1 Korento 14:3 - Nouveau Testament en Ngienboum

³ Tá á gʉa ná nyìŋ gẅie à tsẅii nkʉ̀ gẅie é fóo mbwo Ssé, á gɔɔn nò mbwo pʉ̀a mesoŋ, ńdɔg ńkẅéte wɔ́b pɔ́ kẅi’i ńzáb ntʉ́m nà Ssé, ńdɔg ńkẅiŋte wɔ́b mbɔɔ lélɔg ńnéŋ ntʉ́m wɔ́b.

1 Korento 14:3 ပူးပေါင်းရင်းမြစ်များ

Lukase 3:18

Jâŋ ne shwóŋó nò Ssé pú’u, ńgíŋe ńnáa mentÿɔgɔ́ tà ńgyɔ́ɔn mbwo lá’.

Megàŋ ntúm 13:15

Mé tóŋo shwóŋè Ssé tsɛ̀ɛ ŋwà’ne *lepʉ̌ mbɔɔ tsɛ̀ɛ meŋwà’ne pà *ntsẅì nkʉ̀ Ssé, ńtóŋ tà ńtsẅé jʉ’, melÿo tsɛ̀ɛ yɛ̌ *ndá cú’tè túm mé gʉa ńzɛ́te wɔ́b ngie: Mefɛ́, pi lɔɔn ńgẅiin shwóŋè lélɔg ńkẅiŋte pʉ̀a, pi ná.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Megàŋ ntúm 15:32

Pá’ Jẅide pɔ́ Silas é laa pʉ̀a pie pɔ́ ńnéŋe ńtsẅi nkʉ̀ gẅie é fóo mbwò Ssé la, pâ pɔ̌ gíŋe shwóŋó pá’ɔɔn tɛ’. Pɔ́ nyɛte ńkẅiŋte wɔ́b, ńtóonte wɔ́b pɔ́ tʉte.

Megàŋ ntúm 4:36

À tsɔ̌ nyìŋ gwɔ́ wó, lezíŋ sé gwɔ́ le Yesyɛ̂b, á gwɔ́ nyìŋ nà ngẅɛ̀ Lěvi, mbà mé la zyé yé á ngwòŋ Shʉ̀pele. Ngàŋ ntúm lɔ́ɔn ńgíŋe ńtóŋo yé le Panebâse, é lɔgɔ ńgɔɔn ngie: Nyìŋ gẅie à kẅiŋte pʉ̀a.

Megàŋ ntúm 9:31

Á gwɔ́ fʉ̀’ó, à cú’tè pʉ̀a Kristo ńnéŋe tsɛ̀ɛ sẅéte. Mé té gíŋe ńgege wɔ́b nà pàga ngwòŋ Jẅidea wɔ́. Tà mbɔɔ tsɛ̀ɛ pàga ngwòŋ Galilea tà mbɔɔ Samalîɛ. Pɔ́b metsèm ne ńtóonte mennɛ́ mɔ́b, ńkẅi’i ńtʉte, ńne ńjú’u ncwò Cʉ̀apʉ̀a. A Zẅìge Ssé piŋ ně ńkẅéte wɔ́b, ḿbiŋe ńgÿo e nùɔ wɔ́b kẅi’i ńgyɔ́ɔn.

Roma 12:8

Afù’ ye nyìŋ gwɔ́ lékẅiŋte petsɔ́ pʉ̀a, á kẅiŋte. Nyìŋ lɔɔn ne ńnáa mmó né nyìŋ, á ná té sáŋ. Nyìŋ lɔɔn ńgwɔ́ nyìŋ gẅie à táŋte cú’tè, á táŋte tà ńzsé mmó gie à gÿo yɛ̌. Nyìŋ lɔɔn ne ńkẅéte mepóŋ, á kẅéte lê ntʉ́m mbòŋo.

Roma 14:19

Pú’u la, pege fa’a mmó gie á ge gÿo pege ńnéŋe ńnéŋe lê sẅéte, ḿbiŋ ńkẅi’i ńtóonte mennɛ́ mégè ná lezáb ntʉ́m nà Ssé.

Roma 15:2

Á zɛ́te ngie wɔ̌wɔ́ɔ tsetsɛ̀ɛ pege fa’ pá’ à ge gÿo mmó gie á poŋ petsɔ́ pʉ̀a, pú’u ńdɔgɔ ńtsɔ́ɔn nò mbòŋo ná pɔ́b, é lɔg kẅéte wɔ́b pɔ́ kẅi’i ńzáb ntʉ́m nà Ssé.

