1 Korento 7:7 - Nouveau Testament en Ngienboum

⁷ Mèŋ n ne ńkwoŋo ngie pʉ̀a metsèm gwɔ́ pá’ mèŋ. Tá wɔ̌wɔ́ɔ à gẅiin yé mmó á gwɔ́ pɔ́ gie e Ssé la ná. Aye wetsɔ̌ nyìŋ gwɔ́ pɔ́ pá’ à ge zɔ́’, aye wetsɔ̌ gwɔ́ pɔ́ pá’ à ńnéŋe pú’u.

1 Korento 7:7 ပူးပေါင်းရင်းမြစ်များ

Megàŋ ntúm 26:29

Pɔl tsɔ́’ɔ mbwo yé ngie: Kà mé ge lɔg pɔ́ nò gie á sag sag wɔ́, kà pɔ́ gie á vɔ́g vɔ̌g wɔ́, mbà yɔ́ɔn mmó gie méŋ n ne ńdúɔ mbwo Ssé á gwɔ́ pɔ́ ngie: Nɔ̀ɔn temà’ tà mbɔɔ pi métsèm pie pi ne ńjú’u nò gie mèŋ n gɔɔn lyɛ̌’ɔɔn, pi cʉ́’ pá’ mèŋ. Tá metsɛ̂n mɔɔn, é le ná pi wɔ́.

Roma 12:6

Áa yɛ̌ e Ssé cÿó gem yégè, ńnáa fù’ ye wɔ̌wɔ́ɔ á gwɔ́ pɔ́ ye ntí. Afù’ ye nyìŋ lɔɔn ńgwɔ́ léńnéŋe ńtsẅi nkʉ̀ gẅie é fóo mbwo Ssé, á gwɔ́ tsẅi, ńtswii nà ntí gie à ne ńjú’u, mbà e Ssé lɔ̌g shwóŋó yé pú’u.

1 Korento 12:11

Tà’ Zẅìge Ndʉalʉ̌a, ńké ńgwɔ́ pɔ́ yɛ̌, zɔ̌ gÿo mɛ̌ menò, ńne ńcÿó geme wɛ̌ nyìŋ wɔ́ pɔ́ pá’ yé Zẅìge á kwǒŋ.

1 Korento 12:4

Afù’ gie Zẅìge Ndʉalʉ̌a lɔg ńcÿó geme nyìŋ, áa mentí mentí, tá Zẅìge Ndʉalʉ̌a gie á cÿó gem ké ńgwɔ́ pɔ́ yémɔ’ɔ́.

1 Korento 7:8

Mèŋ n ge gɔɔn mbwo menkẅì lâ mbwo mepfɔ̌g pànzwě ngie áa mboŋ ngie pɔ́ pʉ́le ńnéŋe pá’ mèŋ.

1 Korento 9:15

Á lɔgɔ ńgwɔ́ ngie mèŋ n da gẅiin lézɛ́te shúm mbwo pi, tá n kě laa zɛ́te. Mèŋ n ké tě ńŋwe’e pá’ɔɔn ńdɔgɔ ńzɛ́te ngie mé ná shúm né mèŋ wɔ́. À cʉ́’ gie n zẅíŋ nyìŋ gÿo mèŋ n nyé yɔɔn nò, gie mèŋ n dɔgɔ ńka’te, mèŋ n kwé.

1 Korento 9:5

Mbɔɔ wɛ̌ nyìŋ wɔ́ ná peg tè gẅiin yé légwɔ giŋ, pɔ́ tsɔ̌ fɛ́ wege nyìŋ Kristo we manzwě gwɔ́, á gwɔ́ nzwě we wɔ́ ka? Á té pá’ Kéfas, laa petsɔ́ megàŋ ntúm, mbɔɔ mefɛ́ Cʉ̀apʉ̀a gÿo wáa?