1 Korento 4:4 - Nouveau Testament en Ngienboum

⁴ Áa nénʉ́ ngie mbùm yɔ̀ɔn tè ne ńcúa wɔ̀ɔn nà tsɔ́ nò wɔ́. Tá mèŋ n tě ńdɔgɔ ńgɔɔn ngie atsɔ́ *lɔ̌’ té ná fà’ gie mèŋ n gÿo wɔ́ wɔ́. Cʉ̀apʉ̀a zɔ nyìŋ gẅie à gẅiin létsa’a fà’ yɔ́ɔn.

1 Korento 4:4 ပူးပေါင်းရင်းမြစ်များ

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Megàŋ ntúm 23:1

Pɔl nyɛte ńtÿɔ́g menÿɔ́g mé ná pàŋag ntsaŋ ńgɔɔn ngie: Mefɛ́ pɔ́ɔn, mèŋ n gee ńzɔ́gɔ ńgwɔ́ pɔ́ mvfò Ssé tà ńkú lyɛ̌’ɔɔn. Atsɔ́ mmó té tsɛ̀ɛ ntʉ́m mèŋ ne ńgege wɔ̀ɔn mɔ́,

Roma 2:13

Á nue nyìŋ zɔɔn tè jú’ *lepʉ̌ Ssé jǔ’ ndà’ ńcʉ́’ʉ nyìŋ gẅie aa mvfò Ssé ńgwɔ́ ndʉŋ ndʉŋ wɔ́. Nyìŋ jǔ’ ḿbiŋ ńgÿo pá’ é zɛ́te tá ńcʉ́’ʉ wɛ̌ nyìŋ.

Roma 4:2

À laa pé’è e Ssé wɔ́ gɔɔn ngie aa ndʉŋ ndʉŋ mvfò yé, á fó pɔ́ nà mefà’ mbòŋo mé, mbà à lɔ̌ɔn ńgwɔ́ á lɔg ńŋá’te, tá tsɔ̌ légwɔ́ gẅie ńgwɔ́ á lɔg ńŋá’te mvfò Ssé à tè wó wɔ́.

1 Korento 4:3

Á ké ńgʉa ná mèŋ, mbà á té ne ńgege wɔ̀ɔn pá’ à lɔɔn ńgwɔ́ pi gɔɔn nò nà fà’ yɔ́ɔn mɔ́. Kà pɔ́ tsɔ́ pʉ̀a mendyɛ̀’ɛ léńnéŋe ssé ńdíe nò ńnáa mǒ wɔ́. Kwà’ mèŋ, ńgwɔ́ n de zsé léshwóŋe nyìŋ pá’ fà’ yɔ́ɔn áa pú’u wɔ́.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 5:10

á nue á ne ńzɛ́te ngie pege metsèm cʉa mvfò Kristo à ŋaga wégè, à cʉa pú’u, awɔ̌wɔ́ɔ kẅé wé ntsɔ’ɔ́ fà’ ná mmó gie à la gÿo, á gwɔ́ ye mbòŋo kà ye tepòŋ wɔ́, á fʉ̀’ gie à laa tsɛ̀ɛ yɛ̌ mbùm nnɛ́.