1 Korento 10:23

Tsɔ́ pʉ̀a ée tsetsɛ̀ɛ pi, ńne ńgɔɔn ngie ńgwɔ́ nyìŋ gÿo kɔ̀ɔkɔ́ɔ wɔ́ té pɔ́g *lepʉ̌. Áa nò tá’, eshúm ntsèm té kẅéte. Áa nò ngie ńgwɔ́ nyìŋ gÿo kɔ̀ɔkɔ́ɔ wɔ́ té pɔ́g *lepʉ̌, tá’ shúm ntsèm sie mé gÿo é té kẅéte pʉ̀a lékẅi’i ńzáb ntʉ́m nà Ssé wɔ́.

1 Korento 14:12

Á gíŋ ńgwɔ́ mbwo pi ńgwɔ́ pɔ́ pú’u. Pá’ pi ee ssé ne ńtsɔ́ɔn tɛ’ ngie Zẅìge Ndʉalʉ̌a lɔgɔ fù’ ntí ntí ńcÿó gem gí la. Pi gwɔ́ ne tsɔ́ɔn ngie à kẅi’i ńgyɔ́ɔn, á gwɔ́ pɔ́ lélɔg ńgÿo acú’tè ntsèm kẅi’i ńzáb ntʉ́m nà Ssé.

1 Korento 14:17

Yɛ̌ ntí lesíe Ssé tsɛ ńgwɔ́ mbòŋ tɛ’ tá’, e tè kẅéte wetsɔ̌ nyìŋ lékẅi’i ńzáb ntʉ́m nà Ssé wɔ́.

1 Korento 14:26

Mefɛ́ pɔ́ɔn pá’ áa pá’ɔɔn lɔɔn pege gÿo lêkɔ́? Pi lɔɔn ńgwɔ́ tà ńcú’te nyìŋ gẅi gẅiin zɔ́bɔ ntse á zɔb, nyìŋ gẅiin mmó gie à ge zí’i petsɔ́ pʉ̀a á zí’i, nyìŋ gẅiin mmó gie e Ssé ne ńnyɛɛ yé, á shwóŋ, nyìŋ gẅiin nò gie à ge gɔɔn lê shwóŋè gie mé té ne ńzsé wɔ́ á gɔɔn, nyìŋ gẅiin lékyagte á kyagte. Tá’ á ne ńzɛ́te ngie sɛ̌ shúm ntsèm e kẅéte lélɔg ńgÿo à cú’tè pʉ̀a Kristo ntsèm kẅi’i ńzáb ntʉ́m nà Ssé.

1 Korento 14:31

Pú’u, pi metsèm gẅiin shÿó létsẅi nkʉ̀ gẅie é fóo mbwo Ssé, nyìŋ tsẅi tà ńgwɔ tsẅé jʉ’ wetsɔ̌ nyìŋ tsẅi yé. Pú’u, ńzsé ngie pʉ̀a metsèm ge zẅɛ́’ é zí’i nò Ssé, nkʉ̀ gẅie mé tsẅi é kẅiŋte wɔ́b.

1 Korento 8:1

Á gʉa nà nò pfwɔ́’ɔ mbab gie mé nǎ nà shúm sie mé gu’te ngie ee messé, mbà áa nénʉ́ ngie pi metsèm zɔ́gɔ ńgɔɔn ngie pi zɔ zsé nò mǒ. Tá’ yɛ̌ ntí zsé nò gÿo nyìŋ ŋá’te ŋa’té. Tá mmó gie á gÿo mé kẅi’i ńzáb pɔ́ ntʉ́m nà Ssé, aa nyìŋ lé ně ńkwoŋo fɛ́ we.

2 Korento 1:4

À tóonte wégè ngwòŋ fʉ̀’ ntsèm gẅie pege ée tsɛ̀ɛ ngɔ́’ légwɔ́ gie pege yege ge ku’u létóonte petsɔ́ pʉ̀a pie ée tsɛ̀ɛ ngɔ́’, é cʉ́’ʉ létóonte wɔ́b é tóonte nà ntí gie e Ssé ka tóonte wégè.

2 Korento 2:7

Tà á ne zɛ́te fʉ̀’ɔɔn pɔ́ ngie pi lege ńnáa mbwo yé, ńtóonte yé, ḿbɔ́g pá’ à lɔɔn ńgwɔ́ á mÿɔg séság, ńkʉ́a.

