1 Jâŋ 5:11 - Nouveau Testament en Ngienboum

¹¹ Ammó gie e Ssé la gɔɔn nà nò Míŋ we, à yɔɔn ńgwɔ́ ngie: Yé Ssé la náa le gwɔ́ tèmì mbwo pege, wɛ̌ le gwɔ́ á fóo ná Míŋ we.

1 Jâŋ 5:11 ပူးပေါင်းရင်းမြစ်များ

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 1:4

Legwɔ́ à laa ná yé, le gwɔ́ ŋwɛ́ á gwɔ́ kyɛ̀’ gie á kyɛ’ɛ pʉ̀a mesoŋ.

Ŋwà’ne Jâŋ 10:28

Mèŋ n naa le gwɔ́ tèmì mbwo pɔ́b, pɔ́ téen ńdá’a ńgíŋe ńkaa ndòon tèmì wɔ́. Sɔɔn nyìŋ piŋ tè ku’u léfó mbwo mèŋ ésa’a wɔ́b gwɔ́.

Ŋwà’ne Jâŋ 12:50

Mèŋ m biŋ ne ńzsé ngie nkʉ̀ gẅie à la cʉ́me mbwo mèŋ àa le gwɔ́ tèmì. Áa pú’u, anò gie mèŋ n gɔɔn, n gɔɔn pɔ́ pá’ Tá wɔ̀ɔn la tsẅi.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 19:35

Nyìŋ gẅie à shwóŋó gẅi aa njÿò ńgyá nà kɔ̀ɔkɔ́ɔ gie á la cʉa. Á gwɔ́ kwà’ pá’ á la cʉa. Kwà’ yé lê twó yé ne ńnyɛte ńzsé ngie à gɔɔn nò nénʉ́, ńgɔɔn pá’ɔɔn légwɔ́ gie pi gí ge záb ntʉ́m ná yɔɔn nò.

Ŋwà’ne Jâŋ 3:36

Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 4:36

Nyìŋ gẅie à laga shúm, à ne ńkẅé ntsɔ’ɔ́ fà’ wé, é gwɔ́ pá’ à ne ńcú’te mmó ńnéŋe tsɛ̀ɛ le gwɔ́ tèmì. Légwɔ́ gie ambyè mmó pɔ́ ndàga ge pú kág.

Ŋwà’ne Jâŋ 4:4

Á ne ńzɛ́te ngie à zyɛ́’ ye tsɛ̀ɛ pàga ngwòŋ Samalîɛ.

Ŋwà’ne Jâŋ 5:21

Pá’ Tá we gÿo pʉ̀a pie é kwě zím ńgwɔ́ wó la, áa ndʉŋ ndʉŋ pá’ Múɔ giŋé ńku’ yé légÿo nyìŋ gẅie à kwoŋo yé gwɔ́ wó.

Ŋwà’ne Jâŋ 5:26

Áa pú’u mélà’mie Ssé Tá gẅie aa lesa’á le gwɔ́ tèmí, à la ná mɛ̌ metʉ̀ mbwo míŋ we.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Ŋwà’ne Jâŋ 6:47

Tà mèŋ shwóŋó gẅí, kwà’ nénʉ́, nyìŋ lɔɔn ńzáb ntʉ́m ná mèŋ, mbà ngàŋ ge gẅiin le gwɔ́ tèmì.

Ŋwà’ne Jâŋ 6:68

Símo Piɛ tsɔ́’ɔ mbwo yé ngie: Cʉ̀apʉ̀a, peg ge gʉa kẅɛ́te pɔ́ wɔ̌? Ɔ̀ gẅiin shwóŋè gie á náa le gwɔ́ tèmì.

