1 Korento 5:4 - Nouveau Testament en Ngienboum

⁴ Pi lɔɔn ńcú’te nà lezíŋ Cʉ̀apʉ̀a Yěsô. Mbà á cʉa ná tà’ ncwò wege n gwɔ́ yɔ́ɔn pɔ́ ssé. Pi lɔg metʉ̀ Cʉ̀apʉ̀a Yěsô,

1 Korento 5:4 ပူးပေါင်းရင်းမြစ်များ

Matio 16:19

Mèŋ n ge gÿo ná metsɔ́’ɔ lélɔg ńtsɔ́’ nzsè *lefùɔ Ssé á mbwó gù. Àmmó gie ɔ̀ ge gÿo lʉ’ʉ ndùmo ssé tsetsá’, mé gÿo ńdʉ’ʉ tÿǒ lepwó. Àmmó gie ɔ̀ ge zẅíŋe á ndùmo ssé tsetsá’ mé ge gÿo zẅíŋe tÿǒ lepwó.

Matio 18:20

Àjʉ’ gie pʉ̀a mépʉ́a ka pʉ̀a métá wɔ́, cu’té wó nà lezíŋ sɔ́ɔn, mbà mèŋ n ge gwɔ́ tsetsɛ̀ɛ pɔ́b.

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Ŋwà’ne Jâŋ 20:23

Pi lɔɔn ńdege menò tepòŋ pʉ̀a ńnáa mbwo pɔ́b, mbà Ssé ge lege yé lege. Pi lɔɔn ńdʉ’ʉ lélege menò tepòŋ pʉ̀a ńnáa mbwo pɔ́b, mbà Ssé ge lʉ’ yé lʉ’ lélege.

Megàŋ ntúm 16:18

Á ke ńgÿo pɔ́ pú’u, nà melyɛ̌’ tà ńgyɔ́ɔn. Pɔl fó ńgebe tsetsɛ̀ɛ ńgyáŋa lóŋ, ésele nnɛ́ ńgɔɔn nê *ssé tepòŋ ngie: Mèŋ n dɔ̌g lezíŋ Yěsô Kristo ńgɔɔn ngie ɔ̀ fó ná manzwě wɛ̂ ńkẅɛ! E *ssé tepòŋ gwóon fó ná yé ńkẅɛ.

Megàŋ ntúm 3:6

Piɛ lêen ńké ńgɔɔn mbwó yé ngie: N te tsɔ́ lagá nkáb gẅiin, tá’, ammó gie mèŋ n gẅiin, mèŋ n ge náa mbwo gù. Mèŋ, n tsẅii nà lezíŋ Yěsô Kristo múɔ Nǎzarɛd: Lu ssé ńgiŋ,

Megàŋ ntúm 4:30

Náa weg metʉ̀ lélɔg ńgÿo pʉ̀a zeŋe, lélɔg ńgÿo menò mmɔɔn mmɔɔn pâ ndàa gyá, á ná lezíŋ Yěsô, á ngàŋa fà’ gú gẅie ɔ̀ la tsɔ́’.

2 Korento 13:10

Áa mmó gie á gÿǒ, n nyé pɔ́ ngʉ̀a shʉ̀shʉ̀a ńŋwe’e yɔɔn nò ntsèm, ńne ńtsɔ́ɔn ngie n te gÿo tó tà kúu tsetsɛ̀ɛ pi é lɔg pá’ Cʉ̀apʉ̀a la tÿɔ́gɔ wɔ̀ɔn mvfò pi, é cÿɔ́gɔ gẅi cÿɔ́g wɔ́. Cʉ̀apʉ̀a la tÿɔ́gɔ wɔ̀ɔn mvfò pi pɔ́ légÿo acú’tè kẅi’i ńgʉa lê mvfò. À la tè tÿɔ́gɔ wɔ̀ɔn ngie mèŋ n tág tág wɔ́.

2 Korento 13:3

Pá’ pi ké ne fa’a légyá mmó gie á nyɛɛ ngie anò gie á kẅɛɛ ncwò mèŋ á fóo mbwo Kristo la, pi ge ké gÿo gyá. Pi zsé ngie Kristo tè ne ńzɔ́bte gẅi wɔ́. À ne ńnyɛɛ metʉ̀ mé tsetsɛ̀ɛ pi.

2 Korento 2:6

Lelÿò pʉ̀a ké ńkaga yé, á ku’ pú’u.

Efeso 5:20

Pi lɔg lezíŋ Cʉ̀apʉ̀a wege Yěsô Kristo ńne síe Ssé Tá fʉ̀’ ntsèm, á nà shúm ntsèm.

Kolosia 3:17

Pi lɔɔn ne ńgÿo pɔ́ kɔ́ wɔ́, kà shwóŋó pɔ́ kɔ́ wɔ́, pi záb pɔ́ lezíŋ Cʉ̀apʉ̀a Yěsô mvfò, ńne ńnáa ndǎg mbwo Tá wege Ssé, ńcʉa ná Yěsô

2 Tesalonika 3:6

Mefɛ́ mefɛ́, peg lɔ̌g lezíŋ Cʉ̀apʉ̀a Yěsô Kristo, ńtsẅii mbwo pi ngie pi lÿɔ́’ mbɔɔ wɛ̌ fɛ́ gẅi wɔ́ gẅie à pɔ́gɔ fà’ pɔ́g, ḿbiŋ ńké tè ne ńgiŋe ná ntí gie peg la zí’i gẅi laa pɔ̌ wɔ́.