1 Korento 11:2 - Nouveau Testament en Ngienboum

² Mèŋ n nǎ ngɔ́ɔnte gi pá’ pi tyé nà yɛ̌ nò wɔ́, ńkímte wɔ̀ɔn kimté. Mbɔɔ pá’ pi ne ńcwoŋo ńkú’te mà gẅie n da zí’i gẅí.

1 Korento 11:2 ပူးပေါင်းရင်းမြစ်များ

Lukase 1:6

Sakarîɛ pɔ́ nzwě we laa pʉ̀a, ńkú’te *lepʉ̌ Ssé kwà’ mboŋó, ńjú’u ncwò Ssé, ḿbiŋe ńgÿo pɔ́ mmó gie à ne ńkwoŋo tà *lɔ̌’ téen ńkẅɛɛ wɔ́.

1 Korento 11:17

Atsɔ́ nò gíŋe ńgwɔ́ ssé gie n ge gɔɔn nò mǒ fʉ̀’ɔɔn. Á gwɔ́ gie pi ne ńgÿo á téen ḿboŋo wɔ̀ɔn mɔ́. Pi ne ńkúu mecú’tè mí, á cʉ́’ʉ légwɔ́ gie nò mbòŋo á kɔ’ɔ́ kẅɛɛ wó, à ye tepòŋ zɔ̌ kẅɛɛ.

1 Korento 11:22

Pi te gẅiin mendá mí léńnéŋe wó, ḿpfɛ̂ mmó, ḿbiŋ ńnú wɔ́ ka? Kà pi kwoŋo pɔ́ lélɔg shʉ́ ńkú pʉ̀a pie pɔ́ té mmó léjÿó gẅiin, ńdɔgɔ pú’u ńgwága cú’tè pʉ̀a Kristo? Pi gɔɔn ngie mèŋ n gɔɔn né pi ngie kɔ́? Ngie n ná ngɔ́ɔnte gi la? Ngǎŋ! Kwà’ nénʉ́, à lɔɔn ngwɔ́ n de ngɔ́ɔnte gi ná.

1 Korento 15:2

E Ssé ne fóo nà nkʉ̀ mbòŋo ŋwɛ́ ńgÿo pi tsẅɛ́ɛ, pá’ pi lɔɔn ńké ne ńkú’te kwà’ mmó gie n da tsẅi mbwo pi kú’te. Tà á té pú’u wɔ́, mbà gẅi lézáb ntʉ́m nà Ssé gwɔ́ pɔ́ sẅɛ̀ɛ sẅɛ̀ɛ.

1 Korento 4:17

N gwɔ̌ túmo Timoté né pi ńtí pɔ́ pú’u. Aa nà nò Kristo ńgwɔ́ míŋ wɔ̀ɔn mie n kwoŋo yé tɛ’. À zsé pɔ́ ndà’ nò Cʉ̀apʉ̀a. Á ge tó kímte gẅi mmó gie n zí’i pʉ̀a á nà legiŋe nzèm Kristo pɔ́ kwà’ pá’ mèŋ n ne ńtóo nzɔ̌ nzɔ̌ tsɛ̀ɛ mecú’tè pʉ̀a Kristo ńzí’i pʉ̀a.

1 Korento 7:17

Tá á gʉa ná mɔɔn menò ntsèm, mbà á poŋ ngie àwɔ̌wɔ́ɔ gwɔ́ pɔ́ nà jʉ’ gie e Ssé la záb ngie à gwɔ́ wó, ńnéŋe nà jʉ’ gie e Ssé ka gwaa tóŋo yé á ńnéŋe wó. Áa mmó gie mèŋ n ne ńgɔɔn tsɛ̀ɛ mecú’tè pʉ̀a Kristo ntsèm ngie mé gÿo.

1 Tesalonika 1:6

Pi la pí fʉ̀’ ná peg, mbɔɔ ná Cʉ̀apʉ̀a. Mé tsɛ ne ńnyɛɛ gẅi ngɔ́’ tɛ’ tá’, pi lɔgɔ lekág gẅie à fóo mbwo Zẅìge Ndʉalʉ̌a, ńzẅíŋe shwóŋè Cʉ̀apʉ̀a.

1 Tesalonika 3:6

Tá áa nà fʉ̀’ɔɔn, mbà a fǒ lá’ pi ḿbiŋ tà ńkúu jʉ’ɔɔn. A shwoŋó wég nò ná gẅi lézáb ntʉ́m nà Ssé, á nà nkwòŋo gie pi gẅiin, tà nò poŋo wég. A shwoŋó wég pá’ pi neŋé ńkíme wég pɔ́ mboŋó, mbɔɔ pá’ pi ne ńtsɔ́ɔn légiŋ ńgyá wég pá’ peg yég ne ńtsɔ́ɔn légiŋe ńgyá gẅí.

2 Tesalonika 2:15

Pú’u la, mbà mefɛ́ mefɛ́, tà pi kʉ́a. Ammó gie peg ka zí’i gẅí, kà lê ncwò wɔ́, kà ńŋwe’e pɔ́ tsɛ̀ɛ ŋwà’ne wɔ́, pi kú’te mboŋó.

2 Tesalonika 3:6

Mefɛ́ mefɛ́, peg lɔ̌g lezíŋ Cʉ̀apʉ̀a Yěsô Kristo, ńtsẅii mbwo pi ngie pi lÿɔ́’ mbɔɔ wɛ̌ fɛ́ gẅi wɔ́ gẅie à pɔ́gɔ fà’ pɔ́g, ḿbiŋ ńké tè ne ńgiŋe ná ntí gie peg la zí’i gẅi laa pɔ̌ wɔ́.