1 Piɛ 1:17 - Nouveau Testament en Ngienboum

¹⁷ Pi gʉa fʉ̀’ ntsèm gie pi ne sẅíŋte Ssé, pi tóŋ Ssé lê Tá gẅi, pú’u la, pi lɔg melyɛ’ɛ́ lá’ mie pi nyě ńgẅiin tsɛ̀ɛ yɔɔn njÿó, ńnyɛɛ tsɛ̀ɛ gẅi leńnéŋe ngie pi ne ńnáa mekù’ mé. Aa nyìŋ gẅie à zá’ ntsaŋ pʉ̀a mesoŋ té gẅiin tyɛ̀’te, éfó pɔ́ nà mmó gie nyìŋ gÿǒ tá ńzá’ ntsaŋ ngàŋ.

1 Piɛ 1:17 ပူးပေါင်းရင်းမြစ်များ

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 22:16

ńtúm tsɔ́ ntá’ pʉ̀a ná *ngàŋa kwò yɔ́b, mbɔɔ tsɔ́ ntá’ pʉ̀a ná kwò pʉ̀a *Herôd ngie: Pɔ́ gʉa ńgɔɔn né Yěsô ngie: Tsítsa, peg ne ńzsé ngie ɔ̀ gɔɔn nò, ḿbiŋ ńda’te pɔ́ nò gie á tyé ndʉŋ ndʉŋ, ńgɔɔn té pɔ́gɔ nyìŋ, ḿbiŋ ńké tè líe nyìŋ mesoŋ pɔ́ ná shÿó wɔ́, ńda’te nò nénʉ́ pɔ́ pá’ Ssé ne ńzɛ́te ngie mé gÿó pú’u.

Matio 6:9

Pi lɔɔn ne sẅíŋte Ssé pi gɔɔn ngie: Tá weg, gù gẅie ɔ́ɔ tÿǒ lepwó. Gÿo pʉ̀a mesoŋ zsé ngie ee ndà’ gú ńgwɔ́ Ssé.

Roma 11:20

Oon mé la ké ńkɔ́’ɔ wɔ́b ńgwá’, á gwɔ́, mélà’mie pɔ́ kaa záb ntʉ́m ná Kristo wɔ́. Ɔ̀ piŋ ńgwɔ́ jʉ’ó, mélà’mie ɔ̀ zǎb ntʉ́m ná Kristo, tá’ tè ké ńŋá’te, tà ńcʉ́’ pú’u, ɔ̀ lag pɔ́ twó jú.

2 Korento 1:2

Tá wege Ssé mbɔɔ Cʉ̀apʉ̀a Yěsô Kristo ne ńgwɔ́ né pi ḿbiŋ ne ńnéŋe sẅétè ntʉ́m pi.

2 Korento 5:6

Pú’u, tá pege ee fʉ̀’ ntsèm ńcʉ́’ ńnéŋe pɔ́ nê lekág pá’ɔɔn tɛ’. Pege té ne ḿmoŋe ngie pege lɔɔn ńdá’ ńnyé ńgwɔ́ pɔ́ tsɛ̀ɛ yɔɔn mbùm nnɛ́, mbà pege nyě tè gwɔ̌ lejʉ́ŋ Cʉ̀apʉ̀a, mbà pege gwɔ̌ pɔ́ ngʉ̀a shʉ̀shʉ̀a wɔ́.

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

2 Korento 7:11

Pi líe pɔ́ mmó gie yɛ̌ ntí lemÿɔg, á nà ntí gie e Ssé ne ńkwoŋo, e ka gÿo ná pi tá ńgyá. Gyá gẅi lésẅɛte á fʉ̀’ gie nò áa ssé, gyá gẅi lélúɔ ngie mé lege mefʉa mí ńná né pi. Gyá gẅi lemÿɔgɔ nò yɔ́ɔn, gyá gẅi lépɔ́gɔ nò, gyá gẅi létsɔ́ɔn légyá wɔ̀ɔn, gyá gẅi lézeŋe nnɛ́, gyá gẅi lézáb ngɔ́’ twó nyìŋ gẅie à fʉ̌a nò. Pi ka lɔg meshÿó ntsèm ńda’te ngie pi ka tè gíŋe ńne ńzsé tsɔ́ nò ná yɔ̀ɔn nò wɔ́.

