1 Jâŋ 5:4 - Nouveau Testament en Ngienboum

⁴ Á nue wɔ̌wɔ́ɔ gẅie aa míŋ Ssé, à tʉ̌ ńcʉa kɔ̀ɔkɔ́ɔ gie á táte yé tsɛ̀ɛ njÿó. Ammó gie á gÿo pege tʉ ńcʉa njÿó, áa pá’ pege záb ntʉ́m ná Yěsô Kristo.

1 Jâŋ 5:4 ပူးပေါင်းရင်းမြစ်များ

Ŋwà’ne Jâŋ 1:13

Legwɔ̌ pú’u, à tě fóo nà ntí gie mámbàŋa pɔ́ manzwě kwǒŋ ńzyé wɔ́, ńké tě fóo ná lekwoŋ we nyìŋ mesoŋ wɔ́, mé gɔɔn légwɔ́ púɔ Ssé, mbà Ssé zɔ kwǒŋ yɛ̌ ntí lezyé.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

1 Korento 15:57

Tá’ pege ná ndǎg mbwo Ssé gẅie à gÿo pege cʉa ná Cʉ̀apʉ̀a wege Yěsô Kristo, ńgÿo pege cʉa nò tepòŋ mbɔɔ legwé.

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

1 Jâŋ 3:9

Wɔ̌wɔ́ɔ gẅie à vɔg tà ńcʉ́’ʉ míŋ Ssé, à tè gíŋe ńnéŋe ńgÿo nò tepòŋ wɔ́, á nue le gwɔ́ gẅie à fóo ná Ssé aa ná yé ńgwɔ́ pá’ mbyè mmó la. À tè gíŋe ńku’u légÿo nò tepòŋ wɔ́, á nue aa míŋ Ssé.

1 Jâŋ 4:4

Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.

1 Jâŋ 5:18

Pege ne ńzsé ngie nyìŋ gwɔ̌ tà ńcʉ́’ʉ míŋ Ssé, à tè gíŋe ńnéŋe fʉa nò fʉa wɔ́, á nue Míŋ Ssé ne ńtÿɔ́’te yé, nyìŋ tepòŋ tè gẅiin shÿó lézába pwó ná yé wɔ́.

1 Jâŋ 5:5

Ńgwɔ́ wɔ̌ zɔɔn ńtʉ ńcʉa njÿó? À gwɔ̌ pɔ́ ndà’ nyìŋ gẅie à zẅǐŋ ngie Yěsô aa Míŋ Ssé?

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

Ŋwà’ne Ngyà jʉ’ 15:2

N gíŋe ńgyá tsɔ̌ ntí tetʉ́a, ésaŋte pá’ ntse té pàa, ńne síi pɔ́ pá’ tsɔ̌ ntí tóon gie e gwɔ̌ pɔ́ pá’ gyà shÿó, mé tóŋ lê Kristal la. Á gwɔ́ pɔ́ pá’ fʉ̀’ gie mmɔ̌g ée tsoló ńne ńkyɛ’ɛ jʉ’ la. Epʉ̀a tyéte ndùm wó, ńgwɔ́ pʉ̀a pie pɔ́ mǎ’ ncù tà ńcʉa nkʉ̀’ʉ nɔ̀ɔn, é pʉ̀a pie pɔ́ kaa tútú we gu’te, ńké tè zẅíŋ mé ŋwe’e menómbà mie é la’te lezíŋ sé ná pɔ́b wɔ́. Megàŋ gẅiin tsɔ̌ ntí mekèkÿɛ̀ mbwó pɔ́b, é gwɔ́ mie e Ssé la ná né pɔ́b.

Ŋwà’ne Ngyà jʉ’ 2:11

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Nyìŋ gẅie à lÿɔ̌’ ncù tà ńcʉa nò tepòŋ, lekwě nà mbɔ́ɔntè yépʉ́a à tè lá’ kíbe yé wɔ́.

Ŋwà’ne Ngyà jʉ’ 2:17

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. N ge lá’ náa mána gẅie aa lelyěen, mbɔɔ féfɔ́gɔ kwá’a, á mbwo nyìŋ gẅie à lÿɔ̌’ ncù tà ńcʉa nò tepòŋ, mbà mé ŋwe’é lezíŋ sẅé ná kwá’a ŋwɛ́, é gwɔ́ sie tsɔ̌ nyìŋ tè zsé tà ndí ndà’ nyìŋ gẅie mé nǎ kwá’a ŋwɛ́ mbwo yé.

Ŋwà’ne Ngyà jʉ’ 2:26

Á gʉa ná nyìŋ gẅie à ge gÿo lÿɔ́’ ncù tà cʉa nò tepòŋ, á nyìŋ gẅie à ge gÿo é ké ne gÿo pɔ́ mmó gie mèŋ n da tsẅi ngie mé ne ńgÿo, á légÿo pɔ́ pú’u, tà ńkúu lyɛ’ɛ́ nzsònzèm, mbà mèŋ n ge lá’ ná metʉ̀ mbwo ye, à lɔg sá’ patè zsé Ssé.

Ŋwà’ne Ngyà jʉ’ 2:7

Nyìŋ lɔɔn ńgẅiin metuŋó, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Mèŋ n ge gÿo ná ntɔ̌ɔn gẅie éfóo ná tÿǒ gie á gÿo mé gwɔ́ wó, á mbwo nyìŋ gẅie à lÿɔ̌’ ncù tà ńcʉa nò tepòŋ, à jÿó. Yɛ̌ tÿǒ áa tsɛ̀ɛ nká’a Ssé.

Ŋwà’ne Ngyà jʉ’ 3:12

Nyìŋ gẅie à ge lÿɔ́’ ncù tà cʉa nò tepòŋ, Mèŋ n ge gÿo lɔgɔ ngàŋ é tÿɔ́g ntóon nà jʉ’e Ssé yɔ̀ɔn, angàŋ le lá’ fóo jʉ’ó, ńgʉ́a tsɔ́ jʉ’ wɔ́. Mèŋ n ge gÿo ŋwe’e lezíŋ Ssé yɔ̀ɔn á ná ngàŋ, é gíŋ ŋwe’e lezíŋ tÿǒsoŋ ye Ssé yɔ̀ɔn á nà ngàŋ. Yɛ̌ tÿǒsoŋ gwɔ́ Yerósalem ye sẅé gie á fóo tÿǒ lepwó, á lejʉ́ŋ Ssé yɔ̀ɔn, ésẅɛ́’ɛ. Mèŋ n ge gíŋ ŋwe’e mbɔɔ lezíŋ sɔ́ɔn se sẅé á ná ngàŋ.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

Ŋwà’ne Ngyà jʉ’ 3:5

Áa pá’ nyìŋ gẅie à ge lá’ lÿɔ́’ ncù tà cʉa nò tepòŋ ge lá’ ma’ mefɔ́gɔ nzsǒ pú’u. Mèŋ m biŋ le lá’ ńzá’ lezíŋ sé tsɛ̀ɛ ŋwà’ne gie e Ssé la ŋwe’e mezíŋ pʉ̀a pie pɔ́ gẅiin le gwɔ́ tèmì tsoló wɔ́. N gÿo ńtÿé mvfò Tá wɔ̀ɔn pâ mecÿɔ́’ pé, ńgɔɔn ngie aa wɔ̀ɔn nyìŋ.