1 Korento 2:1 - Nouveau Testament en Ngienboum

¹ Mefɛ́ pɔ́ɔn, á laa fʉ̀’ gie kwà’ mèŋ n da tóo lá’ pi létsẅii nò Ssé, á gwɔ́ nò gie á la zɔɔn ńgwɔ́ pɔ́ lelyěen, n gwaa tsẅii mbwo pi, n tè lɔgɔ tsɔ́ shwóŋè gie á tʉ tʉ ńtsẅi wɔ́, ńké tè lɔg pɔ́ lényɛɛ gẅi tsɔ́ mmó gie mèŋ sěen ńzsé tɛ’ ńdɔg ńtsẅi wɔ́.

1 Korento 2:1 ပူးပေါင်းရင်းမြစ်များ

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Megàŋ ntúm 22:18

Mèŋ n gyá yé, á gɔɔn né mèŋ ngie: Sẅɛte fó Yerósalem wɔɔn ńgʉa, mélà’mie pʉ̀a pie é tsẅe wó té ge zẅíŋe nò gie ɔ̀ ge shwóŋó wɔ́b é tí wɔ̀ɔn mɔ́.

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

1 Korento 1:17

Kristo la zɔɔn tè túmo wɔ̀ɔn ngie n gʉa ńgÿo pʉ̀a kẅé ntse mbwo mèŋ wɔ́. A là túmo wɔ̀ɔn pɔ́ ngie n gʉa ńtsẅi nkʉ̀ mbòŋo. Tá ńké lelɔg pɔ́ zse nò nyìŋ mésoŋ ńtsẅi wɔ́, ḿbɔ́gɔ légÿo metʉ̀ mie é fóo nà pá’ Kristo la kwé nà tÿǒ nkǐ é mag.

1 Korento 1:6

Á fó ná pá’ mé ka shwóŋó gẅi nò gie mé zsé ná Kristo, pi zẅíŋ lê ntʉ́m gẅi ntsèm,

1 Korento 2:13

Pege tè gwaa gɔɔn nò ná sɛ̌ shúm sie Ssé la náa mbwo pege ńdɔg pɔ́ shwóŋè gie pʉ̀a mesoŋ la lɔgɔ zsé nò yɔ́b ńzí’i wégè wɔ́. Pege lɔg pɔ́ shwóŋè gie Zẅìge Ssé zí’i wégè tá ńgɔɔn nò mǒ. Á cʉa pú’u, pege cʉ́’ʉ lé gwɔ́ kyagte nò nà shúm sie é fóo mbwo Zẅìge Ssé, ńdɔg pɔ́ shwóŋè gie á fóo mbwo Zẅìge Ssé tá ńkyagte.

1 Korento 2:4

Ashwóŋè gie á lɔ̌ɔn ńkẅɛɛ ncwò mèŋ, mbɔɔ nò Kristo gie n da ne sá’a mbwo pi, lɔ́ɔn tě ńnyɛɛ zsé nò nyìŋ mesoŋ gie mé lɔg ńgÿo nyìŋ zẅíŋe nò wɔ́. Metʉ̀ Zẅìge Ssé zɔ̌ la ne ńgÿo epʉ̀a gyá ngie áa nò nénʉ́.

1 Korento 2:7

Á gʉa ná peg, mbà peg la’te yég pɔ́ zsé nò Ssé gie ee nkʉ̀’ʉ nò gie e kɔ̌ɔn ńgwɔ́ pɔ́ lelyěen, mbà Ssé la lá’ ńnyɛte ńzáb tà njÿó nyé té gwɔ̌ wó légwɔ́ gie, à ge lá’ lɔg ńnáa legú’ wege.

2 Korento 10:10

Mèŋ n ne ńzsé ngie tsɔ́ pʉ̀a ne ńgɔɔn ngie pɔl túmo ŋwà’ne ńcÿɔ́gɔ tsoló tɛ’, ńgɔɔn nò á tʉ, ḿbiŋ ńtó tà ńtyé ssé ḿbÿɛ́, anò gie à gɔɔn té gíŋe ńcʉ́e wɔ́.

2 Korento 11:6

Ndyɛ̌’ áa nò ngie mèŋ m bubte pubte tá’, ńgʉa nà le zsé nò Ssé, atsɔ́ *lɔ̌’ té kẅɛ. Peg léen ńnyɛɛ wɛ̌ le gwɔ́ mbwo pi á nà mentí tà ńgyɔ́ɔn, ngwòŋ fʉ̀’ ntsèm gẅie á la ná shÿó.

2 Tesalonika 1:10

Á ge lá’ gwɔ́ pú’u, nà lyɛ̌’ gie Cʉ̀apʉ̀a ge lá’ tó, á gwɔ́ nà yɛ̌ lyɛ’ɛ́ lÿò, epʉ̀a pé ne ńnáa mekù’ mé, pʉ̀a pie é záb ntʉ́m ná yé métsèm ne ńgu’te yé. Pi gwɔ́ gí tsetsɛ̀ɛ pɔ́b, mélà’mie pi la zẅíŋe nò yé gie peg la shwóŋó gẅí.

1 Timote 1:11

Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.

Ŋwà’ne Ngyà jʉ’ 1:2

Jâŋ ŋwɛ́ aa jʉ’ɔɔn ńne ńŋwe’e kɔ̀ɔkɔ́ɔ gie à ka gyǎ. Kwà’ yé ne ńgɔɔn ngie á fóo mbwo Ssé, ńgwɔ́ nò gie áa nénʉ́, mbà Yěsô Kristo ka gÿo mé zsé.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.