Galatia 2:6

Á gʉa ná pʉ̀a pie mé lɔ́ɔn ńdíe wɔ́b ngie pɔ́ ee melÿò, mbà pɔ́ la tè gyá ngie pɔ́ ge kẅi’i tsɔ́ mmó ná nò gie mèŋ n tsẅii wɔ́. Ammó gie pɔ́ la zɔɔn ńgwɔ́ yɛ̌ fʉ̀’e mvfò á té líe wɔ̀ɔn nà tsɔ́ nò wɔ́. Á nue e Ssé tè gẅiin tyɛ̀’te ná pʉ̀a mesoŋ wɔ́.

Efeso 1:17

Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

Efeso 3:14

Áa mmó gie á gÿo mèŋ n kẅí’te mvfò Ssé Tá

Efeso 6:9

Pi metá pu’ pi gẅiin gí menkwɔɔn mí nê ntʉ́m mbòŋo. Tà pi vege wɔ́b vege. Pi zsé ngie pia pɔ́ pǔ ńgẅiin pɔ́ tà’ Nyìŋ gẅie à sá’a gẅi lâ pɔ̌ á gwɔ́ tÿǒ lepwó. Àa těen ńgẅiin tyɛ̀’te tsetsɛ̀ɛ pʉ̀a mesoŋ wɔ́.

Filipo 2:12

Á cʉa pú’u, mbà mefɛ́ pɔ́ɔn pè ntʉ̀ nzẅìŋ, pá’ pi ee ńké ńzɔɔn ńjú’u pɔ́ ncwò Ssé tà fó pá’ n daa tsetsɛ̀ɛ pi la, pi kě ne ńgíŋe ńtÿɔ́gɔ kwò pɔ́ mǒ á nà fʉ̀’ɔɔn gie mèŋ n te tsetsɛ̀ɛ pi wɔ́ lɔɔn. Pi kag tʉ̀, tà nyìŋ gÿo megʉa. E Ssé kéen ńgÿo pi tsẅɛ́, pi lêen ńké fa’ mefà’ mie é pumo ná pʉ̀a pie é kéen ńtsẅɛ́.

Kolosia 3:25

Tá ńké ńgwɔ́ gie nyìŋ lɔɔn ńgÿo mmó gie Ssé tè kwoŋ, mbà Kristo ge lá’ ná pɔ́ mmó gie á ku’u ná ye né yé, á nue e Ssé ee ntěen ńtuŋo metùŋ wɔ́.

Heber 12:28

Pá’ pege ge lá’ gwɔ́ tsɛ̀ɛ nò lefùɔ sie à lɔɔn ńgwɔ́ tsɔ́ mmó le nʉ’te é zóŋe wɔ́ la, pege síe Ssé, éfa’a mbwo yé nà ntí gie à ne ńkwoŋo, ńná nnɛ́ ssé, ḿbɔ́gɔ yé.

Heber 4:1

Tá’ le gwɔ́ gẅie e Ssé la ka’a sẅétè gie ńgwɔ́ pʉ̀a kúu tsoló à nyě pɔ́ wó. Pá’ wɛ̌ nkʉ̀ gíŋe ńgwɔ́ wégè la, pi pɔ́ɔn pá’ à lɔɔn ńgwɔ́ tsɔ̌ tà’ nyìŋ tsetsɛ̀ɛ pi lá’ le tsoló kú.

1 Piɛ 2:11

Meshǔ pɔ́ɔn pé tʉ nzẅìŋ, pi ee ndùmo ssé tsetsá’ jʉ’ɔɔn ńgwɔ́ pɔ́ pà ncʉ̀anzsè, ńgíŋe ńgwɔ́ pɔ́ megʉ̀. Áa mmó gie á gÿo mèŋ n ne shwóŋó gẅi ngie tà pi zẅí’te mbùm gí gie e ne ńtsó gẅi légÿo mmó gie e ne ńkwoŋo, á nue ee pú’u, ne ńdÿɔ́’ɔ ntʉ́m gẅi lê ncù.

1 Piɛ 3:15

Tá ńcʉ́’ pú’u, pi gwɔ́ tsɛ̀ɛ ntʉ́m gẅí, ńne ńnáa pɔ́ mekù’ Kristo ngie yé zɔɔ Ndè gẅi. Pi gwɔ́ fʉ̀’ ntsèm ńtyé pɔ́ pá’ nyìŋ zɛ́te gẅi ngie mélà’a kɔ́ pi tÿɔ́g nkwaŋá gẅi ná Kristo wɔ́, pi kyɛ́’te shwóŋó ngàŋ.