Roma 5:21

Á cʉa pú’u, e Ssé lɔg pá’ à tsɔ́ɔn mezìŋe mɔ́b, yé zɔ̌ cʉ́’ ńgẅiin wɔ́b, ńgÿo pɔ́ cʉ́’ pʉ̀a pie ee ndʉŋ ndʉŋ mvfò yé, á lɔgɔ sẅé pá’ nò tepòŋ la gÿo legwé gẅiin pʉ̀a mesoŋ, ńzẅéte wɔ́b. E Ssé tsɔ́ɔn mezìŋe mégè ńcÿó gem yégè pú’u, pege zẅɛ́’ɛ Cʉ̀apʉ̀a Yěsô Kristo tá ńgẅiin le gwɔ́ tèmì.

Roma 6:23

a nue mmó gie nò tepòŋ lɔ́g ḿbéen fà’a nyìŋ, á gwɔ́ pɔ́ ngàŋ lekwé, tá afù’ gie e Ssé náa mbwo nyìŋ pɔ́ sẅɛɛ sẅɛɛ, á gwɔ́ pá’ ngàŋ zẅɛ̌’ pá’ á la nnɛ́ ná Cʉ̀apʉ̀a wege Yěsô Kristo, ńgẅiin le gwɔ́ tèmì.

1 Timote 1:16

Tá’, e Ssé la tsɔ́ɔn mezìŋe mɔ́ɔn, tà Yěsô Kristo nyɛɛ ná mèŋ gẅie mèŋ n gee ndúm tsetsɛ̀ɛ pàgÿo menò tepòŋ ngie à zsé léshÿɔg. Pú’u ńdɔg ńná fʉ̀’ mbwo pʉ̀a pie é ge gÿo záb ntʉ́m ná yé, é gẅiin le gwɔ́ tèmì.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

1 Jâŋ 2:25

Kristo la ka’a mbwo pege ngie, pega Ssé ge lá’a gwɔ́ pɔ́ fʉ̀’ ntsèm.

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

1 Jâŋ 4:9

Anò gie Ssé la lɔg ńnyɛɛ wégè ngie à kwoŋo wégè à yɔɔn: À la túm ndà’ Míŋ we wémɔ’ɔ́ tsɛ̀ɛ njÿó ngie pege cʉa nzèm yé ńgwɔ́ wó.

1 Jâŋ 5:10

Nyìŋ lɔɔn ńzáb ntʉ́m wé ná Míŋ Ssé, mbà mɔɔn menò méntá ge ne fa’a ntʉ́m ye. Nyìŋ gẅie à kaa zẅíŋe nò gie e Ssé gɔ̌ɔn wɔ́, angàŋ lɔgɔ Ssé ńgÿo ngàŋa cÿɔ̌ nò, mélà’mie à kaa záb ntʉ́m nà nò gie e Ssé gɔ̌ɔn ńtí mmó gie yé Ssé zsé nà nò Míŋ we wɔ́.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

1 Jâŋ 5:7

é lɔgɔ ńgwɔ́ menò méntá mie é la’te wégè nò ná Yěsô.

3 Jâŋ 1:12

ńgʉa ná Ndermetelẅis, mbà wɔ̌wɔ́ɔ kíme yé pɔ́ mbòŋ. Ntí gie à ne ńdɔgɔ ńgiŋe ná mánzsè nò nénʉ́ ne ńda’te ngie mefà’ mé ée mbòŋ. Peg yég ne ńkíme yé pɔ́ mbòŋ, ɔ̀ piŋ ńne ńzsé ngie peg lɔgɔ shwóŋó nò.

Jẅide 1:21

Pi gÿo e Ssé ké ńne ńkẅi’i ńkwoŋo gẅi kwoŋ, ńne ńzẅí’te ngie Cʉ̀apʉ̀a wege Yěsô Kristo ge gÿo gÿo pi gẅiin le gwɔ́ tèmì, á nue à tsɔ́ɔn mezìŋe mí.

Ŋwà’ne Ngyà jʉ’ 1:2

Jâŋ ŋwɛ́ aa jʉ’ɔɔn ńne ńŋwe’e kɔ̀ɔkɔ́ɔ gie à ka gyǎ. Kwà’ yé ne ńgɔɔn ngie á fóo mbwo Ssé, ńgwɔ́ nò gie áa nénʉ́, mbà Yěsô Kristo ka gÿo mé zsé.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.