1 Korento 13:9 - Nouveau Testament en Ngienboum

⁹ á nue pege fʉ̀’ɔɔn ńzsé pɔ́ tsɔ́ gwǒŋ, e Ssé tè nyɛɛ wégè shúm ntsèm tá pege tsẅi nkʉ̀ gẅie é fóo mbwo ye wɔ́.

1 Korento 13:9 ပူးပေါင်းရင်းမြစ်များ

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Roma 11:34

Á lɔgɔ ńtsẅé’e ná pá’ ŋwà’ne Ssé gɔɔn ngie: Awɔ́ ku’u lézsé mmó gie Cʉ̀apʉ̀a ne ńkwaŋte, Awɔ́ lɔɔn ńgwɔ́ á náa yé ntÿɔgɔ́,

1 Korento 13:10

À ge ké lá’ gwɔ́ tà nyɛɛ wégè shúm ntsèm, múɔ mézsé nò we fʉ̀’ɔɔn à mag.

1 Korento 13:12

Áa fʉ̀’ɔɔn pege ne ńgyá shúm é tele tele pɔ́ pá’ fʉ̀’ gie pege gyá tsɛ̀ɛ nzẅìŋe gya shÿó la. Á ge lá’a tsɔ́ fʉ̀’ pege kwà’ ńgyá, e gwɔ́ fʉ̀’ó ńgwɔ́ mvfò pege, áa nà fʉ̀’ɔɔn n tè zsé shúm ntsèm wɔ́, tá’ n ge lá’a tsɔ́ fʉ̀’ é zsé shúm nà nti gie e Ssé ne ńzsé wɔ̀ɔn fʉ̀’ɔɔn pú’u.

1 Korento 2:9

Mé la zɔɔn ńŋwe’e tsɛ̀ɛ ŋwà’ne Ssé ngie: Ammó gie nyìŋ mesoŋ laa gyá ńké te jú’, Mbà à laa fó ńkwaŋte wɔ́ E Ssé la nyɛte yɛ̌ mmó ńzáb Légwɔ́ gie pʉ̀a pie é kwoŋo yé ge gÿo zẅɛ́’.

1 Korento 8:2

Nyìŋ lɔɔn ne ńkwaŋa ngie à ne ńzsé tsɔ́ mmó, mbà à nyě tè zsě pá’ á kɔ’ɔ́ ne ńzɛ́te ngie à zsé pú’u.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.