1 Jâŋ 5:9 - Nouveau Testament en Ngienboum

⁹ Epʉ̀a mesoŋ gɔɔn mmó gie pɔ́ zsé nà nò, pege jú’ ńzẅíŋ ńgie áa nò. Ammó gie e Ssé gɔɔn nà nò á piŋ ńcʉa gie pʉ̀a mesoŋ gɔɔn. À lɔg menò méntá mɛ̌, ńgɔɔn nò ná nò Míŋ we.

1 Jâŋ 5:9 ပူးပေါင်းရင်းမြစ်များ

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Ŋwà’ne Jâŋ 10:38

Tá ńgwɔ́ gie mèŋ n dɔɔn fa’, á fó ńgwɔ́ gie pi tè záb ntʉ́m ná mèŋ wɔ́, pi zẅíŋ mefà’ ŋwɛ́. À cʉa pú’u, pi leen ńké ńzsé mboŋó ngie Tá wɔ̀ɔn aa né mèŋ, mèŋ n gwɔ́ né yé.

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Megàŋ ntúm 17:31

Á zɔɔn ńgwaa gwɔ́ pú’u, mbà Ssé léen ńzába lyɛ̌’ gie à ge lá’ lɔgɔ nyìŋ gẅie à la tsɔ́’ɔ yé, é ŋag njÿó, é ké ŋag pɔ́ nà ntí gie ee ndʉŋ ndʉŋ. À la zíme ngàŋ ná legwé lélɔg ńnyɛɛ mbwo mânyìŋ ntsèm ngie à ge lá’ gÿo pú’u.

Megàŋ ntúm 5:32

Peg gɔɔn pá’ɔɔn ńgwɔ́ pàjÿó ńgyá nà mɔɔn menò. À Zẅìge Ndʉalʉ̌a gie Ssé ne náa mbwó pʉ̀a pie é ne ńjú’u ncwò wé zɔ̌ tsóte weg légɔɔn.

Heber 2:4

E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

1 Jâŋ 5:10

Nyìŋ lɔɔn ńzáb ntʉ́m wé ná Míŋ Ssé, mbà mɔɔn menò méntá ge ne fa’a ntʉ́m ye. Nyìŋ gẅie à kaa zẅíŋe nò gie e Ssé gɔ̌ɔn wɔ́, angàŋ lɔgɔ Ssé ńgÿo ngàŋa cÿɔ̌ nò, mélà’mie à kaa záb ntʉ́m nà nò gie e Ssé gɔ̌ɔn ńtí mmó gie yé Ssé zsé nà nò Míŋ we wɔ́.

1 Jâŋ 5:8

Yɔɔn áa Zẅìge Ssé, wɔɔn gwɔ́ ntse, ńgÿo metse, pɔ́b métá ne ńda’te tà’a nò wémɔ’ɔ́.