1 Piɛ 1:18 - Nouveau Testament en Ngienboum

¹⁸ Pi zɔɔn ne ńzsé tʉ̀ nzẅìŋ mmó gie e Ssé la ná tá ńdɔg ńkẅile gẅi nà ntí leńnéŋe gie e tè kẅéte, é gie metá pi la zí’i gẅí, yɛ̌ mmó á té pá’ tʉ̌ gɔ̂l kà nkáb wɔ́ gie nzẅìŋ ge fó lyɛ̌’ mag wɔ́.

1 Piɛ 1:18 ပူးပေါင်းရင်းမြစ်များ

Malékuse 8:37

À lɔɔn ńgwɔ́ nyìŋ lɔgɔ kɔ́ ńdɔg ńkúbe twó yé?

Roma 1:21

Pɔ́ zsé Ssé, tá pɔ́ té gu’te yé, ésíe yé pá’ á ne ńzɛ́te ngie mé gÿo pú’u, nà Ssé wɔ́. Tà ńcʉ́’ pú’u, mbà legyè sɔ́b la fʉte wɔ́b pɔ́ fʉa mánzsè, ntʉ́m wɔ́b gẅie é gẅiin pɔ́ gʉ̀gʉ̀ nzsenò gÿo pɔ́ gwé tsɛ̀ɛ nzěm.

1 Korento 3:20

Ŋwà’ne Ssé gíŋe ńgɔɔn ngie: «Cʉ̀apʉ̀a zsé nkwaŋá nò pàzsé nò. À zsě ngie é té tsɔ́ mmó ku’».

1 Korento 6:20

E Ssé la náa mmó ńdɔg fó ndá nkwɔɔn ńcu’u gẅi. Pi ké ńdɔg mbùm gi ńná mekù’ mbwo Ssé.

1 Korento 7:23

Kristo la cú’u gẅi ndá nkwɔɔn lê ntʉ̀ nzẅìŋ mmó. Pú’u la tà pi cʉ́’ menkwɔɔn pʉ̀a mesoŋ.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

Efeso 4:17

Áa mmó gie á gÿo, mèŋ n ge gɔɔn yɔɔn nò tà cwoŋo gɔɔn né pi á nà lezíŋ Cʉ̀apʉ̀a ngie: Tà pi gíŋe ńgÿo shúm sí pá’ pʉ̀a pie pɔ́ té Ssé zsé la. Pɔ́ gÿo pɔ́ mmó gie nkwaŋá wɔ́b gẅie é té kẅéte shwóŋó wɔ́b ngie pɔ́ gÿo.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 9:12

Kristo la kúu kwà’ tsɛ̀ɛ jʉ’ gie e Ssé ee wó. À la kú pɔ́ tà’ legʉ̀a á ku’. Á la gwɔ kú, à tè gẅiin metse mbÿɔ́b, kà me púɔ fòŋ lényɛɛ mbwo Ssé wɔ́. À la lɔg pɔ́ kwà’ metse mé ńkú. Wɔɔn aa pá’ à la kẅile wégè ndá tsǎŋ pú’u, pɔ́ ndà’.

1 Piɛ 1:7

Ngʉ̀ngʉ̀ kúu gẅi légwɔ́ gie mé ge gyá ngie pi kwa’ ńzáb ntʉ́m nà Ssé. Tʉ̌ gɔ̂l gie á té ge lá’a gwɔ́ pɔ́ wó wɔ́, mé cʉ́’ʉ lézẅí’, ńtuɔ mmɔ̌g, ncÿǒ kẅɛɛ mǒ. Áa ndʉŋ ndʉŋ pá’ gẅi lézáb ntʉ́m nà Ssé gẅie aa mmó tʉ̀ nzẅìŋ ńcʉa tʉ̌ gɔ̂l, ge cʉa pɔ́ ná pá’ ngʉ̀ngʉ̀ mentí mentí gie e ne ńkúu gẅí, e ge ne zẅí’i gẅi yé, tá nyɛ ngie à tʉte. À lêen ńké ńcʉa pú’u, pi lá’a lyɛ̌’ gie Yěsô Kristo tǒ, mé ná ngɔ́ɔnte gi, ńnéŋe gẅi tsɛ̀ɛ legú’, ńgÿo mekù’ mí.

1 Piɛ 4:3

Apàa á zɔ̌ɔn ńzá’a pá’ pi ka ne ńgÿo mmó gie pà tézsé Ssé ne ńkwoŋo. Pi kɔ̌ɔn fʉ̀’ʉ menò tà sá’a sǎ’, ńne ńgÿo kɔ̀ɔkɔ́ɔ gie mbùm gi tsóte gẅi légÿo, ḿbʉ́a melù’, ńcú’te ná linɔ́ɔn lépfɛ́ shúm, ńgÿo menò shʉ́, pi kɔ̌ɔn ńzɔ́gɔ pɔ́ lénú melù’, pi kɔ̌ɔn ńgu’te shúm ngie ee messé, á gwɔ́ mmó gie Ssé pǔ tè kwoŋ.

1 Jâŋ 3:5

Pi ne ńzsé ngie Yěsô Kristo la tó lézyɛ́b menò tepòŋ, atsɔ́ nò tepòŋ piŋ ńké tè ná yé wɔ́.