1 Korento 2:3 - Nouveau Testament en Ngienboum

³ N da tyé tsetsɛ̀ɛ pi, ńjú’ ḿbú ḿbÿɛ́ pÿɛ́, ńjú’ ḿbɔ́g pɔ́g tà ne ḿvɛɛ.

1 Korento 2:3 ပူးပေါင်းရင်းမြစ်များ

Megàŋ ntúm 17:1

Pɔl pɔ́ Silas lu ssé ńcʉa ye tÿǒsoŋ Anfipolis mbɔɔ ye Apolonia, ńgʉa tà ńkúu tÿǒsoŋ Tesalonika, ńgyá tà’ *ndá cú’tè pà Yuda gwɔ́ wó.

Megàŋ ntúm 18:1

Yɔɔn nò tɔ́g, Pɔl fó tÿǒsoŋ Atɛ̀ne ńgʉa lê tÿǒsoŋ Korento,

Megàŋ ntúm 18:12

Á gwɔ́ fʉ̀’ áyɛ̌, Galion gwɔ́ ngúmnɔ́ɔn ná pàga ngwòŋ pà *Roma gie mé tóŋo lê Akay. Pà Yuda ńnéŋe tà ḿbʉ’ʉ nnɛ́ nzèm Pɔl, ńgwoon yé ńdɔg ńgʉa jʉ’ gie mé sá’a ntsaŋ wɔ́,

Megàŋ ntúm 18:6

Tá pà Yuda tiŋ pɔ́ ndʉ̀’, ńzoonte Pɔl. Á lêen ńcʉ́’ ḿbú’ pɔ́ pfepfɔ́b nà menzsǒ mé, ńgɔɔn né pɔ́b ngie metse mí lɔɔn ḿpfɛte twó pi, mbà yɔ́ɔn nò té mǒ wɔ́. Mèŋ n gee fó fʉ̀’ɔɔn, é cʉ́’ʉ shwóŋó nò Ssé pɔ́ mbwo pʉ̀a pie pɔ́ té pà Yuda wɔ́.

2 Korento 10:1

Mèŋ Pɔl, mèŋ n ge lɔg pá’ Yěsô Kristo pʉ́le tɛ’ ńgíŋ ńgwɔ́ ngàŋa pòŋo ntʉ́m, éshwóŋó gẅi tà’a nò. Aa kwà’ mèŋ pɔl wá gẅie mé gɔɔn ngie mèŋ n ge fʉ̀’ gie mèŋ n gee tsetsɛ̀ɛ pi, ń nẅéen nẅéen, ńké ńgwɔ́ fʉ̀’ gie mèŋ n gee ngʉ̀a shʉ̀shʉ̀a, ńgɔɔn nò mbwo pi tsɛ̀ɛ ŋwà’ne té pɔ́g la.

2 Korento 10:10

Mèŋ n ne ńzsé ngie tsɔ́ pʉ̀a ne ńgɔɔn ngie pɔl túmo ŋwà’ne ńcÿɔ́gɔ tsoló tɛ’, ńgɔɔn nò á tʉ, ḿbiŋ ńtó tà ńtyé ssé ḿbÿɛ́, anò gie à gɔɔn té gíŋe ńcʉ́e wɔ́.

2 Korento 13:4

Áa nénʉ́ ngie à laa tsɔ́ fʉ̀’, ḿbÿɛ́ pá’ nyìŋ mesoŋ, mé kime yé nà tÿǒ nkǐ. Tá’ à ké ńgwɔ́ fʉ̀’ɔɔn ńgwɔ́ ntentʉ́, é gwɔ́ metʉ̀ Ssé. Peg yég, peg fó ná pá’ peg la nnɛ́ ná yé, ḿbÿɛ́ pá’ à la gwɔ́. Tá’ é ké gÿo lɔg yeg ntí légẅiin gẅí, é nyɛɛ gẅi ngie pega Kristo ee ntentʉ́, é gwɔ́ metʉ̀ Ssé.

2 Korento 13:9

Pi lɔɔn ńgwɔ́ ná mánzsè Ssé, ńgwɔ́ metʉ̀ pʉ̀a, peg gwɔ́ yég mǒ ńgwɔ́ pɔ́ mepepÿɛ́ɛ pʉ̀a, mbà nò ge poŋo wég poŋ. Áa mmó gie á gÿo peg gwɔ́ tà ne sẅíŋte Ssé, ńdúɔ ngie à gÿo pi giŋ pɔ́ ná mánzsè we tà ńcʉ́me.

2 Korento 4:1

Pú’u la, pá’ e Ssé la lɔg pɔ́ tsɔ́ɔn mezìŋe yé, ńnáa yɔɔn fà’ mbwo peg la, peg tè kʉ́a wɔ́.

2 Korento 4:16

Áa mmo gie á gÿo peg tè kʉ́a, mbùm nnɛ́ yèg tsɛ ne ńkẅi’i ńkʉ́a kʉ̌a tá’, ntʉ́m wég gwɔ́ tsoló ne shumo shum lyɛ̌’ ntsèm.

2 Korento 6:4

Tà ńcʉ́’ pú’u, peg tyé nà kɔ̀ɔkɔ́ɔ wɔ́, ńnyɛ ngie peg ee pafa’a fà’ Ssé, ńdɔgɔ pá’ peg ne shÿɔgɔ tɛ’, á ná fʉ̀’e ngɔ́’, á nà fʉ̀’ gie nò á cʉa wég, á nà fʉ̀’ gie peg ne ńcÿɔ’ɔ tɛ’,

2 Korento 7:15

Tá’, á fó pú’u, n gíŋe ńkẅi’i ńkwoŋo gẅi pɔ́ ndyɛ̀’ɛ ndyɛ̀’ɛ, ńnéŋe ne ńkímte pá’ pi metsèm ka pǔ ńtyé lé jú’ ncwò, mbɔɔ pá’ pi ka kúe yé, ḿbɔ́gɔ yé pá’ mé pɔ́gɔ mântúm, ńná nnɛ́ ssé mvfò yé.

2 Korento 7:5

Peg ka zɔɔn ńgʉa tà ńkúu Makedonia, atsɔ̌ lézẅɛte à tè wó wɔ́. Ngɔ́’ fó meshÿó meshÿó ńtó. Epʉ̀a gwɔ gwɔ́ nzème pǐ ne ḿma’a wég lê ncù, ntʉ́m wég gwɔ́ tsoló ḿbɔ́gɔ ńtí tsɔ́ menò.

Efeso 6:5

Ńgʉa ná pi menkwɔɔn, pi jú’ ncwò pʉ̀a pie pɔ́ gẅiin gẅí, ńne náa mekù’ mɔ́b, ésẅí’i mbùm gí ńnáa ssé mvfò pɔ́b, ńgẅiin ntʉ́m mbòŋo nzèm pɔ́b, ndʉŋ ndʉŋ pá’ pi jú’u ncwò Kristo.