Efeso 4:29

ḿbɔ́ɔn mbɔɔ tà’a shwóŋè tepòŋ lékẅɛɛ ncwò pi. Pi gɔɔn pɔ́ nò gie á ge kẅéte ná yɛ̌ fʉ̀’, à gwɔ́ pɔ́ shwóŋè mbòŋo gie á ge kẅéte tsɔ́ pʉ̀a pɔ́ kẅi’i ńzáb ntʉ́m nà Ssé. Pi gɔɔn pɔ́ nò gie á ge kẅéte wɔ̌wɔ́ɔ ná pʉ̀a pie é ne ńzẅí’te.

Efeso 6:22

Mèŋ n zɔɔn ńké ńtúmo yé né pi pɔ́ ngie à shwóŋó gẅi pá’ peg ee pú’u, mbɔɔ pá’ à ge kẅiŋte gẅí.

Kolosia 4:8

Mèŋ n tʉʉ lélÿo ńtúmo yé ngie à gʉa shwóŋó gẅi pá’ peg lɔg ńnéŋe jʉ’ɔɔn pú’u, mbɔɔ pá’ à ge tó kẅiŋte gẅí.

1 Tesalonika 2:11

Pi giŋé ne ńzsé ngie peg laa lejʉ́ŋ wɔ̌wɔ́ɔ ná pi, ńgÿo pɔ́ pá’ tá múɔ gÿo lejʉ́ŋ gubé yé la.

1 Tesalonika 2:3

Anò gie peg zɔɔn ne shwóŋó pʉ̀a, á té nò gie á téŋe wɔ́, peg tè gẅiin nkwaŋá tepòŋ wɔ́, ńké těen ḿbá’a pɔ́ legyè wɔ́.

1 Tesalonika 3:2

é túmo Timoté né pi. Pi ne ńzsé ngie aa fɛ́ wege gẅie pega pɔ̌ fa’a fà’a Ssé, ńgwá ńtsẅii Nkʉ̀ mbòŋo Kristo. Peg ka túmo yé légwɔ́ gie à ge gÿo pi tʉte, é piŋ kẅiŋte gẅi nà gẅi lezáb ntʉ́m nà Ssé,

1 Tesalonika 4:1

Mefɛ́ mefɛ́, anò gie peg ge lɔg cʉ́me á gwɔ́ pɔ́ ngie peg ka shwóŋó gẅi ntí gie à lɔɔn ńgwɔ́ pi lɔg ńnéŋe pú’u, anò gí poŋ Ssé. Á ge gǎ wɔ́ pi ne ńnéŋe pɔ́ pú’u. Tá’ peg giŋé ne sẅíŋte gẅí, tà ḿbú’u pɔ́ mbwo nà lezíŋ Cʉ̀apʉ̀a Yěsô ngie, pi gÿo pɔ́ pú’u, ńdɔg ńgee mvfò.

1 Tesalonika 4:18

Pú’u lá pi ńnéŋe ńdɔgɔ shwóŋè yɔɔn, ésele ńtÿɔ́gte mennɛ́ mí.

2 Tesalonika 3:12

Peg lɔ̌g lezíŋ Cʉ̀apʉ̀a Yěsô Kristo ńgɔɔn né pɛ̌ pʉ̀a tà ńdɔgɔ ńtÿɔ́gɔ wɔ́b tÿɔ́g ngie pɔ́ pʉ́le nnɛ́ éfa’a fà’, ńjÿó shúm léjÿó sie pɔ́ zɔ̌ fǎ’.

1 Timote 1:4

Gɔɔn né pɔ́b ngie pɔ́ nyé menò pú’nkwɔb, lâ menò pà mangʉa njʉ’ pɔ́b pie pɔ́ tʉ́ é té mag. Yɛ̌ ntí menò gÿo mé zoŋo nò pɔ́ sẅɛ̀ɛ sẅɛ̀ɛ, é té kẅéte lézsé mmó gie Ssé la kwaŋa légÿo nyìŋ mesoŋ tsẅɛ́ wɔ́. Mé lɔg pɔ́ lézáb ntʉ́m nà Ssé tá ńzsé yɛ̌ mmó.

1 Timote 4:13

Ne ńtóŋo ŋwà’ne Ssé mvfò pʉ̀a, ńne ńkẅiŋte pʉ̀a, ńne ńzí’i wɔ́b mmó tá ńdɔgɔ ńzẅí’te wɔ̀ɔn.

