1 Jâŋ 4:4 - Nouveau Testament en Ngienboum

⁴ Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.

1 Jâŋ 4:4 ပူးပေါင်းရင်းမြစ်များ

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 16:11

Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

Ŋwà’ne Jâŋ 17:23

Mèŋ n gwɔ́ nê pɔ́b, ɔ̀ gwɔ́ nê mèŋ. Pɔ́ gẅiin tà’ ncwò. Pà tsɛ̀ɛ njÿó lêen ńké ńzsé ngie ɔ̀ la túmo wɔ̀ɔn, ńgíŋe ńzsé ngie ɔ̀ kwoŋ pʉ̀a pɔɔn pá’ ɔ̀ kwoŋo wɔ̀ɔn.

Roma 8:31

Ngwɔ́ pege gíŋe ńkẅi’i kɔ́ nà nò gie pege gɔɔn lɔɔn? Pá’ e Ssé ee nà yégè gwǒŋ la, aa ńgwɔ́ wɔ̌ ku’u ná pege?

Roma 8:37

Tá’ á ké ńgʉa ná shúm sɛ̌ ntsèm, pege gwɔ́ pà tántʉ̀, pà cʉa sɛ̌ shúm ńzẅɛ́’ɛ nyìŋ gẅie à la kwoŋo wégè.

1 Korento 2:12

Á gʉa ná pege, mbà mé la tè náa zẅìge njÿó né pege wɔ́. Mé la ná pɔ́ Zẅìge gie á fóo mbwó Ssé né pege pá’ á ge gÿo pege zsé fù’ gie e Ssé la lɔg ńcÿó gem yégè.

1 Korento 6:13

Pi giŋé ně ńgɔɔn ngie: Mé la gÿo mmó lejÿó ńtí lepfòm, ńgÿo lepfòm ńtíi mmó lejÿó. Áa nò tá’ e Ssé ge gÿo tágte mmó lejÿó gwá’, é gíŋe tágte lepfòm. Mbɔɔ pú’u, ńgwɔ́ nyìŋ á lelɔg mbùm ye ńgÿo kɔ̀ɔkɔ́ɔ gie à kwǒŋ wɔ́, á nue mbùm nyìŋ ee ye Cʉ̀apʉ̀a, Cʉ̀apʉ̀a zɔ̌ líe nò náa mǒ.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Efeso 3:17

Mèŋ n giŋé ne sẅíŋte yé ngie à gÿo pi ké ne ńzába ntʉ́m pɔ́ ná Yěsô Kristo. Kristo lɔg pú’u, ńké ne ńnéŋe ńgwɔ́ pɔ́ tsɛ̀ɛ ntʉ́m gẅí. N giŋé ne sẅíŋte ngie à gÿo pi kwoŋ Ssé, ḿbiŋ ńgẅiin nkwòŋe tsetsɛ̀ɛ pi, à cʉa pú’u, pi tyé ńtʉ pá’ tÿǒ gie menŋàŋ mé kúu ssé, mbɔɔ pá’ ndá gie à cÿǒ á kúu ssé.

Efeso 6:10

Nzsò nzèm nò gie mèŋ n ge shwóŋó gẅí, á gwɔ́ pɔ́ ngie: Pá’ pi la nnɛ́ ná Cʉ̀apʉ̀a la, pi kẅé metʉ̀ mbwo ye. Àa ngàŋ metʉ̀ ntsèm. Pi kẅé metʉ̀ mbwo ye.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

1 Jâŋ 2:13

N ne shwóŋó gẅi melÿò ngie: Pi ee pɛ́’ɛ̀ ńne zsé Nyìŋ gẅie aa wó tà fó nzyeté, ńne shwóŋó gẅi pûɔ shum ngie pi kéen ńtʉ ńcʉa nyìŋ tepòŋ.

1 Jâŋ 3:20

Ntʉ́m wégè lɔɔn ńzɔɔn sá’a wégè, mbà pege ne ńzsé ngie e Ssé fǎŋ ńcʉa ntʉ́m wégè ḿbiŋ ne ńzsé nò ntsèm.

1 Jâŋ 3:24

Nyìŋ gẅie à kú’te mbʉ̌ Ssé, à ké ńda nnɛ́ nà Ssé la, e Ssé la nnɛ́ ná yé. Pege fó nà Zẅìge Ndʉalʉ̌a gie Ssé nǎ mbwo pege, ńzsé ngie e Ssé la nnɛ́ ná pege.

1 Jâŋ 4:13

Ammó gie á gÿo pege zsé ngie pege la nnɛ́ nà Ssé, e Ssé la nnɛ́ ná pege áa pá’ à la náa Zẅìge yé né pege.

1 Jâŋ 4:16

Á gʉa ná peg, mbà pɔ́ ne ńzsé pá’ Ssé kwoŋo wég pú’u, peg ka gyá yɛ̌ ntí nkwòŋe tà ńzẅíŋ. E Ssé gẅiin pɔ́ nkwòŋe, nyìŋ lɔɔn ńne ńkwoŋo pʉ̀a mesoŋ, mbà ngàŋ la nnɛ́ nà Ssé, e Ssé la nnɛ́ ná yé.

1 Jâŋ 4:6

Á gʉa ná pege, mbà pege ee nà gwǒŋo ye Ssé. Nyìŋ gẅie à ne ńzsé Ssé à ne ńzẅí’te nò gie pege gɔɔn. Nyìŋ gẅie à tè ná gwǒŋo ye Ssé wɔ́, à tè yégè nò zẅí’te. Pege fó pɔ́ pú’u, tá ńzsé nò nénʉ́, ńzsé cÿɔ̌ nò.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.

1 Jâŋ 5:4

Á nue wɔ̌wɔ́ɔ gẅie aa míŋ Ssé, à tʉ̌ ńcʉa kɔ̀ɔkɔ́ɔ gie á táte yé tsɛ̀ɛ njÿó. Ammó gie á gÿo pege tʉ ńcʉa njÿó, áa pá’ pege záb ntʉ́m ná Yěsô Kristo.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.