyìŋ le ku’u lévéle gẅi lekág wɔ́.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Roma 12:12

Pi ńnéŋe nê lekág ńtí mmó gie pi ne ńzẅí’te. Ngɔ́’ lɔɔn ńkúu gẅí, pi shÿɔg shÿɔg. Pi ké ńne sẅíŋte pɔ́ Ssé té kʉ́a.

Roma 5:11

Pege těen ńdɔgɔ pɔ́ ndà’ yɛ̌ nò ńka’te wɔ́, pege giŋé ńka’te ńtí pá’ Ssé kéen ńcʉa nà nò Cʉ̀apʉ̀a wege Yěsô Kristo ńgÿo mbù gẅie é kaa tsetsɛ̀ɛ pega Ssé mag.

Roma 5:2

Yé Yěsô zɔ la tsɔ́’ɔ mánzsè tá Ssé cÿó gem yégè pá’ɔɔn, ta à cʉ̌’ ńgwaa ńgwɔ́ pɔ́ né pégè pú’u éfó nà pá’ pege zǎb ntʉ́m ná yé Yěsô. Pege ee pá’ɔɔn lékag gwɔ́ ntʉ́m pege tɛ’, á nue pege neŋé ne ńzẅí’te pá’ Ssé ge gÿo gab shúm sie ée nà legú’ we, é ná ségè.

Roma 9:2

Yɛ̌ nò áa ngie mèŋ n neŋé lê kwà’ lemÿɔ́g, ḿbiŋ ne ńjú’u kékáŋ ntʉ́m mèŋ fʉ̀’ ntsèm ńtí mefɛ́ pɔ́ɔn pà Yuda.

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

2 Korento 6:10

Mé kwaŋ ngie peg ne ḿmÿɔgɔ tsɔ́ nò, tá peg ńnéŋe fʉ̀’ ntsèm pɔ́ nê lekág. Mé ne ńdɔgɔ wég ńtóŋo mepóŋ, tá peg ne ńdɔgɔ pʉ̀a tà ńgyɔ́ɔn ńgÿo ngàŋa mmó. Mé ne ńdíe wég pá’ fʉ̀’ gie mmó yég té wó wɔ́ la, tá peg ké ńgẅiin shúm ntsèm.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Filipo 2:26

Kwà’ yé zɔɔn ne ńtsɔ́ɔn tɛ’ légíŋe ńgyá gẅi métsèm, á nue à zsě ngie pi ka jú’u nò guɔ yé, á gege gẅi tɛ’.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

Filipo 4:4

N ge gɔɔn né pi ngie ntʉ́m gẅi ńnéŋe ńkág kág, á nue pi ee pʉ̀a Cʉ̀apʉ̀a. N gɔ̌ɔn né pi ngie, ntʉ́m gẅi ńnéŋe ńkág kág.

1 Tesalonika 1:6

Pi la pí fʉ̀’ ná peg, mbɔɔ ná Cʉ̀apʉ̀a. Mé tsɛ ne ńnyɛɛ gẅi ngɔ́’ tɛ’ tá’, pi lɔgɔ lekág gẅie à fóo mbwo Zẅìge Ndʉalʉ̌a, ńzẅíŋe shwóŋè Cʉ̀apʉ̀a.

Ŋwà’ne Jâg 1:2

Mefɛ́ pɔ́ɔn, ngʉ̀ngʉ̀ mentí mentí lɔɔn ńne ńkúu gẅí, pi lɔg pɔ́ kwà’ lekág ńkẅé.

Ŋwà’ne Jâg 1:9

Á poŋ ngie fɛ́ wege gẅie aa fÿɔg kág, á nue e Ssé ŋǎ’ nzẅìŋ wé.

Ŋwà’ne Jâg 4:9

Pi zsé ngie pi ee megàŋ ngɔ́’, ńdúŋ legwé ńdʉa. Á ne ńzɛ́te ngie gẅi légẅe sele ńcʉ́’ʉ lélʉa, agẅi lekág sele ńcʉ́’ʉ lémÿɔg.

1 Piɛ 3:17

Mvfò aa nyìŋ légwɔ gyá ngɔ́’ ńne ńgÿo pɔ́ nò mbòŋo pá’ Ssé lɔɔn ńkwoŋ ngie à gwɔ́ pú’u, ńcʉa pá’ ńgwɔ́ nyìŋ gwaa gyá ngɔ́’ ńne ńgÿo nò tepòŋ.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.