1 Jâŋ 4:3 - Nouveau Testament en Ngienboum

³ Tá nyìŋ lɔɔn ńké ńdʉ’ʉ lézẅíŋ ngie Yěsô Kristo la tó ńgwɔ́ nyìŋ mesoŋ, mbà ngàŋ tè gẅiin Zẅìge gie á fóo mbwo Ssé wɔ́, ayé Zẅìge áa gie á fóo mbwo ngàŋ mbù Kristo gẅie pi la jú’ mé gɔɔn ngie à ne ńtóo. À kěen ńké ńdá’ ńtó tà ńgwɔ́ tsɛ̀ɛ njÿó.

1 Jâŋ 4:3 ပူးပေါင်းရင်းမြစ်များ

Matio 24:5

Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔɔ ná pɔ́b wɔ́ gɔɔn ngie: Aa *Nzà’nkÿo, é gɔɔn pú’u lɔg fʉte pʉ̀a tà ńgyɔ́ɔn.

1 Jâŋ 2:18

Penkʉ́ pɔ́ɔn, afʉ̀’ʉ nzsònzèm ne ńku’u. Pi la jú’ mé gɔɔn ngie, angàŋ mbù Kristo ge lá’ tó. Áa fʉ̀’ɔɔn, mbà megàŋ mbù Kristo kěen ńtó tà ńgyɔ́ɔn gyɔ́ɔn. Áa mmó gie á gÿǒ pege zsé ngie à fʉ̀’ʉ nzsònzèm ne ńku’u.

1 Jâŋ 2:22

Angàŋa cÿɔ nò aa wɔ̌? À tè gwɔ́ pɔ́ nyìŋ gẅie à gɔɔn ngie Yěsô tè *Nzà’nkÿo wɔ́ le? Aa ngàŋ mbù Kristo, ńgwɔ́ nyìŋ gẅie à gwaa lʉ’ʉ nò Tá, ńdʉ’ mbɔɔ ye Múɔ.

2 Jâŋ 1:7

Pàcÿɔ nò kéen sa njÿó tà ńgyɔ́ɔn. Pɔ́ té ńne ńzẅíŋe ngie Yěsô Kristo la kwà’ sele ńcʉ́’ʉ nyìŋ mesoŋ wɔ́, pɔ́ ée kwà’ megàŋa cÿɔ̌ nò, ńgwɔ́ megàŋ mbù Kristo.