1 Korento 15:53 - Nouveau Testament en Ngienboum

⁵³ Á lɔgɔ ńgɔɔn ngie yɔɔn mbùm gie e kwě, ńdʉ́ lɔɔn, e ge lá’ sele cʉ́’ gie e tè gíŋe kwé wɔ́, é ké le lʉ́.

1 Korento 15:53 ပူးပေါင်းရင်းမြစ်များ

Roma 1:23

Pɔ́ nyé légu’te Ssé gẅie à gẅiin legú’, ńgwɔ́ tè kwé, ńcʉ́’ ńgu’te pɔ́ shúm sẅɛ̀ɛ, éshúm sie é sẅé nyìŋ mésoŋ gẅie aa ńkwé, ésẅé meshʉ́ŋ, setsɔ́ sẅé menɔ̀ɔn pie é gẅiin mekwò lekùa, setsɔ́ sẅé menɔ̀ɔn pie éshwoŋo lepfòm sɔ́b ssé.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Galatia 3:27

Pi metsèm, pie pi la kẅé ntse á gwɔ́ léla nnɛ́ ná Kristo, mà Kristo kéen ńjÿó gẅí.

Efeso 4:24

Á gíŋe ne ńzɛ́te ngie pi kúu ná mà we sẅé pá’ nyìŋ kaa nzsǒ sẅé ḿma’a ná ye la. E Ssé zɔ la nuŋe wɛ̌ mà. Wɛ̌ mà aa gẅie mé gyá ná nyìŋ gẅie à ne ńgiŋe ná pá’ á ne ńzɛ́te, ńgwɔ́ nyìŋ gẅie à léen ńnyé we le gwɔ́ ntsèm mbwo Ssé. Wɛ̌ légiŋ fóo ná nò nénʉ́.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.