1 Jâŋ 5:19 - Nouveau Testament en Ngienboum

¹⁹ Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.

1 Jâŋ 5:19 ပူးပေါင်းရင်းမြစ်များ

Lukase 4:6

ńgɔɔn né yé ngie: Mé léen ḿbú ńná mengwòŋ mɛ̂ lé mèŋ, mèŋ m biŋ ńku’u lé pú ńná né wɔ̌wɔ́ɔ gẅie n kwǒŋ. Mèŋ n ge zɔɔn ná lefùɔ né gù, gù zɔ cʉ́’ʉ ńdɔgɔ ńgẅiin shúm mbòŋo sie ée tsòló ntsèm.

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 16:11

Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

Ŋwà’ne Jâŋ 17:15

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

Roma 8:16

Kwà’ Zẅìge ŋwɛ́ yé máŋwɛ́ ne ńgÿo pege cwoŋo ńzsé tsɛ̀ɛ ntʉ́m wégè ngie pege ee púɔ Ssé.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

2 Korento 5:1

Peg zɔɔn ne ńzsé ngie ntàb wɔɔn gẅie pege ee tsoló, é gwɔ́ mbùm yege lɔɔn, é lɔɔn fó lyɛ̌’ ńkeme, mbà pege gẅiin ndá tÿǒ lepwó, é gwɔ́ gie e ge lá’a gwɔ́ pɔ́ wó. Epʉ̀a mesoŋ zɔ la tè pwóon, e Ssé zɔ la pwóon.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.

1 Jâŋ 3:14

Pege fó ná pá’ pege ne ńkwoŋo mefɛ́ pege, ńzsé ngie pege tè gíŋe ńgwɔ́ mepfó wɔ́, pege ee ntentʉ́. Nyìŋ gẅie à tè nyìŋ mesoŋ kwoŋ, nyě ńgwɔ́ pɔ́ mpfó.

1 Jâŋ 3:24

Nyìŋ gẅie à kú’te mbʉ̌ Ssé, à ké ńda nnɛ́ nà Ssé la, e Ssé la nnɛ́ ná yé. Pege fó nà Zẅìge Ndʉalʉ̌a gie Ssé nǎ mbwo pege, ńzsé ngie e Ssé la nnɛ́ ná pege.

1 Jâŋ 5:10

Nyìŋ lɔɔn ńzáb ntʉ́m wé ná Míŋ Ssé, mbà mɔɔn menò méntá ge ne fa’a ntʉ́m ye. Nyìŋ gẅie à kaa zẅíŋe nò gie e Ssé gɔ̌ɔn wɔ́, angàŋ lɔgɔ Ssé ńgÿo ngàŋa cÿɔ̌ nò, mélà’mie à kaa záb ntʉ́m nà nò gie e Ssé gɔ̌ɔn ńtí mmó gie yé Ssé zsé nà nò Míŋ we wɔ́.

1 Jâŋ 5:13

Mèŋ n ŋwe’e mɔɔn menò ńdɔgɔ shwóŋó gẅi pie pi záb ntʉ́m ná Míŋ Ssé ngie: Pi gẅiin le gwɔ́ tèmì.

1 Jâŋ 5:15

Pá’ pege ne ńzsé ngie e Ssé ne ńjú’u nò yégè la, pege giŋé ńne ńzsé ngie pege lɔɔn ńdúɔ pɔ́ kɔ́ mbwo yé wɔ́, mbà à ge náa mmó gie pege luɔ né pege.

1 Jâŋ 5:18

Pege ne ńzsé ngie nyìŋ gwɔ̌ tà ńcʉ́’ʉ míŋ Ssé, à tè gíŋe ńnéŋe fʉa nò fʉa wɔ́, á nue Míŋ Ssé ne ńtÿɔ́’te yé, nyìŋ tepòŋ tè gẅiin shÿó lézába pwó ná yé wɔ́.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 20:3

ńdeen ńké ńzé’e yé ḿma’a tsɛ̀ɛ pÿé té lǎŋ, ńdɔgɔ kí ńjÿɔ’ɔ yé tsoló, ńtse lê lìi nŋwá’ légwɔ́ gie à tè gíŋe gwá tsɛ̀ɛ mengwòŋo mengwòŋ é fʉte pʉ̀a wɔ́ tà ngù’ ntsá’ e lá’ ńku’. E lá’ ńgwɔ́ tà ńku’, mé ná’a ńkyɛ’ɛ yé ná mûɔ méfʉ̀’.