1 Piɛ 1:5 - Nouveau Testament en Ngienboum

⁵ ée shúm sí, pi pʉ̀a pie Ssé ne ńdɔgɔ metʉ̀ mé ḿbyɛ́bɛ gẅí, á gwɔ́ pá’ pi ne ńzába ntʉ́m ná yé. À pyɛ́bɛ gẅi pá’ pi ge gÿo gẅiin letsẅɛ́ gẅie à ge lá’a lyɛ’ɛ́ nzsònzèm é gÿo mé gyá.

1 Piɛ 1:5 ပူးပေါင်းရင်းမြစ်များ

Ŋwà’ne Jâŋ 12:48

Nyìŋ lɔɔn ńgwá’a wɔ̀ɔn, ńdʉ’ʉ shwóŋè yɔ́ɔn, mbà ngàŋ gẅiin nyìŋ gẅie à ge ŋaga yé. Ashwóŋè gie mèŋ n ka gɔɔn zɔ̌ ge lá’ ŋaga yé lyɛ’ɛ́ nzsò nzèm.

Ŋwà’ne Jâŋ 17:15

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

Ŋwà’ne Jâŋ 4:14

Tá nyìŋ nú ntse gẅie mèŋ n zɔ nǎ mbwo yé, mbà gág yé té ńdá’a ńgíŋe shÿó wɔ́. Mbà ntse mɛ́ ge kúu mbùm yé, é cʉ́’ pɔ́ lesá’a ntse, á jʉ’ gie ntse ge ne fóo wó cwoŋo, é náa yé le gwɔ́ tèmì.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Roma 11:20

Oon mé la ké ńkɔ́’ɔ wɔ́b ńgwá’, á gwɔ́, mélà’mie pɔ́ kaa záb ntʉ́m ná Kristo wɔ́. Ɔ̀ piŋ ńgwɔ́ jʉ’ó, mélà’mie ɔ̀ zǎb ntʉ́m ná Kristo, tá’ tè ké ńŋá’te, tà ńcʉ́’ pú’u, ɔ̀ lag pɔ́ twó jú.

Roma 8:18

Mèŋ n zɔɔn ne ńkwaŋa ngie, ngɔ́’ gie pege ee fʉ̀’ɔɔn ne ńgyá e pú tè ku’u tsɔ́ mmó nà legú’ gẅie Ssé ge gÿo gÿo pege gyá wɔ́.

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

2 Korento 1:24

Peg ne ńzsé ngie gẅi lézáb ntʉ́m ná Yěsô Kristo à tʉte, peg tě fa’a létó sẅɛ́ɛ gẅí, ńzáb pá’ pi ge gÿo wɔ́. Peg tsɔ́ɔn pɔ́ létó ńkẅéte gẅi pi mege ńjú’ mboŋó.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Efeso 2:8

À la cÿó gʉm gí, ńgÿo pi tsẅɛ́, éfóo ná pá’ pi la záb ntʉ́m ná Yěsô. Á té fóo né pi wɔ́, à la lɔg pɔ́ pòŋo ntʉ́m yé ńgÿo.

Efeso 3:17

Mèŋ n giŋé ne sẅíŋte yé ngie à gÿo pi ké ne ńzába ntʉ́m pɔ́ ná Yěsô Kristo. Kristo lɔg pú’u, ńké ne ńnéŋe ńgwɔ́ pɔ́ tsɛ̀ɛ ntʉ́m gẅí. N giŋé ne sẅíŋte ngie à gÿo pi kwoŋ Ssé, ḿbiŋ ńgẅiin nkwòŋe tsetsɛ̀ɛ pi, à cʉa pú’u, pi tyé ńtʉ pá’ tÿǒ gie menŋàŋ mé kúu ssé, mbɔɔ pá’ ndá gie à cÿǒ á kúu ssé.

Filipo 1:6

Mèŋ n zsě ngie yé Ssé gẅie à la zye mefà’ mbòŋo tsɛ̀ɛ ntʉ́m pi, á ge lɔg gʉa pɔ́ lê mvfò tà lá’ kúu lyɛ̌’ gie Yěsô Kristo ge lá’ gíŋ tó.

Filipo 4:7

Pi ge gÿo pú’u, e Ssé náa sẅétè gie nyìŋ mesoŋ tè zsé pá’ á gwɔ́ wɔ́ né pi. Yɛ̌ sẅétè pyɛ́bte mentʉ́m mí, nê nkwaŋá gẅí, ńgÿo é tyé pɔ́ ná Yěsô Kristo.

2 Timote 3:15

Ɔ̀ la gwaa lu ssé ńne ńzsé mmó gie ŋwà’ne Ssé áa yɛ̌, ńgwɔ́ yɛ̌ zɔ̌ náa gú legyè lélɔg ńzáb ntʉ́m ná Yěsô Kristo, e Ssé gÿo ɔ̀ tsẅɛ́.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Heber 6:12

Tà pi cʉ́’ melǒŋ. Tà ńcʉ́’ pú’u, pi pí fʉ̀’ ná pʉ̀a pie pɔ́ lɔgɔ lézáb ntʉ́m nà Ssé mbɔɔ lé zẅí’te té kʉ́a, ńkẅé mmó gie e Ssé la ka’a lénáa mbwo pɔ́b.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Piɛ 4:13

Pi cʉ́’ ńkág kág á nue pi ne ńgyá gi ngɔ́’ pá’ kristo, à cʉa pú’u, pi gÿo ńgwɔ́ tà ńgyá legú’ we ńgíŋe ńgẅiin gí máamáa lekág.

1 Piɛ 5:1

Mèŋ n gɔɔn yɔɔn nò fʉ̀’ɔɔn lélɔg ńtÿɔ́gte pàkẅé mvfò pie ée tsɛ̀ɛ cú’tè gí, ńgwɔ́ yɔ́ɔn kẅè mvfò pá’ pɔ́b, mbà Kristo la gwɔ ne gyá ngɔ́’, mèŋ n tyé jʉ’ó. Mèŋ n ge gÿo gẅiin yɔ́ɔn jʉ’ tsɛ̀ɛ legú’ gẅie e Ssé ge gÿo gÿo à kẅɛ́.

2 Piɛ 1:3

E Ssé léen ńdɔg metʉ̀ mé, ḿbú náa wégè kɔ̀ɔkɔ́ɔ gie á ne ńzɛ́te ngie pege gẅiin tá ńdɔg ńnéŋe, ńne ńdáa nnɛ́ pɔ́ ndà’ ná yé. À la zɔɔn ńgÿo pege zsé yé Ssé gẅie à la tóŋo wégè pá’ paga pɔ̌ ge pú gwɔ́ tsɛ̀ɛ legú’ we, é jÿó pì póŋo ntʉ́m yé.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,