1 Timote 6:2

Á gʉa nà menkwɔɔn pie pʉ̀a pie é gẅiin wɔ́b ée pʉ̀a Kristo pɔ́ pɔ́ɔn lézẅɛ́’ pá’ pâ pɔ̌ ée mefɛ́ mefɛ́ ńgwága wɔ́b. Tà ńcʉ́’ pú’u, pɔ́ fa’a fà’a yɔ́b á poŋ ńcʉa pá’ pɔ́ ka zɔɔn ńne fa’a, mélà’mie pʉ̀a pie pɔ́ fa’a mbwo pɔ́b kéen ńzáb ntʉ́m ná Kristo tà pɔ́b menkwɔɔn cʉ́’ʉ ńkwoŋo wɔ́b kwoŋ. Ammó gie ɔ̀ ge ne zí’i pʉ̀a, é piŋ ne ńkẅiŋte wɔ́b légÿo pú’u, à yɔɔn:

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Titus 1:9

Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.

Titus 2:15

Mɔɔn ée menò mie ɔ̀ gẅiin léke ńgɔɔn mbwo pʉ̀a gɔɔn, ńgẅiin lékẅiŋte wɔ́b, ńnyɛɛ nyìŋ mmó gie à fʉ̌a. Gÿo mɔɔn menò tà ńzsé ngie ɔ̀ lɔgɔ pɔ́ metʉ̀ Ssé ńgÿo. Tè cʉ́’ nyìŋ gwága gú.

Titus 2:6

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge kẅiŋte pûɔ mbàŋa lésáŋa nò fʉ̀’ ntsèm tá ńgÿo.

Titus 2:9

Gɔɔn né mekwɔɔn ngie, pɔ́ jú’ ncwò pʉ̀a pie é gẅiin wɔb, tà mbɔɔ nà kɔ̀ɔkɔ́ɔ, ńgie pɔ́ fa’ shÿó ńgÿo mmó gie á poŋ pʉ̀a pie é gẅiin wɔ́b, ńgie tà pɔ́ zoŋo nò ncwò pɔ́b,

Heber 10:25

Tà pege nyé lé ké ńne ńtóo mecú’tè mégè tǒ, tà mbɔɔ pá’ letsǒ cú’tè à kéen ńcʉ́’ʉ mà mbwo tsɔ́ pʉ̀a la, tà ńcʉ́’ pú’u, nyìŋ wege kẅiŋte fɛ́ we, á kẅiŋte yé yé, á nue pi ne ńgyá pá’ lyɛ̌’ lá’ Cʉ̀apʉ̀a ne ḿbɔ́ɔnte.

Heber 13:22

Mefɛ́ pɔ́ɔn pe mbàŋa mbɔɔ pe pànzwě, mèŋ n ne sẅíŋte gẅi ngie pi lɔgɔ kwɔ́gɔ nnɛ́, ńzẅí’te yɔɔn shwóŋè gie mèŋ n nǎ mbwo pi, ńdɔg ńkẅiŋte gẅí. N zɔ̌ɔn ńké kaa ŋwe’e á sag wɔ́.

Heber 3:13

Tá’, pi ne ńkẅiŋte mennɛ́ mí pi né pi kẅiŋte, pú’u ńzsé ngie nò tepòŋ té ge fʉte tsɔ̌ nyìŋ gẅi, letʉ́m sé tʉ, á le gíŋe ńjú’ ngyè Ssé wɔ́ wɔ́. Pi gÿo pú’u, lyɛ̌’ ntsèm, á nue yɔɔn áa lyɛ̌’ gie mé ée tsɛ̀ɛ ŋwà’ne Ssé ńtóŋ ngie à lyɛ̌’ɔɔn. Yɔɔn zɔɔ lyɛ̌’ gie ńgwɔ́ mé jú’ ngyè Ssé.

1 Piɛ 5:12

Silase ka kẅéte wɔ̀ɔn léŋwe’e wɔɔn mûɔ méŋwà’ne. Àa mbwo mèŋ ńgwɔ́ fɛ́ gẅie à zsé yé pɔ́ ndà’ nò Yěsô. Mèŋ n náa yɔɔn ŋwà’ne mbwo pi lélɔg ńkẅiŋte gẅi mbɔɔ lélɔg ńnyɛte shwóŋó gẅi ntí gie e Ssé la lɔg menò mbòŋo ńcÿó gʉm yégè, kwà’ pá’ mèŋ n ŋwe’é lɔɔn. Pi tʉte nà menò ŋwɛ́ mboŋó.

Jẅide 1:20

Tá ńgʉa ná pi, mbà meshǔ pɔ́ɔn pe tʉ̀ nzẅìŋ, pi kẅi’i ńtʉte tʉte, ńne ńkú’te mmó gie pi la záb ntʉ́m gẅi mǒ. Yɛ̌ zɔ̌ cÿó gie gẅi leńnéŋe tyé mǒ. Pi tóŋo Zẅìge Ndʉalʉ̌a, à lɔg metʉ̀ mé ńkẅéte gẅí lésẅíŋte Ssé.