1 Korento 15:13 - Nouveau Testament en Ngienboum

¹³ Á lɔɔn ńgwɔ́ gie mé té kwé ńgíŋe ńzíme nà legwé wɔ́, mbà mbɔɔ Kristo la tè zím yé nà legwé wɔ́.

1 Korento 15:13 ပူးပေါင်းရင်းမြစ်များ

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

1 Tesalonika 4:14

Pege ne ńzẅíŋe ngie Yěsô la kwé ḿbiŋ ńzíme nà legwé. Áa pú’u, ńdɔgɔ ńgwɔ́ ndʉŋ ndʉŋ pá’ e Ssé ge lá’ lɔgɔ Yěsô gÿo pʉ̀a pie pɔ́ la gwaa kwé ńne ńzába ntʉ́m ná ye, é zím.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

Heber 13:20

E Ssé gẅie e mbʉ́lè fóo mbwo ye, à la gÿo Yěsô Cʉ̀apʉ̀a wege fó lá’ mepfó ńkwɔ́’. Yé Cʉ̀apʉ̀a wege la lɔg pá’ à pfɛté metse mé, e Ssé lɔg ńgwaa *kʉ̀a gie á té ńdá’a ḿmaga wɔ́, ńcʉ́’ʉ mbyɛ̀b mvfó we lÿò, pá’ à ge pyɛ́bɛ *njʉ̀njÿò yé.

Heber 2:14

Ńgɔɔn pú’u, e gubé ŋwɛ́ gwɔ́ pʉ̀a mesoŋ. Pá’ pʉ̀a mesoŋ gwɔ́ pɔ́ tà’a mmó, ńgẅiin mbab nnɛ́, ńgẅiin metse la, yé lê twó yé la gíŋe ńcʉ́’ yé nyìŋ mesoŋ pá’ pɔ́b, légwɔ́ gie à ge táa fó nà legwé we, é gwoon nyìŋ gẅie à gÿo pʉ̀a kwéte, é kẅé metʉ̀ mé. Mé tóŋo ngàŋ lê Sátà

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

1 Korento 15:20

Tá’ á ké tè pú’u wɔ́, Kristo la kwa’ ńzíme nà legwé ńgwɔ́ ndùŋ mvfò, ńdɔgɔ ńnyɛɛ ngie epʉ̀a pie é la kwé ge lá’ gíŋ zím yɔ́b nà legwé.

Roma 8:23

Eshúm ŋwɛ́ zɔ̌ té ńtsẅii gílé pɔ́b wɔ́. Pege yégè pie Ssé la lɔgɔ Zẅìge yé ńgÿo pege gẅiin ntwó mmó nà shúm sie à la ka’a léná né pege, pege yégè giŋé ńgwɔ́ tsɛ̀ɛ ntʉ́m pege ńtsẅii pɔ́ pú’u, ńne ńzẅí’te lyɛ̌’ gie Ssé ge lɔgɔ wégè gÿo púɔ pé ndà’ ndà’, pege gẅiin mbùm yé sẅé, ńtsẅɛ́ ngɔ́’.

Megàŋ ntúm 23:8

Á zɔɔn ńgwaa gwɔ́, pà *farisay gɔɔn ngie mepfó ge lá’ zím, ńgie *mecÿɔ́’ Ssé mbɔɔ *messé tepòŋ ée wɔ́, tá ńgʉa ná pà *sadukay pɔ́ té zẅíŋ yɔ́b pú’u wɔ́.

1 Korento 15:12

Pega pɔ́ lɔɔn ḿbiŋ ne sá’a éshwóŋó pʉ̀a ngie Kristo la zíme nà legwé, mbà á ge gǎ etsɔ́ ntá’ pʉ̀a tsetsɛ̀ɛ pi gɔɔn ngie mé té kwé ńgíŋ ńzím wɔ́ wɔ́?

1 Korento 15:14

Á lɔɔn ḿbiŋ ńgwɔ́ gie Kristo la tè zíme nà legwé wɔ́, mbà nò gie peg sá’a éshwóŋó pʉ̀a á gwɔ́ pɔ́ sẅɛ̀ɛ nò, mbɔɔ gẅi lézáb ntʉ́m nà Ssé á gwɔ́ pɔ́ sẅɛ̀ɛ nò.