1 Korento 4:9 - Nouveau Testament en Ngienboum

⁹ Mèŋ n ke ně ńgyá yɔ́ɔn ngie e Ssé ka gʉa ná peg megàŋ ntúm ńnáa yég jʉ’ á gwɔ́ pɔ́ nzsò nzèm. Pá’ pʉ̀a pie mé zǎ’ ntsaŋ yɔ́b tà ne ńdɔgɔ wɔ́b ńkwɔ́’ɔ né gÿɛ̌ pá’ mé ge zẅéte wɔ́b. Ngwòŋo ngwòŋ ne ńgyá, epʉ̀a mesoŋ mbɔɔ *mecÿɔ́’ Ssé ne ńgyá yɔ́b.

1 Korento 4:9 ပူးပေါင်းရင်းမြစ်များ

Megàŋ ntúm 19:29

Àtÿǒsoŋ ntsèm ntsèm pú ńtága. Alá’ gwoon Gaẅis pɔ́ Alistag, é gwɔ́ pʉ̀a Makedonia pie pâ Pɔl kɔ́ɔn ńgiŋe, éshwoŋo wɔ́b ńdɔg ńgʉa nê ndùmo tsɔ̌ ntí gyɛ̌ gie mé cú’te wó, ńgÿo megʉa.

Megàŋ ntúm 19:31

Etsɔ́ ngàŋa fà’ ngúmnɔ́ɔn ná pàga ngwòŋ Azia, pie ée meshǔ Pɔl, pɔ́ túm pʉ̀a pɔ́ gʉa sẅíŋte Pɔl ngie à pɔ́ɔn légʉa gyɛ̌.

Roma 8:36

Á lɔgɔ ńgwɔ́ mmó gie mé la ŋwe’e tsɛ̀ɛ ŋwà’ne Ssé ngie: «Áa lyɛ̌’ ntsèm legwé ne ńnÿɔgɔ weg nÿɔg ńtí gú. Mé ne ńdíe wég pá’ *menjʉ̀njÿò mie mé gee ngwǎ la».

1 Korento 15:19

Á lɔɔn ńgwɔ́ gie pege zẅí’te mmó gie á ge fóo mbwo Kristo, ńtí pɔ́ ndà’ fʉ̀’ɔɔn gie pege nyé ndùmo ssé tsetsá’ lɔɔn, mbà pege ee tsetsɛ̀ɛ pʉ̀a mesoŋ ńgwɔ́ kwà’ megàŋ ngɔ́’.

2 Korento 11:23

Kà pɔ́ pá’ pɔ́ ée pafa’a fà’ Kristo? Mbà mèŋ n ge gɔɔn nò kwà’ pá’ pʉ̀a la, é gɔɔn ngie n gee nyiŋ gẅie a fà’ Kristo tà ńtɔ́gɔ wɔ́b métsèm, é gɔɔn pú’u, éfóo ná pá’ n dǎ téŋe zì’i ńcʉa wɔ́b, éfóo ná nzẅìŋ gẅie n dǎ kúu tsǎŋ ńcʉa wɔ́b, éfóo ná nzẅìŋ gẅie mé lǎ cúɔ wɔ̀ɔn ńcʉa wɔ́b, éfóo ná nzẅìŋ mengʉ̀a tà ńgyɔ́ɔn mie legwé la ńnÿɔgɔ wɔ̀ɔn ńcʉa wɔ́b,

2 Korento 6:9

Mé ne ḿmoŋe wég, tá ńké ne ńzsé wég zsé, ńdɔgɔ wég ńtóŋo mepfó tá peg kwà’ ńgwɔ́ pɔ́ ntentʉ́, ńnyɛɛ wég ngɔ́’, tá ńké tè wég zẅé.

1 Tesalonika 3:3

légwɔ́ gie ngʉ̀ngʉ̀ gie pi ne ńgyá fʉ̀’ɔɔn, e tè gÿo tsɔ̌ nyìŋ tsetsɛ̀ɛ pi pɔ́g, ńgwá’a nò Ssé wɔ́. Pi zɔɔn ne ńzsé gí ngie ngʉ̀ngʉ̀ gẅiin lékúu wégè pàzáb ntʉ́m nà Ssé.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

Heber 10:33

Mé ne ńtyé mvfò lá’ ńzoon gẅí, ńkʉ́e gẅí, pi gíŋe ńgyá ngɔ́’ nue pi ne ńtága nzèm pʉ̀a pie mé ne ńgege wɔ́b pá’ pi.

Heber 11:36

ńgíŋ ńgʉa ná tsɔ́ pʉ̀a, mé tém shʉ́ ná pɔ́b, ńdɔg ngwɔɔn ńcúa wɔ́b, ńtóo ná tsɔ́ pʉ̀a mé té gÿo pɔ́ ndà’ pú’u wɔ́, ńgíŋ ńkwɛ́ɛ wɔ́b lê metsɛ̂n, ḿma’a wɔ́b ndá tsǎŋ,