1 Piɛ 1:3 - Nouveau Testament en Ngienboum

³ Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

1 Piɛ 1:3 ပူးပေါင်းရင်းမြစ်များ

Ŋwà’ne Jâŋ 1:13

Legwɔ̌ pú’u, à tě fóo nà ntí gie mámbàŋa pɔ́ manzwě kwǒŋ ńzyé wɔ́, ńké tě fóo ná lekwoŋ we nyìŋ mesoŋ wɔ́, mé gɔɔn légwɔ́ púɔ Ssé, mbà Ssé zɔ kwǒŋ yɛ̌ ntí lezyé.

Roma 12:12

Pi ńnéŋe nê lekág ńtí mmó gie pi ne ńzẅí’te. Ngɔ́’ lɔɔn ńkúu gẅí, pi shÿɔg shÿɔg. Pi ké ńne sẅíŋte pɔ́ Ssé té kʉ́a.

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

Roma 4:25

Yé zɔ la ńnéŋe Kristo mbwo pʉ̀a pá’ à ge kwé é tí menò tepòŋ mégè. Á la piŋ ńzíme yé nà legwé éfó mǒ ńcʉ́’ ńdíe wégè pege gwɔ́ ndʉŋ ndʉŋ mvfò yé.

Roma 5:10

Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

Roma 8:24

Pege ee fʉ̀’ɔɔn, mbà pege ka tsẅɛ́, tá pege nyě tè gyǎ shúm ntsèm lê nÿɔ́g. Pege zɔɔn ńdɔg nÿɔ́g ńgyá shúm sie pege ka ne ńzẅí’te, pege é le gíŋe ńzẅí’te wɔ́, á nue é ně ńdá’ ńgwɔ́ mbwo pege. Ngwɔ́ wɔ̌ zɔɔn ńnéŋe ne ńzẅí’te mmó gie à ne ńgyá?

1 Korento 13:13

Pege lɔgɔ pá’ɔɔn ńgyá ngie eshúm sie é ge lá’a gwɔ́ pɔ́ wó ée sétá: Wɔɔn aa lezǎb ntʉ́m nà Ssé, wɔɔn gwɔ́ léńnéŋe ńně ńzẅí’te mmó mbwo Ssé, ńgÿo lékwoŋo nyìŋ mesoŋ. Tá’, atwó ye lÿò nà shúm sɔɔn sétá à gwɔ́ pɔ́ lekwoŋo nyìŋ mesoŋ.

1 Korento 15:20

Tá’ á ké tè pú’u wɔ́, Kristo la kwa’ ńzíme nà legwé ńgwɔ́ ndùŋ mvfò, ńdɔgɔ ńnyɛɛ ngie epʉ̀a pie é la kwé ge lá’ gíŋ zím yɔ́b nà legwé.

2 Korento 1:3

!Pege ná ndǎg mbwo Ssé, Tá pà Cʉ̀apʉ̀a wégè Yěsô Kristo, gẅie letsɔ̌ɔn mezìŋe pʉ̀a fóo pɔ́ ne yé, letoonté wɔ́b á fóo pɔ́ ne yé.

Galatia 6:16

E Ssé nyɛ ngie ntʉ́m wé ée mbòŋ, ḿbiŋ ńnéŋe sẅétè tsɛ̀ɛ ntʉ́m pʉ̀a metsèm pie ée gÿo jú’ wɔɔn ntÿɔgɔ́ we sẅé, é tÿɔ́gɔ kwò mǒ, mbɔɔ mbwo pʉ̀a Ssé tà mag.

Efeso 1:17

Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

Efeso 1:3

!Pege nê ńgu’te Ssé Tá pà Cʉ̀apʉ̀a wege Yěsô Kristo. À la gÿo nò mbòŋo ná pege, ńná shúm mbòŋo ntsèm sie éfóo tàa tÿǒ né pege, ńná pú’u, ńcʉa ná pá’ à la lá’ ńtemte wégè lâ Kristo,

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 2:4

Tá’ e Ssé kě ńtsɔ́ɔn mezìŋe pʉ̀a mesoŋ tɛ’. Á la piŋ ńcʉa pɔ́ nà ntí gie à la lɔg ńkwoŋo wégè,

Efeso 3:20

Yé Ssé, à ku’u légÿo kɔ̀ɔkɔ́ɔ ná pege, ńgÿo tà ńkwa’ ḿbú ńtɔ́g pá’ pege ne ńdúɔ, mbɔɔ pá’ pege ne ńkwaŋa. À gwɔ́ gÿo ńdɔg pɔ́ metʉ̀ mé mie é fa’a tsɛ̀ɛ mentʉ́m mégè.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

1 Tesalonika 1:3

Peg ne sẅíŋte Tá wege Ssé fʉ̀’e kɔ́ wɔ́, ńkímte pá’ pi lɔg pá’ pi záb ntʉ́m ná Yěsô éfa’ mefà’, ńkímte ntí fà’ gie pi lɔg nkwòŋe éfa’, ḿbiŋ ńkímte pá’ pi ne ńzẅí’te Cʉ̀apʉ̀a Yěso Kristo té kʉ́a.

