1 Korento 2:4 - Nouveau Testament en Ngienboum

⁴ Ashwóŋè gie á lɔ̌ɔn ńkẅɛɛ ncwò mèŋ, mbɔɔ nò Kristo gie n da ne sá’a mbwo pi, lɔ́ɔn tě ńnyɛɛ zsé nò nyìŋ mesoŋ gie mé lɔg ńgÿo nyìŋ zẅíŋe nò wɔ́. Metʉ̀ Zẅìge Ssé zɔ̌ la ne ńgÿo epʉ̀a gyá ngie áa nò nénʉ́.

1 Korento 2:4 ပူးပေါင်းရင်းမြစ်များ

Megàŋ ntúm 20:27

Á zɔɔn ńgwaa gwɔ́, mbà mèŋ n ka shwóŋó gẅi kɔ̀ɔkɔ́ɔ wɔ́ gie e Ssé la ka’a légÿo. Tà mèŋ n te tsɔ́ mmó lÿoon.

Megàŋ ntúm 26:28

Fùɔ Agrippa tsɔ́’ɔ mbwo Pɔl ngie: Ɔ̀ kwǎŋ ngie ɔ̀ ge ná’a lɔg pɔ́ pɛ́’ɛ̀ é gÿo n cʉ́’ʉ nyìŋ Kristo keen?

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

1 Korento 1:17

Kristo la zɔɔn tè túmo wɔ̀ɔn ngie n gʉa ńgÿo pʉ̀a kẅé ntse mbwo mèŋ wɔ́. A là túmo wɔ̀ɔn pɔ́ ngie n gʉa ńtsẅi nkʉ̀ mbòŋo. Tá ńké lelɔg pɔ́ zse nò nyìŋ mésoŋ ńtsẅi wɔ́, ḿbɔ́gɔ légÿo metʉ̀ mie é fóo nà pá’ Kristo la kwé nà tÿǒ nkǐ é mag.

1 Korento 2:1

Mefɛ́ pɔ́ɔn, á laa fʉ̀’ gie kwà’ mèŋ n da tóo lá’ pi létsẅii nò Ssé, á gwɔ́ nò gie á la zɔɔn ńgwɔ́ pɔ́ lelyěen, n gwaa tsẅii mbwo pi, n tè lɔgɔ tsɔ́ shwóŋè gie á tʉ tʉ ńtsẅi wɔ́, ńké tè lɔg pɔ́ lényɛɛ gẅi tsɔ́ mmó gie mèŋ sěen ńzsé tɛ’ ńdɔg ńtsẅi wɔ́.

1 Korento 2:13

Pege tè gwaa gɔɔn nò ná sɛ̌ shúm sie Ssé la náa mbwo pege ńdɔg pɔ́ shwóŋè gie pʉ̀a mesoŋ la lɔgɔ zsé nò yɔ́b ńzí’i wégè wɔ́. Pege lɔg pɔ́ shwóŋè gie Zẅìge Ssé zí’i wégè tá ńgɔɔn nò mǒ. Á cʉa pú’u, pege cʉ́’ʉ lé gwɔ́ kyagte nò nà shúm sie é fóo mbwo Zẅìge Ssé, ńdɔg pɔ́ shwóŋè gie á fóo mbwo Zẅìge Ssé tá ńkyagte.

1 Korento 4:20

Á nue anò *lefùɔ Ssé, á té gwɔ́ léseen ńtáŋte shwóŋè ńgɔɔn wɔ́, metʉ̀ Zẅìge Ndʉalʉ̌a zɔ̌ fa’a fà’.

2 Korento 6:6

Peg ne ńdɔgɔ weg mà ńnyɛɛ ngie peg ee pafa’a fà’ Ssé. Peg gẅiin ntʉ́m Ndʉalʉ̌a, mbɔɔ zse nò gie á fóo mbwo Ssé, ńgÿo kwɔ́gɔ nnɛ́. Peg gẅiin pɔ́ pòŋo ntʉ́m nzèm pʉ̀a mesoŋ, ńzẅí’te yég kɔ́ wɔ́ pɔ́ mbwo Zẅìge Ndʉalʉ̌a, ńgẅiin nkwòŋe gie è tè nkwòŋ menÿɔ́g wɔ́,

Galatia 1:10

Pi shwóŋó wɔ̀ɔn, anò gie mèŋ fóo légɔɔn lɔɔn, á nyɛɛ ngie mèŋ n ne ńtsɔ́ɔn ngie nò yɔ́ɔn poŋ pʉ̀a mesoŋ kà ngie à poŋ pɔ́ Ssé? Mèŋ n gee pá’a ńne ńtsɔ́ɔn légÿo mmó gie á ge poŋ pʉ̀a mesoŋ ka? Á gwé’e pé’è, mèŋ n ne fa’a mbɔɔ légÿo mmó gie á poŋ pʉ̀a mesoŋ, mbà mèŋ n te gíŋe ńgwɔ́ nyìŋ gẅie à kwa’ fa’a fà’a Kristo wɔ́.

Kolosia 2:4

Mèŋ shwóŋó gẅi mɔɔn menò ḿbɔ́gɔ tsɔ̌ nyìŋ létó ńdɔgɔ shwóŋè gie mé neŋé ssé ńtáŋte, ésele twó gí.

1 Tesalonika 1:5

Á nue peg ka tè lɔg pɔ́ shwóŋè ndà’ ńtsẅi nkʉ̀ mbòŋo lá’ pi wɔ́, peg ka lɔg pɔ́ metʉ̀ Zẅìge Ndʉalʉ̌a, ḿbiŋ ne ńcwoŋo ńzsé ngie Nkʉ̀ gẅie peg kɔ̌ɔn ńtsẅii kaa nénʉ́, pi ne ńzsé mmó gie peg la gÿo fʉ̀’ gie peg laa tsetsɛ̀ɛ pi, á la gwɔ́ pɔ́ lélɔg ńkẅéte gẅí.

1 Piɛ 1:12

E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.

2 Piɛ 1:16

Peg ka tè gwɔ shwóŋó gẅi pá’ Yěsô Kristo, Ndè wege ge gÿo tó, lê shʉ́shÿɔ́g, éfó pɔ́ ná menò pú’kwɔ́b mie peg neŋé ssé ńdɔg legyè ńdʉ’te wɔ́. Peg ka fó ná pá’ peg lɔ̌g nÿɔ́g még ńgyá legú’ we.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,