1 Piɛ 1:12 - Nouveau Testament en Ngienboum

¹² E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.

1 Piɛ 1:12 ပူးပေါင်းရင်းမြစ်များ

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Malékuse 16:15

Ńdeen ńké ńgɔɔn né pɔ́b ngie: Pi gʉa jʉ’ ntsèm tsɛ̀ɛ njÿó, ńtsẅi nkʉ̀ mbòŋo mbwo mbɔɔ wɛ̌ nyìŋ mesoŋ wɔ́ té vʉ’ʉ tsɔ̌.

Lukase 15:10

Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Lukase 2:26

Mbà à la lá’ ńtʉ́ njÿó shwóŋó yé ngie à těen ńdá’a ńkwé té gwɔ́ gie à zabá léjÿɔ́g ná *Nzà’nkÿo gẅie à tǔm wɔ́.

Lukase 9:6

Pɔ́ lêen ńké ńgʉa, ńkʉ́’ʉ melá’ melá’, ńgiŋe ńtsẅii Nkʉ̀ Mbòŋo gẅie é fóo mbwo Ssé, ńgíŋe ně ńgÿo megàŋa guɔ zeŋe.

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

Megàŋ ntúm 10:44

Piɛ nyé ńgɔɔn nò gɔɔn, a Zẅìge Ndʉalʉ̌a sẅɛ́’, ńkúu nà ngwòŋ pʉ̀a metsèm pie pɔ́ ne ńzẅí’te nò gie à ne ńgɔɔn.

Megàŋ ntúm 16:10

Pɔl gyá pú’u, peg lêen fa’ shÿó ńgʉa Makedonia, ńne ńcwóŋo ńzsé ngie Ssé zɔ tóŋo wég wó ngie peg tsẅi nkʉ̀ mbòŋo .

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Megàŋ ntúm 4:31

Pɔ́ la sẅíŋte Ssé ta ńtsẅé jʉ’, ajʉ’ gie pɔ́ la cú’te wó cʉ’ʉ. À Zẅìge Ndʉalʉ̌a pú ńjÿo wɔ́b métsèm. Pɔ́ zyé leshwóŋó nò Ssé té pɔ́g.

Megàŋ ntúm 4:8

À Zẅìge Ndʉalʉ̌a jÿó Piɛ. Á lêen ńké ńgɔɔn ngie:

Megàŋ ntúm 8:25

Ngàŋ ntúm Yěsô yɛ̌ yépʉ́a lɔgɔ lésá’ nkʉ̀ mbòŋo Cʉ̀apʉ̀a shwóŋ pʉ̀a, ńgÿo mé zsé nyìŋ gẅie Yěsô aa wɛ̌, ńgwɔ piŋ nzèm né Yerósalem, ńgiŋe mánzsè ńtsẅii nkʉ̀ mbòŋo á tsɛ̀ɛ melá’ pà Samalîɛ.

Roma 1:15

Áa mmó gie á gÿo tá mèŋ n tsɔ́ɔn létó ńtsẅi nkʉ̀ mbòŋo mbwo pi gí, pie pi ee tÿǒsoŋo *Roma.

Roma 1:17

Á zɔɔn ńgwaa gwɔ́, nkʉ̀ mbòŋo ne ńgÿo mé zsé pá’ á cʉa pú’u, tá Ssé lɔg pʉ̀a mésoŋ ńtóŋ pʉ̀a pie pɔ́ ée ndʉŋ ndʉŋ mvfò yé á cʉa pɔ́ ndà’ nà pá’ pɔ́ záb ntʉ́m nà yé. E tsɔ̌ nzsè ndyɛ̀’ɛ è tè wó wɔ́. Áa mmó gie mé la ŋwe’e tsɛ̀ɛ ŋwà’ne Ssé ngie: Nyìŋ gẅie aa mvfò Ssé ńgwɔ́ ndʉŋ ndʉŋ ńtí nue à záb ntʉ́m nà yé zɔ ge lá’ gwɔ́ wó.

Roma 10:15

Ngwɔ́ mé piŋ shwóŋó nò Cʉ̀apʉ̀a lêkɔ́ té gwɔ́ gie mé tǔm pʉ̀a pie pɔ́ ge shwóŋ? Á sẅé nò gie áa tsɛ̀ɛ ŋwà’ne Ssé, ńgwɔ́ ngie: Mântúm gwɔ́ tà ńtó, éshwóŋ pʉ̀a nò mbòŋo, lekág gwɔ́ ssé fʉ̀’ó.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.

1 Korento 2:10

E Ssé ka piŋ ńgÿo Zẅìge Ndʉalʉ̌a gÿo pege zɔ̌ zsé yɛ̌ nò gie á laa lelyěen. À Zẅìge Ndʉalʉ̌a zɔɔn mwoon zẅi nò ntsèm, tà mbɔɔ menò mie Ssé nyě ńgẅiin pɔ́ tsɛ̀ɛ mvwɔ́’.

2 Korento 1:22

ńcÿɔ́’ɔ liŋé yé ná pege, ńnéŋe Zẅìge Ndʉalʉ̌a ntʉ́m pege. Á lɔg ńgwɔ́ ndùŋ mvfò mmó nà shúm sie à ge náa mbwo pege.