1 Tesalonika 4:13

Mefɛ́ mefɛ́, peg ne ńkwoŋo ngie pi zsé nò nénʉ́ gie á líe mepfó, légwɔ́ gie pi tè ńnéŋe nê lemÿɔg pá’ petsɔ́ pʉ̀a mesoŋ pie pɔ́ té ne ńzẅí’te tsɔ́ mmó mbwo Ssé wɔ́ wɔ́.

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

Ŋwà’ne Jâg 1:18

Yé zɔ la kwoŋ, ńdɔgɔ shwóŋe gie áa nénʉ́, ńgÿo pege tsẅɛ́, légwɔ́ gie pege ge gwɔ́ mbwo yé, é gwɔ́ ntwó mmó ná ngwòŋ kɔ̀ɔkɔ́ɔ gie à la gÿo.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Piɛ 1:23

Mé ka zɔɔn ńzyé gẅi lezyé we sẅé, tà à tè gwɔ́ pɔ́ lezyě we nyìŋ mesoŋ gẅie aa ńkwé wɔ́. À gwɔ̌ pɔ́ gẅie à fóo ná mbyè mmó gie e tě ńdá’a ńkwé wɔ́, yɛ̌ mbyè mmó gwɔ́ shwóŋè Ssé gie á náa kwà’ le gwɔ́, ńgwɔ́ gie á ge lá’a gwɔ́ pɔ́ wó.

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

1 Piɛ 3:15

Tá ńcʉ́’ pú’u, pi gwɔ́ tsɛ̀ɛ ntʉ́m gẅí, ńne ńnáa pɔ́ mekù’ Kristo ngie yé zɔɔ Ndè gẅi. Pi gwɔ́ fʉ̀’ ntsèm ńtyé pɔ́ pá’ nyìŋ zɛ́te gẅi ngie mélà’a kɔ́ pi tÿɔ́g nkwaŋá gẅi ná Kristo wɔ́, pi kyɛ́’te shwóŋó ngàŋ.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

1 Piɛ 3:5

Yɛ̌ zɔɔ ńtí gie pánzwě pe fʉ̀’é mvfò pie pɔ́ lɔ́ɔn ḿbɔ́gɔ Ssé, ńnéŋe ne ńzẅí’te mmó gie Ssé la ka’, lɔ́ɔn ńkẅiŋe mbùm yɔ́b pú’u, ńne sẅí’i mbùm yɔ́b ńnáa ssé á mvfò melúm pɔ́b,

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.

1 Jâŋ 3:9

Wɔ̌wɔ́ɔ gẅie à vɔg tà ńcʉ́’ʉ míŋ Ssé, à tè gíŋe ńnéŋe ńgÿo nò tepòŋ wɔ́, á nue le gwɔ́ gẅie à fóo ná Ssé aa ná yé ńgwɔ́ pá’ mbyè mmó la. À tè gíŋe ńku’u légÿo nò tepòŋ wɔ́, á nue aa míŋ Ssé.

1 Jâŋ 4:7

Meshǔ pɔ́ɔn pe tʉ̀ nzẅìŋ, !pege gẅiin nkwòŋe tsetsɛ̀ɛ pege, á nue nkwòŋe fóo mbwo Ssé. Nyìŋ gẅie à gẅiin nkwòŋe aa míŋ Ssé, ńne ńzsé Ssé

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.

1 Jâŋ 5:18

Pege ne ńzsé ngie nyìŋ gwɔ̌ tà ńcʉ́’ʉ míŋ Ssé, à tè gíŋe ńnéŋe fʉa nò fʉa wɔ́, á nue Míŋ Ssé ne ńtÿɔ́’te yé, nyìŋ tepòŋ tè gẅiin shÿó lézába pwó ná yé wɔ́.

1 Jâŋ 5:4

Á nue wɔ̌wɔ́ɔ gẅie aa míŋ Ssé, à tʉ̌ ńcʉa kɔ̀ɔkɔ́ɔ gie á táte yé tsɛ̀ɛ njÿó. Ammó gie á gÿo pege tʉ ńcʉa njÿó, áa pá’ pege záb ntʉ́m ná Yěsô Kristo.