1 Jâŋ 5:21 - Nouveau Testament en Ngienboum

²¹ Penkʉ́ pɔ́ɔn, pi laga twó gí nà shúm sie pʉ̀a gu’te ngie ee Ssé.

1 Jâŋ 5:21 ပူးပေါင်းရင်းမြစ်များ

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

1 Korento 10:14

Á gʉa nà menò mɔɔn ntsèm, mbà meshǔ pɔ́ɔn pentʉ̀ nzẅìŋ, tà pi gẅiin tsɔ́ nò ná legu’te shúm sie mé gu’te ngie ée messé.

1 Korento 10:7

Á gíŋe tè ne ńzɛ́te ngie pi gu’te shúm sie mé gu’te ngie ée messé wɔ́. Á piŋ ńgwɔ́ mmó gie tsɔ́ pʉ̀a tsetsɛ̀ɛ pɔ́b la gÿo. Á fó mǒ mé ŋwe’e tsɛ̀ɛ ŋwà’ne Ssé ngie: «Alá’ sẅɛ̌’ ńnéŋe ssé, ḿpfɛ́ shúm, ńnúu mmó. Afʉ̀’ ku’ pɔ́ lu ssé ńgÿo megʉa».

1 Tesalonika 1:9

Mé ńnéŋe shwóŋ ntí gie pi la lɔg ńkúe wég, á fʉ̀’ gie peg la tóo tsetsɛ̀ɛ pi, mbɔɔ ntí gie pi la lɔg ńtém nzèm shúm sie mé gu’te ngie ée messé, ésele nnɛ́ ńdíe Ssé ye nénʉ́, ńcʉ́’ʉ fa’a pɔ́ mbwo yé gẅie aa ntentʉ́.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

Ŋwà’ne Ngyà jʉ’ 14:11

Ndyé mmɔ̌g gẅie pɔ́ ée tsoló e lá’a ńzɔ́gɔ ńkwɔ́’ɔ kwɔ̌’ nà ngù’ nkɔ́ɔn nê nkɔ̌ɔn. Awɔ̌wɔ́ɔ gẅie à ne ńgu’te nɔ̀ɔn, ńgíŋe ńne ńgu’te tútú nɔ̀ɔn ŋwɛ́, tà mbà mé cÿɔ’ɔ́ liŋé lezíŋ nɔ̀ɔn ná yé, á lá’a ńzɔ́gɔ légyá ngɔ́’ á zsǒ mbɔɔ tsẅɛ́’, atsɔ̌ lézẅɛte á le gwɔ́ wó wɔ́.

Ŋwà’ne Ngyà jʉ’ 9:20

Á gʉa nà pfwɔ́’ɔ pʉ̀a pie sɔɔn shúm sie é náa ngɔ́’ la tè wɔ́b zẅé, pɔ́ ké tè kúbe mà wɔ́b ńgwá’ mefà’ tepòŋ mie pɔ́ fa’a wɔ́. Pɔ́ la tè nyé légu’te *messé tepòŋ wɔ́. Pɔ́ té nyé légu’te shúm sie mé gu’te ngie ee messé wɔ́, é sie mé la lɔgɔ tʉ̌ gɔ̂l ńnyɛte, kà pɔ́ sie mé la lɔgɔ tʉ̌ nkáb ńnyɛte wɔ́, kà sie mé la lɔgɔ tʉ̌ nʉ̀ ńnyɛte wɔ́, kà sie mé la lɔgɔ tóon ńnyɛte wɔ́, kà sie mé la lɔgɔ kème tÿǒ ńnyɛte wɔ́, éshúm sie é té ku’u légyá jʉ’ wɔ́, ńké tè ku’u lé jú’u nò wɔ́, ńké tè ku’u légiŋ wɔ́.