2 Korento 6:6

Peg ne ńdɔgɔ weg mà ńnyɛɛ ngie peg ee pafa’a fà’ Ssé. Peg gẅiin ntʉ́m Ndʉalʉ̌a, mbɔɔ zse nò gie á fóo mbwo Ssé, ńgÿo kwɔ́gɔ nnɛ́. Peg gẅiin pɔ́ pòŋo ntʉ́m nzèm pʉ̀a mesoŋ, ńzẅí’te yég kɔ́ wɔ́ pɔ́ mbwo Zẅìge Ndʉalʉ̌a, ńgẅiin nkwòŋe gie è tè nkwòŋ menÿɔ́g wɔ́,

Galatia 1:12

Nyìŋ mesoŋ zɔ la zɔɔn tè cʉ́me wɛ̌ nkʉ̀ mbwo mèŋ wɔ́. Nyìŋ mesoŋ ké tè wɔ̀ɔn zí’i, Yěsô Kristo zɔ la gÿo mèŋ n zsé.

Galatia 1:16

À la piŋ ńnéŋe tà ńgyá ngie à ge gÿo mèŋ n zsé Míŋ we, légwɔ́ gie mèŋ n ge gʉa tsẅi nkʉ̀ gẅie é líe Míŋ we ŋwɛ́ á mbwo pʉ̀a pie é té pà Yuda wɔ́. Mèŋ n gya míŋ we ŋwɛ́, n te gwóon ḿbíge tsɔ́ nyìŋ tsɔ́ nò wɔ́.

Efeso 3:10

ńnyɛɛ pú’u, ńzsé ngie metándá shúm sie ée taa tÿǒ ńgẅiin tʉ̀, mbɔɔ metʉ̀ ntsèm mie ée taa tÿǒ ge zẅɛ́’ɛ cú’tè pʉ̀a Kristo, é zsé nò ná legyè Ssé tà cʉ́me.

1 Tesalonika 2:9

Pi ge gǎ wɔ́ ne kímte pá’ á laa fʉ̀’ gie peg la ne ńtsẅii nkʉ̀ mbòŋo mbwo pi la, peg gíŋe fa’a tà ḿbú ńkʉ́a, tá ńgẅiin mmó mpfɛ̌. Peg lɔ̌ɔn fa’a zsǒ éfa’a tsẅɛ́’. Peg la tè kwoŋo lécʉ́’ʉ pì’ á mbwó tsɔ̌ nyìŋ gẅi wɔ́.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Heber 11:13

Pɔ́b metsèm la gwaa kwéte ńne ńzába ntʉ́m wɔ́b pɔ́ nà Ssé, ńké nyé pɔ́ tè gẅiin mmó gie e Ssé la ka’a mbwo pɔ́b. Tá pɔ́ la ké ńtyé ńgyá pá’ á nyé ngʉ̀a shʉ̀shʉ̀a, anò poŋo wɔ́b tɛ’, pɔ́ shʉa shʉa ńgɔɔn ngie pɔ́ ée ndùmo ssé tsetsá’ ńgwɔ́ pɔ́ megʉ̀, ḿbiŋ ńgwɔ́ pɔ́ legúɔ.

Heber 2:4

E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.

Heber 4:2

Pege ka zɔɔn ńgíŋe ńjú’ yégè nkʉ̀ mbòŋo ŋwɛ́ pɔ́ pá’ pʉ̀a pie pɔ́ laa nkwòŋo tsẅɛ la jú’ yɔ́b. Tá pɔ́ la ké ńjú’ yɔ́b é té wɔ́b kẅétè, á nue pɔ́ la tè záb ntʉ́m wɔ́b mǒ wɔ̌.

1 Piɛ 1:25

Tá’, ashwóŋè Cʉ̀apʉ̀a á ge lá’a tyé pɔ́ pú’u, é mengù’u mengù’. Yɛ̌ shwóŋè áa gie pi ka jú’u tsɛ̀ɛ nkʉ̀ mbòŋo gẅie mé ka tsẅii mbwo pi.

1 Piɛ 4:6

Áa mmó gie á ka gÿo tá mé tsẅi nkʉ̀ mbòŋo mbɔɔ mbwo mepfó. Mé ka tsẅi tà mbɔɔ pá’ e Ssé ka ŋag mbùm yɔb, pá’ à ŋaga pʉ̀a metsèm, pɔ́ gẅiin lékwé. Pɔ́ ée fʉ̀’ɔɔn ńku’ pá’ ńgwɔ́ pɔ́ gwɔ́ ná zẅìge sɔ́b pâ Ssé ńnéŋe.

Ŋwà’ne Ngyà jʉ’ 5:11

N nyé ńdíe lǐe, ńjú’, ngyè *mecÿɔ́’ Ssé, pɔ́ gwɔ́ mentsá’ tà ngwɔ́ mé le sáŋ ńzsé nzẅìŋ wɔ́, mbà pɔ́ tÿɔ’ɔ́ lʉŋe lefùɔ, mbàa menɔ̀ɔn pá lâ melÿò pá, ńnéŋe soŋ,