1 Korento 6:3 - Nouveau Testament en Ngienboum

³ Pi tè ne ńzsé ngie pege ge lá’ ŋag *mecÿɔ́’ Ssé wɔ́ ka? Tà ngʉ̀a shÿɔ́’ɔ nà menò me fʉ̀’ɔɔn?

1 Korento 6:3 ပူးပေါင်းရင်းမြစ်များ

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Lukase 8:14

Mbyè mmó gie é gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie pɔ́ jú’, ńgÿo ńzye lémÿɔg menò nzsè nzsè, ńzye lékwaŋte nkáb pɔ́ leńnéŋe mbòŋo ndùmo ssé tsetsá’, ashwóŋè Ssé gwóon ḿbyé té gÿo tsɔ́ mmó tsɛ̀ɛ ntʉ́m pɔ́b.

Roma 6:16

Tà pi ké ńdege ngie nyìŋ lɔɔn ńzẅíŋ nkwɔɔn nyìŋ pá’ à ge ne jú’u ncwò ngàŋ, mbà à cʉ̌’ nkwɔɔn ngàŋ. Á lɔgɔ ńgwɔ́ ngie pi lɔɔn ne ńjú’u ncwò nò tepòŋ, mbà pi cʉ̌’ nkwɔɔn nò tepòŋ, á gÿo pi kwé, ńké ńgwɔ́ gie pi lɔɔn ne ńjú’u ncwò Ssé, mbà pi ge cʉ́’ nkwɔɔn Ssé, à gÿo pi gÿo mmó gie áa ndʉŋ ndʉŋ mvfò yé.

1 Korento 6:15

Pi tè ne ńzsé ngie mbùm gi ée mekèm mbùm Kristo wɔ́ ka? N ge lɔgɔ kème mbùm Kristo lɔg gÿo kème mbùm káa tÿǒ manzwě lá? Ngǎŋ,

1 Korento 6:16

ńzsé ngie pi tè ne ńzsé ngie nyìŋ pɔ́ káa tÿǒ manzwě lɔɔn ńtemte, mbà pɔ́ ye cʉ́’ ńgwɔ́ pɔ́ tà’ mbùm nɛ́ wɔ́? Ŋwà’ne Ssé zɔɔn ńgɔɔn ngie: Pɔ́b mépʉ́a ge cʉ́’ gwɔ́ pɔ́ tà’ mbàb nnɛ́.

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.

1 Korento 6:4

Tá pi ké ńgwɔ́ tà ntsaŋ gie e líe menò me fʉ̀’ɔɔn é kẅɛɛ tsetsɛ̀ɛ pi, pi gwóon ńdɔg ńgʉa ńgyá pʉ̀a pie cú’tè pʉ̀a Kristo té sáŋa wɔ́b nà tsɔ́ nò wɔ́, ńgie pɔ́ ŋag.

2 Timote 2:4

Nyìŋ vɔg tà ńgwɔ́ tsẅɛ̀ɛ ncù, ńdege kɔ̀ɔkɔ́ɔ gie á ne ńdíe yé mbʉ̀a, ńzsé ngie à ge cʉ́’ʉ gÿo pɔ́ mmó gie á ge poŋo tándá wɔb.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.

2 Piɛ 2:4

*Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,