1 Korento 3:3 - Nouveau Testament en Ngienboum

³ anue mbùm gí zɔ nyé sá’a gẅí, kègɔ́’ zɔɔn nyé ńgwɔ́ pɔ́ tsetsɛ̀ɛ pi, pi nyě ńzoŋo nò zoŋ. Mbùm gí zɔ tě ńdɔgɔ ńnyé sá’a gẅi wɔ́? Pi tě ńdɔgɔ pú’u, ńnyé ńgÿo pɔ́ pá’ pʉ̀a njÿó gÿo wɔ́?

1 Korento 3:3 ပူးပေါင်းရင်းမြစ်များ

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

1 Korento 1:11

Mefɛ́ pɔ́ɔn, mèŋ n zɔɔn ńgɔɔn pá’ɔɔn nue epʉ̀a nà ngẅɛ̀ Keloé ka shwóŋó wɔ̀ɔn nò ná pi, ngie fàgte kéen ńkúu tsetsɛ̀ɛ pi.

1 Korento 11:18

Á gʉa nà menò mie ée ssé, andùŋ mvfò nò aa pá’ n ka jǔ’ ngie pi ńnéŋe ssé tsɛ̀ɛ cú’tè gí, éfagte menùɔ menùɔ, ńgwɔ́ mèŋ n gyá ngie áa gǎ wɔ́, é gwɔ́ pɔ́ nò.

1 Korento 3:4

Nyìŋ gẅi neŋé tà ńgɔɔn ngie yé gwɔ́ pɔ́ nyìŋ we Pɔl, wetsɔ̌ gɔɔn ngie à gwɔ́ yé pɔ́ nyìŋ we Apolos, mbà á téen ńdɔgɔ nyé ńgwɔ́ pɔ́ shwóŋè pʉ̀a njÿó wɔ́ ka?

2 Korento 12:20

N zɔɔn ne ḿbɔ́gɔ légwɔ́ gie à lɔɔn ńgwɔ́ n gÿo tóo lá’ pi, ńgyá pi le gwɔ́ nà ntí gie mèŋ n ne ńkwoŋo wɔ́. Mèŋ yɔ́ɔn n ké le gwɔ́ nà ntí gie pi ne ńkwoŋo wɔ́. Mèŋ n ne ḿbɔ́gɔ ngie ńgwɔ́ n gwɔ́ tó mencwò mencwò gwɔ́ tsetsɛ̀ɛ pi, kègɔ́’ gwɔ́ wó, acÿɔ́g gwɔ́ wó, lézoŋ jʉ’ gwɔ́ wó, lekimé nyìŋ tepòŋ gwɔ́ wó, shwóŋte gwɔ́ wó, aŋá’te nɛ́ gwɔ́ wó, atág gwɔ́ wó.

Galatia 5:15

Tá ńgwɔ́ gie pi lɔɔn ne ńgÿo pá’ menɔ̀ɔn mbà’ pie ée ssé ne ńdúmte membùm mɔ́b, ńnéŋe mefʉ̌ŋ, pi laga twó gí, á nue pi ee pú’u, ńcʉ́’ʉ fa’a pɔ́ lécʉŋte mennɛ́ mí.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Ŋwà’ne Jâg 3:16

Alʉŋte nnɛ́ mbɔɔ kègɔ́’ vɔg tà ńgwɔ́ jʉ’, atág mbɔɔ mefà’ tepòŋ mentí mentí gwɔ́ wó.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.