1 Piɛ 1:23 - Nouveau Testament en Ngienboum

²³ Mé ka zɔɔn ńzyé gẅi lezyé we sẅé, tà à tè gwɔ́ pɔ́ lezyě we nyìŋ mesoŋ gẅie aa ńkwé wɔ́. À gwɔ̌ pɔ́ gẅie à fóo ná mbyè mmó gie e tě ńdá’a ńkwé wɔ́, yɛ̌ mbyè mmó gwɔ́ shwóŋè Ssé gie á náa kwà’ le gwɔ́, ńgwɔ́ gie á ge lá’a gwɔ́ pɔ́ wó.

1 Piɛ 1:23 ပူးပေါင်းရင်းမြစ်များ

Matio 24:35

Lefaŋ pɔ́ tsetsá’ ge gÿo mag tá shwóŋó yɔ́ɔn lá’ le pyé.

Lukase 8:11

Á cʉ́’ʉ lékyagte yɔɔn sagá nò ńgɔɔn ngie: Mbyè mmó lɔgɔ ńgwɔ́ shwóŋè Ssé.

Ŋwà’ne Jâŋ 1:13

Legwɔ̌ pú’u, à tě fóo nà ntí gie mámbàŋa pɔ́ manzwě kwǒŋ ńzyé wɔ́, ńké tě fóo ná lekwoŋ we nyìŋ mesoŋ wɔ́, mé gɔɔn légwɔ́ púɔ Ssé, mbà Ssé zɔ kwǒŋ yɛ̌ ntí lezyé.

Ŋwà’ne Jâŋ 1:3

Akɔ́ɔkɔ́ɔ gwaa gwɔ́ wó, ńcʉa pɔ́ ná yé. Atsɔ́ mǒ té gwɔ́ wó té gwɔ́ gie á cʉ̌a pɔ́ ná yé wɔ́.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Ŋwà’ne Jâŋ 6:63

A Zẅìge Ssé zɔ̌ gÿo mé kwà’ ńgwɔ́ wó. Nyìŋ mesoŋ nê twó yé tè ku’u légÿo tsɔ́ mmó wɔ́. Ashwóŋè gie mèŋ n náa mbwo pi fóo mbwo Zẅìge Ssé, yɛ̌ shwóŋè zɔ̌ gÿo tá mé gwɔ́ wó.

Roma 1:23

Pɔ́ nyé légu’te Ssé gẅie à gẅiin legú’, ńgwɔ́ tè kwé, ńcʉ́’ ńgu’te pɔ́ shúm sẅɛ̀ɛ, éshúm sie é sẅé nyìŋ mésoŋ gẅie aa ńkwé, ésẅé meshʉ́ŋ, setsɔ́ sẅé menɔ̀ɔn pie é gẅiin mekwò lekùa, setsɔ́ sẅé menɔ̀ɔn pie éshwoŋo lepfòm sɔ́b ssé.

Heber 4:12

Ashwóŋè Ssé zɔɔn ńgwɔ́ ntentʉ́ tà ńkwa’ fa’ mefà’, atwó yé sẅíte tà ńcʉa mbɔɔ ye yɛ̌ nně ncù wɔ́ gie e gẅiin mengʉ́ŋ mbʉ́a, á shú ńkúu ná nyìŋ kǔ tà ńcʉa nà jʉ’ gie azẅìge ngàŋ pɔ́ ntʉ́m wé temte wó, tà ńcʉa nà jʉ’ gie mejwoŋó mbùm ngàŋ pɔ́ mefóon mie ée tsɛ̀ɛ mekẅǐ mé ée wó. Á ŋaga nyìŋ ná mmó gie ngàŋ ne ńtsɔ́ɔn mbɔɔ ná gie à ne ńkwaŋa ntʉ́m yé.

Ŋwà’ne Jâg 1:18

Yé zɔ la kwoŋ, ńdɔgɔ shwóŋe gie áa nénʉ́, ńgÿo pege tsẅɛ́, légwɔ́ gie pege ge gwɔ́ mbwo yé, é gwɔ́ ntwó mmó ná ngwòŋ kɔ̀ɔkɔ́ɔ gie à la gÿo.

1 Piɛ 1:25

Tá’, ashwóŋè Cʉ̀apʉ̀a á ge lá’a tyé pɔ́ pú’u, é mengù’u mengù’. Yɛ̌ shwóŋè áa gie pi ka jú’u tsɛ̀ɛ nkʉ̀ mbòŋo gẅie mé ka tsẅii mbwo pi.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

1 Jâŋ 3:9

Wɔ̌wɔ́ɔ gẅie à vɔg tà ńcʉ́’ʉ míŋ Ssé, à tè gíŋe ńnéŋe ńgÿo nò tepòŋ wɔ́, á nue le gwɔ́ gẅie à fóo ná Ssé aa ná yé ńgwɔ́ pá’ mbyè mmó la. À tè gíŋe ńku’u légÿo nò tepòŋ wɔ́, á nue aa míŋ Ssé.

1 Jâŋ 5:18

Pege ne ńzsé ngie nyìŋ gwɔ̌ tà ńcʉ́’ʉ míŋ Ssé, à tè gíŋe ńnéŋe fʉa nò fʉa wɔ́, á nue Míŋ Ssé ne ńtÿɔ́’te yé, nyìŋ tepòŋ tè gẅiin shÿó lézába pwó ná yé wɔ́.