1 Piɛ 1:25 - Nouveau Testament en Ngienboum

²⁵ Tá’, ashwóŋè Cʉ̀apʉ̀a á ge lá’a tyé pɔ́ pú’u, é mengù’u mengù’. Yɛ̌ shwóŋè áa gie pi ka jú’u tsɛ̀ɛ nkʉ̀ mbòŋo gẅie mé ka tsẅii mbwo pi.

1 Piɛ 1:25 ပူးပေါင်းရင်းမြစ်များ

Matio 5:18

Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Lukase 16:17

Tá n ké tě ńdɔgɔ ńgɔɔn ngie *lepʉ̌ Mǒsê mǎg wɔ́, lefaŋ pɔ́ tsetsá’ ge lá’ mag tá á le tʉ, à lɔɔn ńgwɔ́ múɔ mélǎga nò lê pilé, á le lá’ ḿbyé nà *lepʉ̌ Mǒsê wɔ́.

Ŋwà’ne Jâŋ 1:1

Njÿó la gwɔ́ zyète, ashwóŋè gwɔ́ pɔ́ wó, yé shwóŋè pɔ́ Ssé laa wó. Á piŋ ńgwɔ́ pɔ́ Ssé.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

1 Korento 2:2

Á nue n da záb ngie n tě ńgee zsé tsɔ́ nò ndyɛ̀’ɛ tsetsɛ̀ɛ pi tà á le gwɔ́ pɔ́ nò Yěsô Kristo, á Yěsô Kristo gẅie mé la kime yé nà tÿǒ nkǐ wɔ́.

Efeso 2:17

Kristo la tóo létsẅi nkʉ̀ mbòŋo gẅie é náa sẅétè á mbwo pi pie pi tè pà Yuda wɔ́, mbà pi ka tè lejʉ́ŋ Ssé wɔ́, ńgíŋe ńtsẅi mbɔɔ mbwo pà Yuda pie pɔ́ kaa lejʉ́ŋ Ssé.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Titus 1:3

À la ńnéŋe tà fʉ̀’ ku’, à gÿo mé zsé légwɔ́ tèmì ŋwɛ́, éfó nà shwóŋè yé. Yé Ssé gẅie à gÿo pege tsẅɛ́, à la cʉ́me yɛ̌ shwóŋè mbwo mèŋ, ńgie mèŋ sá’a mbwo lá’.

1 Piɛ 1:12

E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.

1 Piɛ 1:23

Mé ka zɔɔn ńzyé gẅi lezyé we sẅé, tà à tè gwɔ́ pɔ́ lezyě we nyìŋ mesoŋ gẅie aa ńkwé wɔ́. À gwɔ̌ pɔ́ gẅie à fóo ná mbyè mmó gie e tě ńdá’a ńkwé wɔ́, yɛ̌ mbyè mmó gwɔ́ shwóŋè Ssé gie á náa kwà’ le gwɔ́, ńgwɔ́ gie á ge lá’a gwɔ́ pɔ́ wó.

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

2 Piɛ 1:19

Á té ndà’ pú’u wɔ́ pege giŋé ńgẅiin shwóŋè pà *ntsẅì nkʉ̀ Ssé gie à lɔɔn ńgwɔ́ mé le jú’ ḿmʉ’te wɔ́. Á póŋ ngie pi cwòŋo ńjú’u yɛ̌ shwóŋè. Áa pá’ lâm gẅie à kyɛ’ɛ jʉ’ gie á ne síŋe. Pi cwoŋo ne ńjú’u ńdɔg ńzẅí’te lyɛ̌’ gie Yěsô ge lá’ gíŋ tó. Pá’ cÿɔ́’ saŋ gẅie à kwɔ̌’, njÿó gwóon ńdʉ́a. À ge tó kyɛ’ jʉ’ mbwo mentʉ́m mi.

1 Jâŋ 1:1

Peg ŋwe’e yɔɔn ŋwà’ne ńnáa né pi ńdɔgɔ shwóŋó gẅi nò ná shwóŋè gie á gÿo mé gwɔ́ wó, á gie aa ńgwɔ́ pɔ́ wó tà fó nzyète shúm ntsèm, peg la lɔg metuŋó még ńjú’, ńdɔg nÿɔ́g még ńgyá, ńnyɛte ńdíe ńdɔg mbwó még ńkíbe.

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

Ŋwà’ne Ngyà jʉ’ 14:6

N gíŋe ńgyá tsɔ̌ tà’ *cÿɔ́’ Ssé gwɔ́ tàa tÿǒ lefaŋ ńne ńzie, ńgẅiin tsɔ́ nkʉ̀ mbòŋo gẅie ée we tèmì, pá’ à ge gʉa tsẅii mbwo pʉ̀a pie ée ndùmo ssé tsetsá’, á tsɛ̀ɛ mbɔɔ wɛ̌ ngwòŋ wɔ́, á mbwo yɛ̌ ngẅɛ̀ ndá wɔ́, á mbwo pàshwóŋó yɛ̌ ntí shwóŋè wɔ́, á mbwo yɛ̌ ntí ntí nyìŋ mesoŋ wɔ́.